Debemos ter en conta que nós fomos un dos centros que tivo a honra de participar durante os inicios do proxecto, posto que a Consellería de Cultura, Educación, Formación Profesional e Universidades, a través da Dirección Xeral de Educación, Formación Profesional e Innovación Educativa, estableceu con carácter experimental o programa de innovación educativa Observa_Acción durante o curso escolar 2017/2018. Durante os seguintes cursos académicos (2018/19 e 2019/20) ampliouse a colaboración incluíndo ás comunidades de Castilla y León, Principado de Asturias e La Rioja.

No noso caso compartimos experiencias co CEIP Riomanzanas de Zamora o cal foi moi gratificante e proveitoso e tivo un gran impacto no centro e na nosa comunidade educativa.

Dadas as restricións sanitarias derivadas da pandemia da Covid-19, este proxecto quedou en suspenso e polo tanto agora temos a oportunidade de continuar onde o deixamos, a pesar de que resulta nalgúns aspectos dificultoso.

Quizais porque somos un colexio pequeno e rural, que nos/nos atopamos bastante afastados de grandes cidades, desde hai anos no noso centro asumimos a responsabilidade de exercer de compensador de desigualdades e de motor cultural da nosa comunidade educativa. Ademais, sempre fomos un claustro moi motivado pola innovación educativa, con ganas de aprender doutras realidades e de formarnos para favorecer a implementación de metodoloxías activas e inclusivas que melloren o proceso de ensino-aprendizaxe e que faciliten o papel protagonista do noso alumnado, actuando o mestre/a como un mediador e non como un mero instrutor.

Así mesmo, valoramos moito a reflexión persoal e a autocrítica construtiva, que nos/nos leva a buscar estratexias e modos de seguir avanzando cara un futuro cada vez máis inclusivo e que nos/nos permita mellorar e adquirir novas competencias, non só curriculares senón emocionais e sociais, tanto ao alumnado como ao profesorado.

  Sentimos a necesidade de abordar novos campos de traballo e tamén de retomar outros que quizais, debido á situación sociosanitaria que vivimos, volveron a cobrar especial relevancia. Ademais, o especial valor que damos á atención á diversidade, presente en todas as aulas, sumado á case total ausencia de libros de texto no noso centro lévanos á necesidade de incidir e potenciar o traballo a través de metodoloxías motivadoras e a crear novos espazos de aprendizaxe. Uns espazos de aprendizaxe onde saber manexar “novas ferramentas e recursos” resulta imprescindible. Así pois, gustaríanos ter a oportunidade de realizar un proceso de aprendizaxe compartida e reflexiva, que nos/nos leve á consecución duns obxectivos comúns, pero tamén específicos e a realizar propostas de mellora nos nosos respectivos centros.  Así, pretendemos camiñar cara ás AULAS DO FUTURO, potenciar a introdución do PENSAMENTO COMPUTACIONAL e a ROBÓTICA no currículum, reactivar a nosa RADIO ESCOLAR, realizar un mellor aproveitamento da nosa contorna natural e do HORTO ESCOLAR buscando a sustentabilidade  e potenciar o importante papel das BIBLIOTECAS ESCOLARES no emprego de METODOLOXÍAS ACTIVAS e INCLUSIVAS, como o TRABALLO POR PROXECTOS, PATIOS INCLUSIVOS… todo iso tentando incrementar a PARTICIPACIÓN DAS FAMILIAS e doutras ENTIDADES no centro e no proceso de E-A. 

Observa_Acción. Fase Estatal (Conecta) 

Trátase dunha fase de colaboración entre diferentes comunidades autónomas adheridas ao plan de Observa_Acción. Consistirá, como na fase anterior, na estadía e/ou recepción dun máximo de 5 docentes (1 do equipo directivo), durante un máximo de 3 días, a centros dunha ou varias das comunidades autonómas asociadas para realizar a observación. Posteriormente, proverase retroalimentación e realizarase unha reflexión conxunta entre o profesorado participante, co fin de introducir melloras concretas na práctica de aula ou do centro.

Ademáis de todo o descrito anteriormente podemos resumir as nosas intencións en canto ás LIÑAS DE TRABALLO para este curso nos seguintes ámbitos:

·   Robótica educativa e aprendizaxes STEAM: ciencia, tecnoloxía, enxeñería, arte e matemáticas

·   Creación de novos espacios de aprendizaxe, físicos e virtuais: Aula do Futuro e dixitalización da ensinanza.

·   Recreos inclusivos e educación emocional.

·   Biblioteca escolar como centro creativo de aprendizaxe.

·   Emprego de metodoloxías activas de aprendizaxe: multialfabetización.

·   Radio Escolar

·            Coidado da contorna, respecto ao medioambiente e adecuación do noso horto escolar.: sostenibilidad e obxectivos da axenda 2030.

Entre os nosos obxectivos, se temos a oportunidade de colaborar e observar con outro centro, destacan:

1.Traballar e observar o traballo sobre o pensamento computacional, creativo, a imaxinación e a motivación do alumnado, así como fomentar a súa autonomía. Desenvolver novas formas de comunicación e aprendizaxe, que van máis aló dos métodos tradicionais introducindo aprendizaxes do ámbito STEAM.

2. Observar e crear e poñer en marcha as aulas do futuro, onde o emprego de recursos dixitais e de metodoloxías activas favorezan os procesos de ensino e aprendizaxe, facendo do alumno o protagonista de todo o proceso: o alumno investiga, interactúa, intercambia, desenvolve, crea e presenta.

3. Aprender como transformar os distintos espazos do patio en zonas inclusivas, accesibles, acolledoras e motivadoras, que tamén sirvan para fomentar a vida activa e a sustentabilidade do noso planeta entre o alumnado.

4. Mellorar o desenvolvemento socioemocional do noso alumnado, achegando estratexias e actividades encamiñadas a facilitarlles un mellor coñecemento das propias emocións e dos demais para conseguir unha convivencia positiva.

5. Favorecer o impulso de actividades didácticas cuxos protagonistas sexan o alumnado e orientadas ao desenvolvemento das competencias clave incentivando a comunicación entre toda a comunidade educativa, introducindo e aprendendo a utilizar a tecnoloxía e a linguaxe relacionada co audio e as radios escolares.

6. Mellorar na creación de actividades e dinámicas para o uso, gozo e xestión de temas común integrados no currículo dun xeito multidisciplinar e empregando metodoloxías activas para favorecer a adquisición de competencias do alumnado.

7.  Desenvolver e observar proxectos dos diferentes ámbitos de actuación, de maneira que se facilite o aprendizaxe intercentros.

O colexio co que teremos a oportunidade de compartir experiencias e aprendizaxes é o CRA LA ESPIGA, en ZURBARÁN. Na súa Comunidade Autónoma están dentro dun Proxecto chamado MUÉVETE.  No seguinte documental poderedes coñecelo mellor:

VISITA DE OBSERVA_ACCIÓN AL CRA LA ESPIGA (BADAJOZ)