Whakawātea

Titiro atu ki te rangi

Rarau mai ko te aroha

Koutou kua tīpare ki te rau

Ō Pōhutukawa e

Haere rā e hika mā

Tēnei te pō, nau mai te ao

E Hiwa e

Kawea a mātou wawata

Kia whai māramatanga

Mōku nei a Rangiātea

Ka rere ngā wawata ki te pō

Hei kete moemoea e

Mā Hiwa e whai

kia pūmau te ao hou

Ko tā mātou e hia ai

Nau mai te mātahi o te tau

Tīrama mai i te uma o Ranginui

Hei tohu i te tau hou māori

Manawa maiea a Matariki 

Nau mai te mātahi o te tau

Tīrama mai ki te uma o Ranginui

Hei tohu i te tau hou māori

Manawa maiea a Matariki

Matariki, matariki, e ara e

(Matariki)