જો તમે ટુ વ્હીલર વાહન ચલાવો છો, તો જો તમને ટ્રાફિક સંબંધિત નિયમો વિશે જાણકારી ન હોય તો તમારે ભારે દંડનો સામનો કરવો પડી શકે છે. ટ્રાફિક નિયમોનું ઉલ્લંઘન કરવા પર, તમારું હજારો રૂપિયા સુધીનું ચલણ કાપી શકાય છે. આ સાથે કેટલાક મામલામાં તમને જેલ પણ થઈ શકે છે. જો તમે ઈચ્છો છો કે તમારું ચલણ કાપવામાં ન આવે, તો તમારે ટ્રાફિકના તમામ નિયમોથી વાકેફ રહેવું જોઈએ અને નિયમોનું પાલન કરવું જોઈએ.

ઝી ન્યૂઝના અહેવાલ મુજબ, કેટલાક ટ્રાફિક નિયમો છે, જેના વિશે ઓછા લોકો જાગૃત હોઈ શકે છે. કારણ કે લોકોએ તેમના વિશે ક્યારેય ધ્યાન આપ્યું નથી. આ કારણોસર, જાણતા-અજાણતા વાહન ચલાવતી વખતે, લોકો ટ્રાફિકના નિયમોનું ઉલ્લંઘન કરે છે, જેના કારણે તેમનું ચલણ કાપવામાં આવે છે. આવો જ એક નિયમ ચપ્પલ પહેરીને ટુ-વ્હીલર ચલાવવાનો છે. નવા ટ્રાફિક નિયમો અનુસાર, હવે ચપ્પલ પહેરીને બાઇક ચલાવવા પર તમારું ચલણ કાપી શકાશે.

હાલના મોટર વ્હીકલ એક્ટ મુજબ ટુ વ્હીલર ચલાવતી વખતે સંપૂર્ણપણે બંધ જૂતા પહેરવા જરૂરી છે. જો કોઈ વાહન ચલાવતી વખતે આ નિયમનું ઉલ્લંઘન કરે છે તો તેનું 1000 રૂપિયાનું ચલણ કાપી શકાય છે. જો તમે ચપ્પલ પહેરીને બાઇક ચલાવો છો, તો તમારે ચલણ તરીકે 1000 રૂપિયા ચૂકવવા પડશે.

આ સિવાય જો આપણે ટ્રાફિકના સામાન્ય નિયમોની વાત કરીએ તો દરેક વ્યક્તિએ બાઇક ચલાવતી વખતે હેલ્મેટ પહેરવું જ જોઈએ. જો કોઈ વ્યક્તિ હેલ્મેટ વગર બાઇક ચલાવે તો તેને 1000 રૂપિયાનો દંડ ફટકારવામાં આવે છે. તે જ સમયે, વાહન ચાલક પાસે બાઇક સાથે સંબંધિત તમામ દસ્તાવેજો હોવા જોઈએ. જો કોઈ વ્યક્તિ પાસે વાહનના દસ્તાવેજો ન હોય. તો એવામાં પણ ચલણ કાપી શકાય છે.