Inooriaaseq
kalaallit allattut: Fiona aamma Winona
Franskit isorartuumik assigiinngissutaat
Nerisarfiit
Ilaqutariit franskit ataatsimoorlutik unnukkorsiutoqatigiittarput, ullormut sulerisimanerlutik oqaluuserisarlugu. Atuarfimmi 12:00 nerisarlutik. Angerlarsimaffianni unnukkorsiutoqatigiikkaangamik puugutat amerlasuut atorneqartarput, pissutigalugu nerileraangamik siullermik siuleqqiutitoqqaariarlutik, unnukkorsiutit, immussuartoriarlutik kinguleqqiutitullu naatitat, siku il.il.
aparsinerit
Kalaallit, franskit grækerillu inooriaasiat assigiinngissutai amerlaqaat, assersuutigalugu Frankrig-imi arlaannut pulaarniaraanni, kaffisortitisoqaraangamilluunnit inuit takugaangamik orneriarllutik haluuginnarnatik ataaseriaq, marloriaq sisamariarlutilluunniit uluakkut aamma aparsisarput, ileqquugami, apeqqutaavoq Frankrig-imi sortaannniinnerlutit.
Uumasuutit
Franskit uumasuutillit amerlalaartorujussuupput. franskit ilaqutariit 40%-ii uumasuuterqarput. franskit ilaqutariit amerlasuut marlunnik pingasunilluunnit uumasuuteqartarput. franskermiut uumasut assut nuannarisorujussuai. Aajuku Annap uumasuutai.
atisaarniarfiit pinnersaatillu
Atisat pinnersaatillu
Frankrig-imi atisaarniarfiit amerlasoorujussuupput. Atisaarniarfiit soorlu Haute couture, Chanel, Christian Dior il.il. pisinniarfiit akisuut amerlasuut ataatsimoortumik pisinniarfissuaqarpoq kisianni taakku kisimi illoqarfinni angisuuni nanineqarsinnaapput. Illoqarfiit mikisuuni aamma naliginnaasunik atisaarniarfeqartarpoq. atisat akisusussaappummi akisuujunngikkaluarpata inuusuttut amerlanerit atisat aalajangersimasut pisiinnavikkusussagaluarpai kisianni akisuujugamik kisimi aatsaat atorfissaqartivikkaani pisiarineqartarput, taamaasimanngitsuuppat angajoqqaat assut kimigiiserfigineqassagaluarput. Frankrig-imi atuartut atuarfimmi pinnersaateqaqqusaapput. Atuartut kisianni assut pinnersarneq ajorput. Franskinut pinnersarneq najoruminarpoq taamaammat pinnersartarput.
Nalliuttorsioriaatsit illoqarfittullu festival-ertarnerit
Isiginnaartitsisarn-ermi festival-it
Frankrig-imi assigiinngitsorpassuarnik festival-eqartarput. Assersuutigalugu, illoqarfik Frankrig-imiittoq Sarlat, isiginnaartitsinermi festival-erqartarput. Ukiumut ataaseriaq aasakkut pineqartarpoq. isiginnaartitsinermi festival-eqartarpoq pissutigalugu Frankrig-imi isiginnaartitsineq assut nuannarineqarami.
nipilersornermi nalliuttorsiorneq
Nipilersornermi nalliuttorsiorneq festival-iunani nalliuttorsiorneruuvoq. Pissutigalugu kikkulluunniit ilaasinnaagamik nuannisarlutillu. juuni-p 21-ni franskit amerlanerit silamut anillutik nipilersuutigalutik kikkut tamarmik qiteqatigiilertarput. Nipilersuutit assigiinngitsorpassuarnik nippattarput. Inuit erinarsoqataasinnaagunik nipilersoqataasinnaagunilluunniit nippattarput. Nipilersornermi nalliuttorsiorneq aamma nuannisarnermi periarfissaalluarsinnaavoq. Nalliuttorsiorneq naliginnaasumik ullaakkut marlunut pingasunulluunniit naasarpoq.
Franskit oqaasii pillugit festival-eqarneq
marts-ip 20-ni franskit oqaasii pillugit festival-eqartarpoq, pissutigalu franskit oqaasii assut nuannarineqarami. nunarsuarmi sumiluunnit franskisut oqalussinnaasut ulloq taanna nalliuttorsiutigisarpaat. franskit nalliuttorsiutigigangamikkut sammisassat asigiinngitsorpassuarnik sammisaqartarput. assersuutigalugu taallialiortarput, Allattarput, diktat-iliortarlutillu.
Sarlat-imi karneval-eqarneq
Marts-imi Sarlat-imi karneval-eqartarpoq. Karneval-eqaraangami marts-imi sapaatikkut kikkut tamarmik atisalersorlutik qalipattarput, pinnersartarput il.il. pissutigalugu nuannerami, illarnarsinnaalluni pikkunarsinnaallunilu, kammalaatit ilaqutallu naapisinnaallutik. Ullaakkut atisalersornikut taninnikullu meeraanerusarput pissutigalugu ullaakkut meeqqat amerlasarnerugamik, angajoqqaanullu puullaaqinarsinnaasarluni, kisianni angajoqqaat unnoqqaakkut peqataalertarput.
Franskit sulinngiffii
Nipilersuut
Franskit nipilersuutit elektronisk-imut tunngasunut pikkorissorujussuupput, tusaamasaanerpaaq tassaavoq DJ Snake. Frankrig-imi erinaginnerpaat tassaapput Maître Gims, Jain, bigflo et oli, kisianni erinarsortartoq taaneqartartoq Angel aamma nuannarineqartorujussuuvoq. Ukioq kingulleq erinarsortartoq pingaartorujussuaq atilimmik Johnny Hallyday toqusimagami kikkut tamarmik assut aliasupput, ilisaammat allaat kattuffimmi siulittaasoq takkuppoq. Erinarsuut nuannarineqarnerpaaq tassaavoq allumer le feux. Tullia Edith Piaf, inunngorpoq december-ip 19. 1915-imi, toqullunilu 1963-imi, 47-narnik ukioqarluni toquvoq. Franskisut erinarsortarpoq, erinarsugaa nuannarineqarnerpaaq tassaavoq la vie en rose.
Isiginnaagassiat
Franskit isiginnaagassaliuleraangamik pissanganartuliaanerusarput, illarnnartut imaluunniit romantikki. Frankrig-imi isiginnaagassiaq nuannarineqarnerpaaq tassaavoq Plus belle la vie. Isiginnaagassiaq 2004-mi aallartinneqarpoq sulilu ullumikkut aallakaatittarpaat. Isiginnaagasiaq amerlasuut nalunngisaat aamma ilumoortumik pinikoq ateqarpoq intouchables, nuannerpoq pissutigalugu isiginnaaraanni misigisat assigiinngitsut amerlasuut takkutilertaramik. Isiginnaagassiaq "intouchables" pisanganartuliaavoq illarnartuliaallunilu. Isiginnaagasiaq Frankrig-imi Paris-imi sananeqarpoq. Isiginnaagassiami angut philippe-mik atilik millionæri innarluutilimmik ikiortittariaq ikiortimik ujaarliisoq. Kiisami ikiortimik Driss-imik atilik ikiortutut iluaqutaasinnaasumik nassaarami sulisunngortippaa. Kisianni qaamatiinnarmik misilitseqqaarniarpaa, paasiniaramiuk ilumoortumik ikiortiusinnaanersoq. qaammat ataaseq ingerlanerani assut nuannisarput sorluluunniimmi avissaarneqarsinnaanngittut, qaammat ataaseq ingerlareerluni, Driss assut nalornilerpoq ikiortitut unissanerluni imaluunniit taamatut suliinnassanersoq, Driss aliangerpoq Philippe sivisunerusumik ikiuinnarniarlugu. Driss Phillippe inaanut nuuppoq, tassaninngaanniilu inuunerat allanngorpoq.
