موسى المالكي – شاعر عراقي

أنا موسى المالكي، شاب عراقي عندي 23 سنة، أكتب الشعر من قلب ينبض بالتجارب والأحاسيس.

أعتبر كلماتي جسور تواصل بين الماضي والحاضر، وصوتي يحاول يرسم لوحات من الحلم والواقع بلمسة معاصرة.

رحلتي الشعرية هي سجل لحكايات عشق وألم وأمل، وكل بيت أكتبه يحمل قطعة من روحي.

إذا تحب تكتشف عالم مليان عفوية وإبداع، تابعني وتعرف على قصايدي اللي تنبض بالحياة.

سافرتُ في عينيكَ، والكونُ احتوى

وجهي، وعادَ إليَّ فيضُ كيانِ

ما كنتُ أدري أنّني مرآةُ من

ذابتْ على أنقاضِها الأكوانُ

يا من تجيءُ كأنّ فيك نبوءةٌ،

وكأنّ في عينيكَ سرُّ مكانِ،

خذني إليك، فإنني دونَ الرؤى

مذ كان موتي… لم أكن إنسانِ.

تمتع باجمل القصائد الشعرية والشعبية الفانية التي تنسرد بحب القلم للكاتب 

موسى المالكي 

عرفنا ارواحنة رخاص وبعد منحب

ولعنة الدنيا غشمة الكشفتنا وجوه

وعرفنا صياره لدلال من يعزب

اعض بالعشرة واني سنيني تغتاض

بــس بــنــادم يحــب التــجــارب

لهنا وكتفيت وشفت كومه وجوه

راكض عالصور واني بطرك هالحب

ويجي ليلي وخلصة دموع جوه دموع

شلال اعلى خدي وظفري ليخرب

شفت نفسي بعد كلشي عذاب كبور

خسارة طم خسارة واني لتعذب

غشيم اني طلعت من حسبتلة حساب

وهوه بناري حتة ثياب كام يذب

يجي طارية وزعل غيري اذا ذكروه

ويجي طاريي يبدي بغلط يخلص سب

خلصت الجكاير ثاري توه الليل

وي طرت الفجر شهك الهوه يعذب

خضتنا المواقف غيرت حسابات

اثاري الدلة اذا ماتنخض اتحبب

بعشريني شتريتة لهسه افك بالدين

هوة العافني وليكلي ليش اعتب

رتبت الحجي وصيارة يم ناعور

اثاري بروحتي يرتب

يارافــة شجـرة مليـانة عتـاب

ويا محــطات وموازيــن الشعر

عمري خلــصته بوجــودك بس دلال 

انــتي دنيــا وانــي كاتــبلج عمــر

انتــي يـــا اخــــر محطــات القطــار

شكثر ننزل بالبدابة وانتي مقسوم الصبر

 انــي هــم هــنيــالي بــيــج شكـد احــبج

كــمــت اغــار بكــثــر مــا حــبــك كــبــر

اني عايف كم دقيقة حييل لو ينجمعن يصيرن شهر

اي غلطان اني الجلبت بغصانها الشجره

ومن سولفو عنك مامشيت براي

ودريت اغصاك من الشجره تتبره

هيج انت سبع ماخذني رايح راد

عبالك تهمني وباقي بالكسره

الكسر هين

راجع ملتئم ياشوك ياحسره

عليمن راجع وجايب الفاس وياك

لو كايلي اني اكطعها  للعشره

الكلام العاجبك افتح مزادك بي

بالكت عال غشيم وتمشي وتعبره

صرت انته المحطه وحمد اني المات

مات بلا قطار ومحد يذكره

نقطه بنص ورق ابيض كلامي يكون

بس جيب ابن اصيل اليعرف العبره 

هوه انت رحت راجعلي نادم ليش

           لو ادري من الاول حارك الورقه

جي كلبي غشيم انطاك كومه اسرار

لو يدري الغشيم تهدده بسره

جا عفت المفاشل وتجه للبيت

ادوسه الكلبي خاف يعيدها الكره

حالف ما اسولف ونجبر مرات

اسده لحلكي بس شيسكت النضره

كدرت تخوني ومبروك

كونك خاين العشره

        خساراتي

اني اكبر دليل اكبالكم خسران

سفينه بنص بحر لاكن بكيف الروج

مره يشيلني ومره دخل متني

حاوطني النذل والخاين وجتال

والمتغرب من ابلاده صاعدني

يمته تعوف خوفك خاف اغرك بيك

برغم كل الصفات البيه خانكني

يمته اوصل لجرفك واني احب جروح

حته احضن اجروفك مامعودني

مافكرت اعوفك رغم كل البيك

بس غمضت عيني الكاك عايفني

ضحكت شكثر بالحب عليه الناس

وبشارع ملتقانه الكاك خايني 

انا بليله شته وعريان

وتحمل برودك لا جاملني

فوك جروحي اثر غركان

ليش بكل صلافه مجلب بردني

.انا الخايف

 لبعيني يبين بضلي

انا الشاب الي شايب بين بكدي

منو الوصاك بيه وكلك ذلني

بعدت كل هل مسافه وجاي تلحكني

رغم متني صعب يتحمله اي انسان

فوك الضيم شايل متنك ومتني

كسره ضلع

كسرتولي ضلع لازم احاجيكم

جروحي بطولي لاكن ما مداويكم

المسامر حجي من الطور للكولات

                  وهمه زلام من صارو صدك لبسو تراجيكم 

الناكه ضيع من تمشي بدرب نجمان

ولاكن بالشدد ترجع تماشيكم

وسدو حلوكم اني الشهم بيكم

انا شيوخ تدخل عندي بالصعبات

ونتو شيوخ بس مامقتنع بيكم

انا الروج مشيته بدربكم ليش

والملاكه بنص شواطئ صار رجليكم

والحموله ويا النواكي سباعها هوايه

كل قوته الشجر يجرح بسلايه

صرتلكم جذع وثمرت وهتمين

اثاري الليل يخلص وني ماغافي

ساعدت النذل يصعد اعلي اجتافي

بيمن قصرت وصيتك من تنام

غطي الروح بلحافي

بس طبع الطفل مايرهم مدلل

كضيته العمر حافي

هيج احسلك وتنذل

ماترحم نعمتك هيج متعافي

متغير

ترد بردان اشبكك حيل

اشغل النار ادفيك وترد محتر

ومن الشوك اثاري انسيت

مدري بيا حضن بيبانك يغزر

طبع الناس بس بكيفها تفسر

لاياخذ ولا ينطي من يعبر

جن دفانه من يموت

كبره شما كبر يزغر

حلم بيبانك من اتفوت ماتعثر

وذكرك زين بيبان الخلك مرمر

وني الغاثني يسئلوني بيك ها ما مر

وني الكلبي مابرر

خلصت عمرك ندم وبليلك تفسر

واني الليل مانامه اذا تسهر

جانت حجايه صدك طلعت وراك

وني اعرفك زين متعبر

الوكت حوبه بس يجبر

الميل الماله اخو عادي يضل يفتر

كلت بردان تذكر

حركت ثيابي بيدي الخاطر يغزر

موكلنه متغير

سديته بابك

خربط بكيفك بعد

جرفك خلص من وكت

وعافوك من كل جهة

وشالو شباج السمج من عرفو بنقصك

ذكرت من كتلك قبل لاعوفك

مرات يحتاج الزمن

امشي بدرب اتلفت وماشوفك

تخليني ميت من رحت

كل هذا من صارت صدك خايف اشوفن دربك واذكرك

عافوك تبجي الوحدك تمشي وتكول تعدي

جازوك بسوالف غدر منا وغاد وتبدي

دلوني بس مارحت خايف اروحن وحدي

تعلمت من كسر الكسر الجم ورجع ابدي

صافن وجهي اعلى السما ونجمه تمر بليلي

هدوك من ياحدر طلعن نجوم الضهر

وسديت بابك تره الحد مانهد حيلي

الشاعر موسى المالكي 

خلل والخال خلك بيه محتارين

مايدرون من شمه هوه اندلك

وسولف ونطي واخذ بالحجي الينكال

ورد اسمع احجايه اتغثني وتفشلك

وعاتبهم وريد الناس تحمد بيك

بس طبع العناد البيك محتلك

جازيتني بنص الدرب بايعني وعرف بيك ماناويلي خير..!

اني ربيتك بديه المشكله وشديتلك..! جنحان طير 

حبيتك صدك لاكن صدك عايفني

مليت من خلك المس واليوم جاي اذلني

خفت احاجيك بصدك وبشوفتك تحرمني

جازيتني بطعناتك وخنجرك يلجمني

ماردت اعوفا كلبي بيدك ورجع اوثق خاطر تبهذلني

ساعه نطيتك ب اول دقيقه حجايتك تجرحني

ماينفع اعتابي

ماريد اعاتب بعد 

رحت انته كلشي وخلص ماريد 

اجاوبكم

لاترجع وناسين الايام 

الترخصكم

بقينه ويا الوكت ساعات نحذف كل 

رسايلكم

وصوركم تارسه الحيطان شلناهن بعد 

منريد جيتكم

كلمه اسف وغلطان لاترجع بعد 

وتكولها بابي

جبل ونهد وعمره الجبل متقارن ويا 

اتعابي

زمن الغبر الخله وجوهنه مثل وجوه 

شيابي 

وحنه بعمرماردنا جيلك عاند 

اسبابي

الحبك عدل ماخثك

بليلك

اليحب الصفات البيك

يدعيلك

الحبك مالكه وجوهتكم

مشرعات

وعينه بعين الله وراد

يشكيلك

الحبك من صدك مايرهم

بلياك

ولا فد مره شك وراد

 يشكيلك

يروحي وكلبي يا احلا

عيبج احلى من التور والبدلة

وتجي بالي اشوفج كل صباح الخير

وصفن بالعيون الناعمه الملسة

ميعيشيني بس بوهم ماجني واحد خسر وعيوني تنزف دم

خسران وني بمرحله بدروب ديره هلي وتلكوني متلثم

هذا اخر كلام وياك ونساني

النطيته الك ماعيده وي ثاني

الكلام اليجرحك عافوك جي مطير

شفتك ماطحت كصيت جنحاني

انطيتك من الماي

روج اتغربل وشلعها بيباني

ماكفاه جرحي ولا عليه يدوس

ماباوع عليه وبكلمه بجاني

الرايح واليرد اسمع علي يحجون

خذو مني الوكت وبشيبتي يعيرون

وسهمهم ماخطئ صوب بنيشاني

من اول ليالينا الحضن لليوم احضن بيك ومن اجازه هيج احضن تصاويرك

مو طبعي الحجي ولا طبعي اعاتب بيك من زعلان منك عاتبت طيرك

صدفه ويا محله هالصدفه

ومن نضرات عينك للوجع يشفه

عينك من اليحسدوك تره العنده امانك بالوطن شله

وداعك مثل وداع ليموتون

جرح مشتاك ما يشفه

صبرنه شكد بعد نصبر على يمرون

حته تمر دربنه نسولف بحركه

وذا عنادك برد مو شغلتك نار 

خلصت الحطب وحنه بدايت ليل 

وحركت ثيابي خاطر بيه تدفه

جنها العين صابت

اليعيون الماتصلي اعلى النبي تنده

بديت اشهك وشوف الناس دمروني

وجزاتي بكل مراحب صدر خانوني

وشجاوب جفني من انباكن عيوني

انا المجروح منهم حيل اذوني

وبرد وختنك وشهك وتاني الليل

وبليل انخطف مو ينخطف لوني

وندل وبتدي ونسه بنهار الصار

ومن يرجع الليل يخيبن ضنوني

يا مرسم الحب

اني قد عينت عيناك الجميلات بحربي

وقد امسكت بك حين التويت بدربي

وقد عانق حضنك بشده عناقي لاهلي

ومن الشوق الا بحبك ولربي اتلي

ونعمت الحب من فضل ربي

وسبحان الذي من حب يبلي

حبيتك صدك مو مال احب غيرك

عيونك والسهر جذاب تغيرك

اعرفك من جنت احلم وفز منومي حته الكاك

بالكت فز ضميرك

ضل صدك بياهو الجان

مشكور

 ضل خلي الحجي يحدد مصيرك

مو اني النساني انسا

وحجي بضهرك واكل بخيرك

من اول ليالينا الحضن لليوم احضن بيك

ومن اجازه هيج احضن تصاويرك

مو طبعي الحجي ولا طبعي اعاتب بيك

من زعلان منك عاتبت طيرك

لا خليت ناس ولا ائمه

وبقيت متاني يم بابه الجبيرك

بس وسفه وحسافه انته وضميرك

تنساني خلي بالك تريد اتروح

 روح اني عندي هواي منك راحو

جربو كلشي وياي بس مافلحو

رادو كسرتي وجربو مانجحو

يمكن حسبت الناس كلهم وتانيك

كمت اسمع الحيطان جابولي طاريك

فزيت من ذاك الحلم لافيدك ولاريدك

فزيت حته من الصور فضحت روحك بيدك

عفتوني والله بلا سبب

مافرزنتو روحي من الله

خلولي موقف وي خلك

اعثر وصيح اسم الله

شنو ذيج الايام الكلبي بيها يخسره

تفشلني وني اكثر بشر ماردت منك كسره

خايف عليه من الوجع وني الاوجاع البيه كلهن منك

يالخيبت ضني ماغزر وياك العمر يالخلصتها بسدني

طعناتك بخصري انه الداريتك الحد ما خلص عمري

عايفني ومبجيني جايبني وموديني

امس عبالي راسملي حلم بس الحلم يجويني

دلال من اريد احجي الحجي الينكال مايرد

اشو هسه الكلام وياك متردد

صحيح الكال الباب الينفتح

يجي يوم وعليك الباب هم ينسد

حرامات التحبه يصير بالمرصد

انفتحن بوب امس مالجمن جروحه

وصمد ماصار مثل الصيده مطروحه

طير وبادر وخلي جناحه مرفوعه

اليريد يعيش حته الصكر ميلوحه 

مع كل الحب والتقدير والشكر لكم