Раздзел “А хто там ідзе?” сугучны з назвай самага вядомага верша Янкі Купалы, перакладзенага на 82 мовы народаў свету, прысвечаны пачатку творчасці песняра. У цэнтры ўвагі - першынадрукаваны верш, першы зборнік, самы вядомы твор. Раздзел мае копію нумара газеты “Северо-Западный край”, дзе быў упершыню надрукаваны верш Янкі Купалы на беларускай мове “Мужык”, факсімільнае выданне першага зборніка “Жалейка”, копію рукапісу верша “А хто там ідзе?”...