BUYING RAW LOTS IN MAWAB?

  Nagpasidaan ang Local Government Unit of Mawab ngadto sa publiko batok sa pagpalit ug mga “raw lots” para sa residential purpose, kung asa kasagaran sa mga luna nga ginabaligya, illegal tungod wala kini igong lisensya ug permits gikan sa gobyerno.

  Gihimo sa Lokal nga Panggamhanan sa Mawab ang maong pahimangno human giisyuhan ug Notice of Violation ug Cease and Desist Order sa Department of Human Settlements and Urban Development Region XI (DHSUD-XI), and pipila ka mga realty companies ug mga developers nga namaligya ug “raw lots”. Kini usab ang magpakuyanap sa maong mga pagbaligya sa nagkalain-laing barangay ug paggamit sa social media sa pag advertise sa ilang mga katuyoan.

  Ang pagpalit sa mga raw lots, bisan barato pa man ang presyo niini, posibleng maoy hinungdan sa mga problema sa umaabot nga panahon tungod sa walay approved subdivision plans, kung asa lakip na dinhi ang drainage ug road accessibility.

  Dugang niini, ang mga tao na mupalit sa mga barato nga lote mabiktima sa ing-ani na Sistema ginaingnan lamang matud pa na magbuhat sa kaugalingon nila nga drainage system.

  Ang mga mamaligyaay sa mga illegal na “raw lots” posibleng mag-atubang og pasakaan og kaso tungod sa walay igong mga rekisitos gikan sa DHSUD-XI sa pagpamaligya niini.

  Ang mga raw lots, gikonsidera usab na agricultural lots na ginabaligya para sa “residential subdivision” kung asa wala kini igong permit ug lisensya gikan sa gobyerno. Ang pagpamaligya niini giilang illegal tungod sa walay LICENSE TO SELL, WALAY REHISTRO para sa maong proyekto, ug WALA usab DEVELOPMENT PERMIT.

  Ang municipal na gobyerno lamang maka issue ug Development Permit pinaagi sa aksyon sa Sangguniang Bayan ug ang DHSUD-XI lamang pud ang gitahasang mo issue ug Certificate of Registration and License to Sell sa mga subdivision projects.

  Para sa dugang kasayoran, mamahimong mubisita sa MPDC Office nahimutang sa Municipal Ground tapad sa Opisina sa atong Mayor.

Daghan Salamat