၁၈၉။ (ပွမပိုက်ကထိုန်) နပွမဂိုၚ်ကေတ်ဏာသ္ၚာ ဗွဲမ္ဒးရး ထပှ်သာ်

၃၁၂။ ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ မဇိၚ်တုဲဗွဲမ္ဒးရးတုဲ “ကြက်ဟွံကလေၚ်စဴရ” ရဴဝွံ စ္ဍးအာရ၊ ကုခမဳဂှ် ဒှ်ပွမပိုက်နုက်ကထိုန် ပက္ကမနန္တိကရ။ (၁)

ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဗွဲမ္ဒးရးတုဲ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်မ္ဂး၊ ကုခမဳဂှ် ဒှ်ပွမပိုက်နုက်ကထိုန် နိဋ္ဌာနန္တိကရ။ (၂)

ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဗွဲမ္ဒးရးတုဲ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဟွံဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်မ္ဂး၊ ကုခမဳဂှ် ဒှ်ပွမပိုက်နုက်ကထိုန် သန္နိဋ္ဌာနန္တိကရ။ (၃)

ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဗွဲမ္ဒးရးတုဲ စ္ဍးအာရ၊ ကုခမဳ မအာစိုပ်မ္ၚးသိမ်ဂှ် “ပ္ဍဲဌာန်ဝွံဟေၚ် ကြက်ဇိၚ်သ္ၚာဝွံရ၊ ကြက်ဟွံကလေၚ်စဴရ” ရဴဝွံ ကသပ်ဒှ်ရ၊ ခမဳဂှ် ကဵုဇိၚ်သ္ၚာဂှ်ရ၊ ကုခမဳဂှ် ဃောဇိၚ်ဒၟံၚ်သ္ၚာဂှ် ကၠေံလီုအာမ္ဂး၊ ကုခမဳဂှ် ဒှ်ပွမပိုက်နုက်ကထိုန် နာသနန္တိကရ။ (၄)

ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဗွဲမ္ဒးရးတုဲ “ကြက်ကလေၚ်စဴရ” ရဴဝွံ စ္ဍးအာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ပ္ဍဲဘာဂှ် ပိုက်ကၠေံကထိုန်ရဂး’ ရဴဝွံ ဂွံမိၚ်ရ၊ ကုခမဳဂှ် ဒှ်ပွမပိုက်နုက်ကထိုန် သဝနန္တိကရ။ (၅)

ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဗွဲမ္ဒးရးတုဲ “ကြက်ကလေၚ်စဴရ” ရဴဝွံ စ္ဍးအာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ကြက်ကလေၚ်စဴရ၊ ကြက်ကလေၚ်စဴရ” ရဴဝွံ ဃောချပ်မံၚ် ကဵုကလိလောန်အာ ပွမပိုက်ကထိုန် ပ္ဍဲမ္ၚးသိမ်ရ၊ ကုခမဳဂှ် ဒှ်ပွမပိုက်နုက်ကထိုန် သဳမာတိက္ကန္တိကရ။ (၆)

ခမဳဂှ် ဂပ်ဝ်လလးကထိုန်တုဲမ္ဂး ဂိုၚ်ကေတ်သ္ၚာ ဗွဲမ္ဒးရးတုဲ “ကြက်ကလေၚ်စဴရ” ရဴဝွံ စ္ဍးအာရ၊ ခမဳဂှ် အခိၚ်အာစိုပ်မ္ၚးသိမ်ဂှ် ဇိၚ်သ္ၚာဂှ်ရ၊ ခမဳဂှ် ဇိၚ်သ္ၚာတုဲမ္ဂး “ကြက်ကလေၚ်စဴရ၊ ကြက်ကလေၚ်စဴရ” ရဴဝွံ ချပ်တုဲ ကၠုၚ်စိုပ် ဂတာပ်ပိုက်ကထိုန်ရ၊ ကုခမဳဂှ် ဒှ်ပွမပိုက်နုက်ကထိုန် မွဲဟာန်ကေုာံ ခမဳဂမၠိုၚ်ရ။ (၇)

(ပွမပိုက်ကထိုန်) နပွမဂိုၚ်ကေတ်ဏာသ္ၚာ ဗွဲမ္ဒးရးထပှ်သာ်တုဲရ။