၆၂။ ကဵုအခေါၚ်သ္ပပယျၚ် ညးမၞုံကဵုအာယုက်ၜါစှော် သီုတ္ၚဲပဋိသန္ဓိ

၁၂၄။ ပ္ဍဲကာလမွဲအခိၚ် တဳလပိုဉ်ကုမာရကဿပ မၞုံကဵုအာယုက်ၜါစှော် မွဲဟာန်ကေုာံတ္ၚဲပဋိသန္ဓိတုဲ သ္ပပယျၚ်ရ။ ပ္ဍဲအခိၚ်ဂှ် “တဳလမၞုံပိုဉ်ကျာ်တြဲဂှ် ‘ဟဂပ်ဝ်သ္ပကဵုပယျၚ် ညးဟွံပေၚ်အာယုက်ၜါစှော်ရ’ ရဴဝွံ ပညပ်လဝ်ရ၊ အဲမသ္ပပယျၚ်တုဲတု် ရိုဟ်လၟိဟ်ကေုာံတ္ၚဲပဋိသန္ဓိမှ အာယုက်ပေၚ်ပၜါစှော်ရ၊ ဒှ်ပယျၚ်ဟာ၊ ဟွံဒှ်ပယျၚ်ဟာ” ရဴဝွံ ကသပ်ဒှ် ကုတဳလပိုဉ်ကုမာရဥသပရ။ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ “ယွံခမဳတအ် သ္ပတမ်နူစိုတ်မကတဵုဒှ်ကၠုၚ် ဗွဲကိုပ်ကၠာ ဝိညာဏ်မကတဵုဒှ်ကၠုၚ် ဗွဲကိုပ်ကၠာ ပ္ဍဲဗုၚ်ဂၞဴမိတုဲ ဒှ်ပွမကတဵုဒှ်မၞိဟ်ညးဂှ်ရ၊ ယွံခမဳတအ် တၞဟ်နပွမသ္ပကဵုပယျၚ် ပူဂိုလ်မပေၚ်အာယုက်ၜါစှော် မွဲဟာန်ကေုာံတ္ၚဲပဋိသန္ဓိဂှ် ကဵုအခေါၚ်ရ” ရဴဝွံ (သ္ဂးရ)။