၄.၉.၄.၁။ ပွံက်သိက္ခာပိုဒ်စတုတ္ထ

1196) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳဗြဴ မ္ဂးဂှ် ။ ပ ။ ပ္ဍဲအရာဝွံ ဗြဴမဒှ်ပယျၚ် နကဵုဉတ္တိစတုတ္ထကမ်ဝွံ ဂပ်ဝ်နွံပၟိက် ရဴဝွံမ္ဂးခမဳဗြဴရ။ ကယျိုၚ်ကယျဝ်မၞိဟ်ဗြဴဂမၠိုၚ် မ္ဂးဂှ် ကယျိုၚ်ကယျဝ်သၠိုက်က္ဍိုပ် ကယျိုၚ်ကယျဝ်ကွက်ကအ် ကယျိုၚ်ကယျဝ်ကွက်တဲ ကယျိုၚ်ကယျဝ်ကွက်ဇိုၚ် ကယျိုၚ်ကယျဝ်ဒက်ဂၞိၚ်ရောၚ်။ ပကၚ်ရၚ် မ္ဂးဂှ် ၜိုန်ပကၚ်ရၚ်မွဲဝါဟေၚ်လေဝ် ဒးအာပတ်ပဲါစိုတ်ရ။

1197) ဟိုတ်နူဟိုတ်မတွံဂးဂိယဲ ဟွံဒးအာပတ်ရ၊ ကုခမဳဗြဴကြအ်ဥမ္မတ် ခမဳဗြဴကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ်စတုတ္ထတုဲရ။