၄.၈.၈.၁။ ပွံက်သိက္ခာပိုဒ်အဋ္ဌမ

1156) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳဗြဴ မ္ဂးဂှ် ။ ပ ။ ပ္ဍဲအရာဝွံ ဗြဴမဒှ်ပယျၚ် နကဵုဉတ္တိစတုတ္ထကမ်ဝွံ ဂပ်ဝ်နွံပၟိက် ရဴဝွံမ္ဂးခမဳဗြဴရ။ သိက္ခမာန် မ္ဂးဂှ် ဗြဴမဒ္ဂေတ်လ္ၚတ်လဝ် သိက္ခာပိုဒ်ဂမၠိုၚ်တြဴ လုကဴၜါသၞာံဂမၠိုၚ်တုဲရောၚ်။ ယွံနာဲဗြဴ တၠအဲ ယဝ်ဗက်အာ လုကဴၜါသၞာံဂမၠိုၚ်မ္ဂး အဲကြက်သ္ပကဵုခမဳ တၠအဲရ မ္ဂးဂှ် ရဴဝွံ လုကဴၜါသၞာံဂမၠိုၚ် ကၠောန်ၜိုတ်မ္ဂး၊ ကြက်သ္ပကဵုခမဳ တၠအဲရ။ ခမဳဗြဴဂှ် ပ္ဍဲကာလကြဴ သီုဟွံမွဲကဵုအန္တရာယ် မ္ဂးဂှ် အန္တရာယ်ဟွံမွဲမ္ဂး။ ဟွံသ္ပကဵုခမဳ မ္ဂးဂှ် အလဵုဇကု ဟွံသ္ပကဵုခမဳမ္ဂး။ တၞဟ်နပွမသ္ပကဵုခမဳလေဝ် ဟွံလွဳပရာ မ္ဂးဂှ် ညးသအာၚ်လေဝ် ဟွံဖအောဝ်စကာမ္ဂး။ “ကြက်ဟွံသ္ပကဵုခမဳရ၊ တၞဟ်နပွမသ္ပကဵုခမဳလေဝ် ကြက်လွဳပရာရ” ရဴဝွံ ပ္ဍဲအယာံမာတ် ဖျေံကၠေံလျိုၚ် ဒးအာပတ်ပဲါစိုတ်ရ။

1157) အန္တရာယ်နွံမ္ဂး၊ ဂၠာဲသ္ၚေဝ်တုဲဟွံကလိဂွံမ္ဂး၊ ဟွံဒးအာပတ်ရ၊ ကုခမဳဗြဴမဂိယဲလေဝ် ဟွံဒးအာပတ်ရ၊ ဟိုတ်နူပရိုက်ဘဲဂမၠိုၚ်လေဝ်၊ ဟွံဒ:အာပတ်ရ၊ ကုခမဳဗြဴကြအ်ဥမ္မတ် ခမဳဗြဴကလိလောန်ကၠာဲတဲဂှ် ဟွံဒးအာပတ်ရ။ သိက္ခာပိုဒ်အဋ္ဌမတုဲရ။