၄.၈.၁၃.၁။ ပွံက်သိက္ခာပိုဒ်တေရသမ

1176) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳဗြဴ မ္ဂးဂှ် ။ ပ ။ ပ္ဍဲအရာဝွံ ဗြဴမဒှ်ပယျၚ် နကဵုဉတ္တိစတုတ္ထကမ်ဝွံ ဂပ်ဝ်နွံပၟိက် ရဴဝွံမ္ဂးခမဳဗြဴရ။ ပ္ဍဲမွဲသၞာံဓဝ် မ္ဂးဂှ် ပ္ဍဲသၞာံမဒှ်မွဲဓဝ်။ သ္ပကဵုခမဳ သိက္ခမာန်ဂမၠိုၚ်ၜါ မ္ဂးဂှ် ဒုၚ်ကဵုပယျၚ်သိက္ခမာန်ဂမၠိုၚ်ၜါမ္ဂး။ “ကြက်သ္ပကဵုခမဳ သိက္ခမာန်ဂမၠိုၚ်ၜါရ” ရဴဝွံ ဂၠာဲသ္ၚေဝ် ဂိုဏ်ကီု အ္စာဗြဴကီု ဗဗေၚ်ကီု သ္ၚာကီုမ္ဂး၊ သိမ်လေဝ်သၟိတ် (ထ္ၜုတ်) မ္ဂး၊ ဒးအာပတ်ဒုက္ကဋ်ရ။ ပ္ဍဲလအိတ်ဉတ် ဒးအာပတ်ဒုက္ကဋ်ရ၊ ပ္ဍဲလအိတ်ကမ္မဝါစ်ဂမၠိုၚ်ၜါဝါ ဒးအာပတ်ဒုက္ကဋ်ဂမၠိုၚ်အိုတ်ရ။ ပ္ဍဲလအိတ်ကမ္မဝါစ် ကုအ္စာဥပဇ္ၛာယ်ဂှ် ဒးအာပတ်ပဲါစိုတ်ရ၊ ကုဂိုဏ်ကီု ကုအ္စာဗြဴဂမၠိုၚ်ကီု ဒးအာပတ်ဒုက္ကဋ်ရ။

1177) ခြာမွဲသၞာံတုဲ သ္ပကဵုခမဳမွဲမမ္ဂး၊ ဟွံဒးအာပတ်ရ၊ ကုခမဳဗြဴကြအ်ဥမ္မတ် ခမဳဗြဴကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ်ဒသမတုဲရ။ ကုမာရဳဘူတဝဂ်အဋ္ဌမတုဲရ။