၄.၈.၁၀.၁။ ပွံက်သိက္ခာပိုဒ်ဒသမ

1164) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳဗြဴ မ္ဂးဂှ် ။ ပ ။ ပ္ဍဲအရာဝွံ ဗြဴမဒှ်ပယျၚ် နကဵုဉတ္တိစတုတ္ထကမ်ဝွံ ဂပ်ဝ်နွံပၟိက် ရဴဝွံမ္ဂးခမဳဗြဴရ။ မိမ မ္ဂးဂှ် သ္ဂးတဴညးမၜံၚ်သၠးဂမၠိုၚ်ရ။ တြုံတၠသ္ၚိ မ္ဂးဂှ် သ္ဂးတဴတၠမသီၜတ်ဂိုၚ်ကေတ်ရ။ သိက္ခမာန် မ္ဂးဂှ် ဗြဴမဒ္ဂေတ်လ္ၚတ်လဝ် သိက္ခာပိုဒ်ဂမၠိုၚ်တြဴ လုကဴၜါသၞာဴဂမၠိုၚ်တုဲရောၚ်။ သ္ပကဵုခမဳ မ္ဂးဂှ် ဒုၚ်ကဵုပယျၚ်မ္ဂ။ “ကြက်သ္ပကဵုပယျၚ်ရ” ရဴဝွံ ဂၠာဲသ္ၚေဝ် ဂိုဏ်ကီု အ္စာဗြဴကီု ဗဗေၚ်ကီု သ္ၚာကီုမ္ဂး၊ သိမ်လေဝ်သၟိတ် (ထ္ၜုတ်) မ္ဂး၊ ဒးအာပတ်ဒုက္ကဋ်ရ။ ပ္ဍဲလအိတ်ဉတ် ဒးအာပတ်ဒုက္ကဋ်ရ၊ ပ္ဍဲလအိတ်ကမ္မဝါစ်ဂမၠိုၚ်ၜါဝါ ဒးအာပတ်ဒုက္ကဋ်ဂမၠိုၚ်အိုတ်ရ။ ပ္ဍဲလအိတ်ကမ္မဝါစ် ကုအ္စာဥပဇ္ၛာယ်ဂှ် ဒးအာပတ်ပဲါစိုတ်ရ၊ ကုဂိုဏ်ကီု ကုအ္စာဗြဴဂမၠိုၚ်ကီု ဒးအာပတ်ဒုက္ကဋ်ရ။

1165) ဟွံတီတုဲ သ္ပကဵုခမဳမ္ဂး၊ ဂရၚ်ပတီလဴဗ္စတုဲ သ္ပကဵုခမဳမ္ဂး၊ ဟွံဒးအာပတ်ရ၊ ကုခမဳဗြဴကြအ်ဥမ္မတ် ခမဳဗြဴကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ်ဒသမတုဲရ။