၄.၇.၁၀.၁။ ပွံက်သိက္ခာပိုဒ်ဒသမ

1117) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳဗြဴ မ္ဂးဂှ် ။ ပ ။ ပ္ဍဲအရာဝွံ ဗြဴမဒှ်ပယျၚ် နကဵုဉတ္တိစတုတ္ထကမ်ဝွံ ဂပ်ဝ်နွံပၟိက် ရဴဝွံမ္ဂးခမဳဗြဴရ။ ကွးဗြဴပဒတဴမွဲစွံ မ္ဂးဂှ် သ္ဂးတဴကွးဗြဴမၞုံအလေံပဒတဴမွဲစွံရ။ သ္ပကဵုခမဳတုဲ မ္ဂးဂှ် ဒုၚ်ကဵုပယျၚ်တုဲ။ ဇကုလေဝ် ဟွံကော်ဏာ မ္ဂးဂှ် အလဵုဇကုလေဝ် ဟွံကော်ဏာမ္ဂး။ ညးသအာၚ်လေဝ် ဟွံဖအောဝ်ကဵုကော်ဏာ မ္ဂးဂှ် ဟွံဖအောဝ်စကာညးသအာၚ်မ္ဂး။ “ဗွဲတွဵုမယုတ် တရဴတြဴယောဇနာ မသုန်ယောဇနာဂမၠိုၚ်လေဝ် ဇကုလေဝ် ကြက်ဟွံကော်ဏာရ၊ ညးသအာၚ်လေဝ် ကြက်ဟွံဖအောဝ်ကဵုကော်ဏာရ” ရဴဝွံ ပ္ဍဲအယာံမာတ်ဖျေံကၠေံလျိုၚ် ဒးအာပတ်ပဲါစိုတ်ရ။

1118) အန္တရာယ်နွံမ္ဂး၊ ဂၠာဲသ္ၚေဝ်သကအ်ပွံၚ်ခမဳဗြဴတုဲဟွံကလိဂွံမ္ဂး၊ ဟွံဒးအာပတ်ရ၊ ကုခမဳဗြဴမဂိယဲလေဝ် ဟွံဒးအာပတ်ရ၊ ဟိုတ်နူပရိုက်ဘဲဂမၠိုၚ်လေဝ်၊ ဟွံဒးအာပတ်ရ၊ ကုခမဳဗြဴကြအ်ဥမ္မတ် ခမဳဗြဴကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ်ဒသမတုဲရ။ ဂဗ္ဘိနဳဝဂ်သတ္တမတုဲရ။