၄.၆.၇။ သိက္ခာပိုဒ်သတ္တမ

1052) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳဗြဴ မ္ဂးဂှ် ။ ပ ။ ပ္ဍဲအရာဝွံ ဗြဴမဒှ်ပယျၚ် နကဵုဉတ္တိစတုတ္ထဝွံ ဂပ်ဝ်နွံပၟိက် ရဴဝွံမ္ဂးခမဳဗြဴရ။ ဒၠိုက်ကတဵုနူဝသ် မ္ဂးဂှ် ပဒတဴ ပုရိမဝသ် ဟွံသေၚ်မ္ဂး ပစ္ဆိမဝှ် လုကဴပိဂိတုတုဲမ္ဂး “ပွမညာတ် ပွမမိၚ် ပွမသၠေဟ်ပၟာ နဟိုတ်ဂမၠိုၚ်ပိသာ်ဝွံ ကြက်ဟွံဘိက်နိမန် ပ္ဍဲသၚ် ၜါလပါ်ရ” ရဴဝွံ ပ္ဍဲအယာံမာတ်ဖျေံကၠေံလျိုၚ် ဒးအာပတ်ပဲါစိုတ်ရ။

1053) အန္တရာယ်နွံမ္ဂး၊ ဂၠာဲသ္ၚေဝ်ခမဳဗြဴသကအ်ပွံၚ်ဟွံဂွံမ္ဂး၊ ဟွံဒးအာပတ်ရ၊ ကုခမဳဗြဴဂိယဲလေဝ် ဟိုတ်နူပရိုက်ဘဲဂမၠိုၚ်လေဝ်၊ ဟွံဒးအာပတ်ရ၊ ကုခမဳဗြဴကြအ်ဥမ္မတ် ခမဳဗြဴကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ်သတ္တမတုဲရ။