၄.၅.၉.၁။ ပွံက်သိက္ခာပိုဒ်နဝမ

1015) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳဗြဴ မ္ဂးဂှ် ။ ပ ။ ပ္ဍဲအရာဝွံ ဗြဴမဒှ်ပယျၚ် နကဵုဉတ္တိစတုတ္ထကမ်ဝွံ ဂပ်ဝ်နွံပၟိက် ရဴဝွံမ္ဂးခမဳဗြဴရ။ ကွတ်မဒစဵုဒစးကဵု သုဂတိနိဗ္ဗာန်ၛာန်မဂ်ဖဵုလ် မ္ဂးဂှ် ကွတ်မမိက်ကဵုမွဲမွဲ မစပ်ကေုာံလလေၚ်ဖဵု မဒှ်မ္ၚးသာသနာရောၚ်။ လ္ၚတ်ကတ်ဗတောန် မ္ဂးဂှ် လ္ၚတ်ကတ်ဗတောန် နပိုဒ်မ္ဂး၊ ဇၟာပ်ပိုဒ် ဇၟာပ်ပိုဒ် ဒးအာပတ်ပဲါစိုတ်ရ။ လ္ၚတ်ကတ်ဗတောန် နအက္ခရ်မ္ဂး၊ ဇၟာပ်အက္ခရ် ဇၟာပ်အက္ခရ် ဒးအာပတ်ပဲါစိုတ်ရ။

1016) လ္ၚတ်ကတ်ဗတောန် ကွတ်ချူလိခ်မ္ဂး၊ လ္ၚတ်ကတ်ဗတောန် တၞဟ်နဂွံပကၚ်ရၚ်လဝ်မ္ဂး၊ တၞဟ်နဖဵုဂွံဂြောပ်ဗ္ဒန် လ္ၚတ်ကတ်ဗတောန် ကွတ်စဵုဒနာ(ပရိုက်) မ္ဂး၊ ဟွံဒးအာပတ်ရ။ ကုခမဳဗြဴကြအ်ဥမ္မတ် ခမဳဗြဴကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ်နဝမတုဲရ။