၄.၅.၄.၁။ ပွံက်သိက္ခာပိုဒ်စတုတ္ထ

992) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳဗြဴ မ္ဂးဂှ် ။ ပ ။ ပ္ဍဲအရာဝွံ ဗြဴမဒှ်ပယျၚ် နကဵုဉတ္တိစတုတ္ထကမ်ဝွံ ဂပ်ဝ်နွံပၟိက် ရဴဝွံမ္ဂးခမဳဗြဴရ။ ကိစ္စကေၚ်ကာခရှ် မ္ဂးဂှ် ဖျိန်ၜိုဟ်ကီု ယာဂုကီု ပုၚ်ကီု စၞစ ခရှ်ကီုမ္ဂး၊ လပိုက်ကြာတ်ကြဴကဵုယာတ်ကီု ယာတ်ပူကွိၚ်က္ဍိုပ် (ယာတ်ဖေၚ်) ကီုမ္ဂး ဒးအာပတ်ပဲါစိုတ်ရ။

993) ပ္ဍဲယာဂုဍာ်ပၠာဲ မၞိဟ်ဂမၠိုၚ်မစဳရေၚ် သွက်သၚ်ကီု၊ ပ္ဍဲပိဏ္ဍပါတ်သၚ်ကီု၊ ပ္ဍဲအရာပူဇဴ ကုစေတဳကီု၊ ဟွံဒးအာပတ်ရ၊ ဖျိန်ၜိုဟ်ကီု ယာဂုပုၚ်စၞစ ညးမကၠောန်ကေၚ်ကာဇၞော်သၟတ်ဇကုမ္ဂး၊ လပိုက်ကြာတ်ကြဴကဵုယာတ်ကီု ယာတ်ပူကွိၚ်က္ဍိုပ် (ယာတ်ဖေၚ်) ကီုမ္ဂး၊ ဟွံဒးအာပတ်ရ၊ ကုခမဳကြအ်ဥမ္မတ် ခမဳဗြဴကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ်စတုတ္ထတုဲရ။