၄.၅.၁၀.။ ပွံက်သိက္ခာပိုဒ်ဒသမ

1019) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳဗြဴ မ္ဂးဂှ် ။ ပ ။ ပ္ဍဲအရာဝွံ ဗြဴမဒှ်ပယျၚ် နကဵုဉတ္တိစတုတ္ထကမ်ဝွံ ဂပ်ဝ်နွံပၟိက် ရဴဝွံမ္ဂးခမဳဗြဴရ။ ကွတ်မဒစဵုဒစးကဵု သုဂတိနိဗ္ဗာန်ၛာန်မဂ်ဖိုလ် မ္ဂးဂှ် ကွတ်မမိက်ကဵုမွဲမွဲ မစပ်ကေုာံလလေၚ်ဖဵု မဒှ်မ္ၚးသာသနာရောၚ်။ ဖျေံပတိုန် မ္ဂးဂှ် ဖျေံပတိုန် နပိုဒ်မ္ဂး၊ ဇၟာပ်ပိုဒ် ဇၟာပ်ပိုဒ် ဒးအာပတ်ပဲါစိုတ်ရ။ ဖျေံပတိုန်နအက္ခရ်မ္ဂး၊ ဇၟာပ်အက္ခရ် ဇၟာပ်အက္ခရ် ဒးအာပတ်ပဲါစိုတ်ရ။

1020) ဖျေံပတိုန် ကွတ်ချူလိခ်မ္ဂး၊ ဖျေံပတိုန် တၞဟ်နသွက်ဂွံပကၚ်ရၚ်လဝ်မ္ဂး၊ တၞဟ်နဖဵုဂွံဂြောပ်ဗ္ဒန် ဖျေံပတိုန် ကွတ်စဵုဒနာ (ပရိုက်) မ္ဂး၊ ဟွံဒးအာပတ်ရ၊ ကုခမဳဗြဴကြအ်ဥမ္မတ် ခမဳဗြဴကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ်ဒသမတုဲရ။ စိတ္တာဂါရဝဂ်ပဉ္စမတုဲရ။