၄.၄.၁၀.၁။ ပွံက်သိက္ခာပိုဒ်ဒသမ

975) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳဗြဴ မ္ဂးဂှ် ။ ပ ။ ပ္ဍဲအရာဝွံ ဗြဴမဒှ်ပယျၚ် နကဵုဉတ္တိစတုတ္ထကမ်ဝွံ ဂပ်ဝ်နွံပၟိက် ရဴဝွံမ္ဂးခမဳဗြဴရ။ ခမဳဗြဴ မဒၠိုက်ကတဵုနူဝသ်တုဲ မ္ဂးဂှ် ခမဳဗြဴ မပဒတဴ ပရိမဝသ် ဟွံသေၚ်မ္ဂး ပစ္ဆိမဝသ် လုကဴပိဂိတုတုဲရောၚ်။ “ဗွဲတွဵုမယုတ် ဌာန်ဗၞတ်မသုန်ယောဇနာ တြဴယောဇနာလေတ် ကြက်ဟွံစ္ဍးအာရ” ရဴဝွံ ပ္ဍဲအယာံမာတ်ဖျေံကၠေံလျိုၚ် ဒးအာပတ်ပဲါစိုတ်ရ။

976) အန္တရာယ်နွံမ္ဂး၊ ဂၠာဲသ္ၚေဝ်ခမဳဗြဴသကအ်ပွံၚ်ဟွံဂွံမ္ဂး၊ ဟွံဒးအာပတ်ရ၊ ကုခမဳဗြဴဂိယဲလေဝ် ဟိုတ်နူပရိုက်ဘဲဂမၠိုၚ်လေဝ် ၊ ဟွံဒးအာပတ်ရ၊ ကုခမဳဗြဴကြအ်ဥမ္မတ် ခမဳဗြဴကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ်ဒသမတုဲရ။ တုဝဋ္ဋဝဂ်စတုတ္ထတုဲရ။