၄.၄.၁.၁။ ပွံက်သိက္ခာပိုဒ်ပဌမ

934) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳဗြဴဂမၠိုၚ် မ္ဂးဂှ် သ္ဂးတဴဗြဴမဒှ်ပယျၚ်ဂမၠိုၚ်ရ။ ပ္ဍဲမွဲဇံၚ်ခါတ်ဓဝ် တိက်တဴညးၜါအိုတ် မ္ဂးဂှ် ညးမွဲတၠဂှ်တိက်နေဝ် ညးမွဲတၠဂှ်လေဝ်တိက်မ္ဂး၊ ဒးအာပတ်ပဲါစိုတ်ရ။ သီုညးၜါတၠဂမၠိုၚ်လေဝ် တိက်အိုတ်မ္ဂး၊ ဒးအာပတ်ပဲါစိုတ်ရ၊ ဒၠိုက်ကတဵုတုဲ ဂၠိုၚ်ဂၠိုၚ်ကဵုဝါတိက်အိုတ်မ္ဂး၊ ဒးအာပတ်ပဲါစိုတ်ရ။

935) ညးမွဲတၠဂှ်တိက်နေဝ် ညးမွဲတၠဂှ် ဂဇအ်မ္ဂး၊ ဟွံဒးအာပတ်ရ၊ သီုညးၜါတၠဂမၠိုၚ်လေဝ် ဂဇအ်အိုတ်မ္ဂး၊ ဟွံဒးအာပတ်ရ၊ ကုခမဳဗြဴကြအ်ဥမ္မတ် ခမဳဗြဴကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ်ပဌမတုဲရ။