၄.၃.၆.၁။ ပွံက်သိက္ခာပိုဒ်ဆဋ္ဌ

909) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳဗြဴ မ္ဂးဂှ် ။ ပ ။ ပ္ဍဲအရာဝွံ ဗြဴမဒှ်ပယျၚ် နကဵုဉတ္တိစတုတ္ထကမ်ဝွံ ဂပ်ဝ်နွံပၟိက် ရဴဝွံမ္ဂးခမဳဗြဴရ။ ဂိုဏ် မ္ဂးဂှ် သ္ဂးတဴ ဘိက္ခုနဳသၚ်ရ။ သ္ၚာ မ္ဂးဂှ် ပၞောဝ်သ္ၚာဂမၠိုၚ်တြဴဂတှေ် ဗွဲတွဵုမယုတ် သ္ၚာမွဲမွဲဂတှေ် မရုမ်ဂပ်ကဵုဝိကပ္ပနရ။ သ္ပတဴအန္တရာယ် မ္ဂးဂှ် “မုဟိုတ် သ္ဂောံကဵုတဴဒါန်သ္ၚာဝွံအိုတ်ရော?” ရဴဝွံ သ္ပတဴအန္တရာယ်မ္ဂး၊ ဒးအာပတ်ပဲါစိုတ်ရ။ သ္ပတဴအန္တရာယ် ပရိက္ခရာသအာၚ်မ္ဂး၊ ဒးအာပတ်ဒုက္ကဋ်ရ။ သ္ပတဴအန္တရာယ်သ္ၚာကဵုဒှ် ပရိက္ခရာသအာၚ်ကဵုဒှ် ဂြပ်ခမဳဗြဴဂမၠိုၚ်မဂၠိုၚ်ကီု ခမဳဗြဴမွဲဇကုကီု ခရှ်သာမဏဳကီုမ္ဂး၊ ဒးအာပတ်ဒုက္ကဋ်ရ။

910) ထ္ၜးကဵုဖဵုအာနိသံသတုဲ ဆေဝ်ဒဝ်မ္ဂး၊ ဟွံဒးအာပတ်ရ၊ ကုခမဳဗြဴကြအ်ဥမ္မတ် ခမဳဗြဴ ကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ်ဆဋ္ဌတုဲရ။