၄.၃.၁။ သိက္ခာပိုဒ်ပဌမ

885) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳဗြဴ မ္ဂးဂှ် ။ ပ ။ ပ္ဍဲအရာဝွံ ဗြဴမဒှ်ပယျၚ် နကဵုဉတ္တိစတုတ္ထကမ်ဝွံ ဂပ်ဝ်နွံပၟိက် ရဴဝွံမ္ဂးခမဳဗြဴရ။ သီုမဂၞံၚ်ဂၞါတ်လဝ္ဇကုသၟး ဟုမ်ဍာ် မ္ဂးဂှ် သပိုၚ်လေဝ်သီုဟွံဗိုက် သ္ၚာလေဝ်သီုဟွံလတက် ဟုမ်ဍာ်မ္ဂး၊ ဟိုတ်ပယောဂလွဳပရာ၊ ဒးအာပတ်ဒုက္ကဋ်ရ။ ပ္ဍဲလအိတ်ဟုမ်ဍာ်တုဲ ဒးအာပတ်ပဲါစိုတ်ရ။

886) ကုခမဳဗြဴမၞုံကဵုသ္ၚာဒးဒုၚ်ပၠံၚ်ၜးဏာ ခမဳဗြဴမၞုံကဵုသ္ၚာကၠေံလေၚ်အာ၊ ဟွံဒးအာပတ်ရ၊ ဟိုတ်နူပရိုက်ဘဲဂမၠိုၚ်လေဝ်၊ ဟွံဒးအာပတ်ရ၊ ကုခမဳဗြဴကြအ်ဥမ္မတ် ခမဳဗြဴကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ်ပဌမတုဲရ။