၄.၂.၉.၁။ ပွံက်သိက္ခာပိုဒ်နဝမ

876) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳဗြဴ မ္ဂးဂှ် ပ္ဍဲအရာဝွံ ဗြဴမဒှ်ပယျၚ် နကဵုဉတ္တိစတုတ္ထကမ်ဝွံ ဂပ်ဝ်နွံပၟိက်ရဴဝွံမ္ဂးခမဳဗြဴရ။ ဇကုဇကု မ္ဂးဂှ် အလဵုဇကု။ ညးသအာၚ် မ္ဂးဂှ် ညးမဒှ်ခမဳ။ ချဴတဴ နကဵုနရက်ကီု နကဵုသာသနာကီုမ္ဂး၊ ဒးအာပတ်ပဲါစိုတ်ရ။

877) ပ္ဍဲခမဳဗြဴ မၞုံကဵုစၟတ်သမ္တီခမဳဗြဴဒှ်တုဲ ချဴတဴ နကဵုနရက်ကီု နကဵုသာသနာကီုမ္ဂး၊ ဒးအာပတ်ပဲါစိုတ်ရ။ ပ္ဍဲခမဳဗြဴ မၞုံကဵုသၠေဟ်ပၟာတုဲ ချဴတဴ နကဵုနရက်ကီု နကဵုသာသနာကီုမ္ဂး၊ ဒးအာပတ်ပဲါစိုတ်ရ။ ပ္ဍဲခမဳဗြဴ မၞုံကဵုစၟတ်သမ္တီဟွံသေၚ်ကဵု ခမဳဗြဴဒှ်တုဲ ချဴတဴ နကဵုနရက်ကီု နကဵုသာသနာကီုမ္ဂး၊ ဒးအာပတ်ပဲါစိုတ်ရ။ ချဴတဴ နကဵုဂကူတိရစ္ဆာန်ကီု နကဵုဂကူပြိုတ်ကီု နဒဒှ်မၞိဟ်ညးဟွံမွဲကဵုပိုဉ်ကျာ်သြဳကီုမ္ဂး၊ ဒးအာပတ်ဒုက္ကဋ်ရ။ ချဴတဴခရှ်သာမဏဳမ္ဂး၊ ဒးအာပတ်ဒုက္ကဋ်ရ။ ပ္ဍဲညးဟွံသေၚ်ကဵုခမဳဗြဴ မၞုံကဵုစၟတ်သမ္တီခမဳဗြဴမ္ဂး၊ ဒးအာပတ်ဒုက္ကဋ်ရ။ ပ္ဍဲညးဟွံသေၚ်ကဵုခမဳဗြဴ မၞုံကဵုသၠေဟ်ပၟာမ္ဂး၊ ဒးအာပတ်ဒုက္ကဋ်ရ။ ပ္ဍဲညးဟွံသေၚ်ကဵုခမဳဗြဴ မၞုံကဵုစၟတ်သမ္တီဟွံသေၚ်ကဵုခမဳဗြဴမ္ဂး၊ ဟွံဒးအာပတ်ရ။

878) ကုခမဳဗြဴမတူရူကဵုပါဠိ ခမဳဗြဴမတူရူကဵုအရထ ခမဳဗြဴမတူရူကဵုဒၠောံဗတောန် ခမဳဗြဴကြအ်ဥမ္မတ် ခမဳဗြဴကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ်နဝမတုဲရ။