၇.၇.၂။ သိက္ခာပိုဒ်ဒုတိယ

639) ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ်အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် ခမဳဆဗ္ဗဂ္ဂဳဂမၠိုၚ် တွံဓရ် ကုညးလိုန်ဍိုက်လဝ် ဒၞပ်စၞာံအိုတ်ရ ။ ပ ။ (၆၂) “ကြက်ဟွံတွံဓရ် ကုညးဟွံဂိယဲ မလိုန်ဍိုက်လဝ်ဒၞပ်စၞာံရ ရဴဝွံ သ္ဒးသ္ပပွမဒ္ဒေတ်လ္ၚတ် ပတိတ်ဇြဟတ်ရ” ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။ ဟဂပ်ဝ်တွံဓရ် ကုညးဟွံဂိယဲ မလိုန်ဍိုက်လဝ်ဒၞပ်စၞာံရ၊ ယြဴခမဳမွဲ သ္ပဟိုတ်ကဵုပွမဟွံရှေ်သှေ်ရဴဂဴ (ပ္ဍဲသိက္ခာပိုဒ်) တုဲ တွံဓရ် ကုညးဟွံဂိယဲ မလိုန်ဍိုက်လဝ်ကဵုဒှ်၊ ကုညးသၠိုက်စုတ်လဝ်ကဵုဒှ်၊ ကုညးသၠောတ်လဝ် (ဗၞတ်ဒၞေဟ်သၟး) ကဵုဒှ်မ္ဂး၊ ဒးအာပတ်ဒုက္ကဋ်ရ။ ကုခမဳမဟွံမွဲကဵုစေတနာ ။ ပ ။ ကုခမဳကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ် ဒုတိယ တုဲရ။