၇.၆.၁၀။ သိက္ခာပိုဒ်ဒသမ

637) ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ်အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် ခမဳဆဗ္ဗဂ္ဂဳဂမၠိုၚ် တွံဓရ် ကုညးရပ်လဝ်လွဟ်မပ္တံကံ, တ္ၚအိုတ်ရ ။ ပ ။ (၆၀) “ကြက်ဟွံတွံဓရ် ကုညးဟွံဂိယဲ မရပ်လဝ်လွဟ်မပ္တံကံ, တ္ၚရ ရဴဝွံ သ္ဒးသ္ပပွမဒ္ဂေတ်လ္ၚတ် ပတိတ်ဇြဟတ်ရ” ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။ ကံ, တ္ၚ မ္ဂးဂှ် တ္ၚမၞုံကဵုဇုက်ကံလဴ ‘တ္ၚမၚံက်လဒေါဝ်မတုပ်သၟဟ်ကေုာံတဝ်လ္ၚဝ်ကွဳ’ တ္ၚမဟွံမွဲကဵုဇုက်ကံလဴ ‘တ္ၚမပထောၚ်ကလိုဟ်လဝ်တဝ်’ ရောၚ်။ ဟဂပ်ဝ်တွံဓရ် ကုညးဟွံဂိယဲ မရပ်လဝ်လွဟ်မပ္တံကံ, တ္ၚရ၊ ယြဴခမဳမွဲ သ္ပဟိုတ်ကဵုပွမဟွံရှေ်သှေ်ရဴဂဴ (ပ္ဍဲသိက္ခာပိုဒ်) တုဲ တွံဓရ် ကုညးဟွံဂိယဲ မရပ်လဝ်လွဟ်မပ္တံကံ, တ္ၚမ္ဂး၊ ဒးအာပတ်ဒုက္ကဋ်ရ။ ကုခမဳမဟွံမွဲကဵုစေတနာ ။ ပ ။ ကုခမဳကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ် ဒသမ တုဲရ။ သုရုသုရုဝဂ် ဆဋ္ဌ တုဲရ။