၇.၅.၉။ သိက္ခာပိုဒ်နဝမ

625) ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ်အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် ခမဳဆဗ္ဗဂ္ဂဳဂမၠိုၚ် ကလေအ်လတာ်တုဲ သ္ပပြဘိုဂ်အိုတ်ရ ။ ပ ။ (၄၉) “ကလေအ်လတာ်တုဲ ကြက်ဟွံသ္ပပြဘိုဂ်ရ ရဴဝွံ သ္ဒးသ္ပပွမဒ္ဂေတ်လ္ၚတ် ပတိတ်ဇြဟတ်ရ” ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။ ကလေအ်လတာ်တုဲ ဟဂပ်ဝ်သ္ပပြဘိုဂ်ရ၊ ယြဴခမဳမွဲ သ္ပဟိုတ်ကဵုပွမဟွံရှေ်သှေ်ရဴဂဴ (ပ္ဍဲသိက္ခာပိုဒ်) တုဲ ကလေအ်လတာ်တုဲ သ္ပပြဘိုဂ်မ္ဂး၊ ဒးအာပတ်ဒု