၇.၅.၈။ သိက္ခာပိုဒ်အဋ္ဌမ

624) ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ်အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် ခမဳဆဗ္ဗဂ္ဂဳဂမၠိုၚ် ကြုဲဝေၚ်မပုၚ်တုဲ သ္ပပြဘိုဂ်အိုတ်ရ ။ ပ ။ (၄၉) “ကြုဲဝေၚ်မပုၚ်တုဲ ကြက်ဟွံသ္ပပြဘိုဂ်ရ ရဴဝွံ သ္ဒးသ္ပပွမဒ္ဂေတ်လ္ၚတ် ပတိတ်ဇြဟတ်ရ” ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။ ကြုဲဝေၚ်မပုၚ်တုဲ ဟဂပ်ဝ်သ္ပပြဘိုဂ်ရ၊ ယြဴခမဳမွဲ သ္ပဟိုတ်ကဵုပွမဟွံရှေ်သှေ်ရဴဂဴ (ပ္ဍဲသိက္ခာပိုဒ်) တုဲ ကြုဲဝေၚ်မပုၚ်တုဲ သ္ပပြဘိုဂ်မ္ဂး၊ ဒးအာပတ်ဒုက္ကဋ်ရ။ ကုခမဳမဟွံမွဲကဵုစေတနာ ခမဳမဝိုတ်အာသတိ ခမဳမဟွံတီ ခမဳမဂိယဲ၊ ဟွံဒးအာပတ်ရ၊ သၟိက်ဂွံကၠဟ်သၟိက်ဟန်ဗန်တုဲ ကြုဲမပုၚ်မ္ဂး၊ ဟွံဒးအာပတ်ရ၊ ဟိုတ်နူပရိုက်ဘဲဂမၠိုၚ် ဟွံဒးအာပတ်ရ၊ ကုခမဳကြအ်ဥမ္မတ် ခမဳကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ် အဋ္ဌမ တုဲရ။