၇.၅.၂။ သိက္ခာပိုဒ်ဒုတိယ

619) ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ်အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် ခမဳဆဗ္ဗဂ္ဂဳဂမၠိၚ် ဟီုအရေဝ် နကဵုပါၚ် မဒှ်မွဲဟာန်ကေုာံလၟံက်ပိဏ္ဍပါတ်အိုတ်ရ ။ ပ ။ (၄၃) “ကြက်ဟွံဟီုအရေဝ် နကဵုပါၚ်မဒှ်မွဲဟာန်ကေုာံလၟံက်ပိဏ္ဍပါတ်ရ ရဴဝွံ သ္ဒးသ္ပပွမဒ္ဂေတ်လ္ၚတ် ပတိတ်ဇြဟတ်ရ” ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။ ဟဂပ်ဝ်ဟီုအရေဝ် နကဵုပါၚ်မဒှ်မွဲဟာန်ကေုာံလၟံက်ပိဏ္ဍပါတ်ရ၊ ယြဴခမဳမွဲ သ္ပဟိုတ်ကဵုပွမဟွံရှေ်သှေ်ရဴဂဴ (ပ္ဍဲသိက္ခာပိုဒ်) တုဲ ဟီုအရေဝ် နကဵုပါၚ်မဒှ်မွဲဟာန်ကေုာံပိဏ္ဍပါတ်မ္ဂး၊ ဒးအာပတ်ဒုက္ကဋ်ရ။ ကုခမဳမဟွံမွဲကဵုစေတနာ ။ ပ ။ ကုခမဳကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ် တတိယ တုဲရ။