၇.၄.၁၀။ သိက္ခာပိုဒ်ဒသမ

616) ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ်အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် ခမဳဆဗ္ဗဂ္ဂဳဂမၠိုၚ် သ္ပတဴလၟံက်ပိဏ္ဍပါတ်မဂၠိၚ်အိုတ်ရ ။ ပ ။ (၄၀) “ကြက်သ္ပ လၟံက်ပိဏ္ဍပါတ် ဗွဲဗၞဳအဝဏ်မညဳသာရ ရဴဝွံ သ္ဒးသ္ပပွမဒ္ဂတ်လ္ၚတ် ပတိတ်ဇြဟတ်ရ” ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။ ဂပ်ဝ်သ္ပလၟံက်ပိဏ္ဍပါတ် ဗွဲဗၞဳအဝဏ်မညဳသာရ၊ ယြဴခမဳမွဲ သ္ပဟိုတ်ကဵု ပွမဟွံရှ်ေသှ်ေရဴဂဴ (ပ္ဍဲသိက္ခာပိုဒ်) တုဲ သ္ပတဴလၟံက်ပိဏ္ဍပါတ်မဂၠိၚ်မ္ဂး၊ ဒးအာပတ်ဒုက္ကဋ်ရ။ ကုခမဳမဟွံမွဲကဵုစေတနာ ခမဳမဝိုတ်အာသတိ ခမဳမဟွံတီ ခမဳမဂိယဲ၊ ဟွံဒးအာပတ်ရ၊ ပ္ဍဲစၞစကီု ပ္ဍဲသတ်ဆုဇၞော်သၟတ်ကီု ပ္ဍဲပွေက်ကီု ဟွံဒးအာပတ်ရ၊ ဟိုတ်နူပရိုက်ဘဲဂမၠိုၚ် ဟွံဒးအာပတ်ရ၊ ကုခမဳကြအ်ဥမ္မတ် ခမဳကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ် ဒသမ တုဲရ။ သက္ကစ္စဝဂ် စတုတ္ထ တုဲရ။