၇.၄.၁။ သိက္ခာပိုဒ်ပထမ

606) ပ္ဍဲအခၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဇေတာဝန် မဒှ်အာရှာမ်အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် ခမဳဆဗ္ဗဂ္ဂဳဂမၠိုၚ် ညံၚ်ရဴဟွံမိက်စကီု သ္ပပြဘိုဂ်ပိဏ္ဍပါတ် ဗွဲဟွံရှေ်သှေ်ရဴဂဴအိုတ်ရ ။ ပ ။ (၃၁) “ကြက်သ္ပပြဘိုဂ်ပိဏ္ဍပါတ် ဗွဲမရှေ်သှေ်ရဴဂဴရ ရဴဝွံ သ္ဒးသ္ပပွမဒ္ဂေတ်လ္ၚတ် ပတိတ်ဇြဟတ်ရ” ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။ ဂပ်ဝ်သ္ပပြဘိုဂ်ပိဏ္ဍပါတ် ဗွဲမရှေ်သှေ်ရ၊ ယြဴခမဳမွဲ သ္ပဟိုတ်ကဵုပွမဟွံရှေ်သှေ် (ပ္ဍဲသိက္ခာပိုဒ်) တုဲ သ္ပပြဘိုဂ်ပိဏ္ဍပါတ် ဗွဲဟွံရှေ်သှေ်ရဴဂဴမ္ဂး၊ ဒးအာပတ်ဒုက္ကဋ်ရ။ ကုခမဳမဟွံမွဲကဵုစေတနာ ခမဳမဝိုတ်အာသတိ ခမဳမဟွံတီ၊ ဟွံဒးအာပတ်ရ၊ ဟိုတ်နူပရိုက်ဘဲဂမၠိုၚ် ဟွံဒးအာပတ်ရ၊ ကုခမဳကြက်ဥမ္မတ် ခမဳကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ် ပဌမ တုဲရ။