၇.၃.၆။ သိက္ခာပိုဒ်ဆဋ္ဌ

601) ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ်အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် ခမဳဆဗ္ဗဂ္ဂဳဂမၠိုၚ် ဒက်တာန်တဲတာန်ယာတ်တုဲ ဂဇအ်ဒၟံၚ် ပ္ဍဲအပ္ဍဲကွာန်အိုတ်ရ ။ ပ ။ (၂၆) “ဒက်တာန်တဲတာန်ယာတ်တုဲ ကြက်ဟွံဂဇအ် ပ္ဍဲအပ္ဍဲကွာန်ရ ရဴဝွံ သ္ဒးသ္ပပွမဒ္ဂေတ်လ္ၚတ် ပတိတ်ဇြဟတ်ရ” ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။ ဒက်တာန်တဲတာန်ယာတ်တုဲ ဟဂပ်ဝ်ဂဇအ်ဒၟံၚ် ပ္ဍဲအပ္ဍဲကွာန်ရ၊ ယြဴခမဳမွဲ သ္ပဟိုတ်ကဵု ပွမဟွံရှေ်သှေ်ရဴဂဴ (ပ္ဍဲသိက္ခာပိုဒ်) တုဲ ဒက်တာန်တဲ (ပတူက္ၜံၚ်ဗန်ကဵုတဲ) ဒက်တာန်ယာတ် (ပူရေတ်လဝ်ယာတ် က္ၜံၚ်ကဵုစၞိန်စး) တုဲ ဂဇအ်ဒၟံၚ် ပ္ဍဲအပ္ဍဲကွာန်မ္ဂး၊ ဒးအာပတ်ဒုက္ကဋ်ရ။ ကုခမဳမဟွံမွဲကဵုစေတနာ ခမဳမဝိုတ်အာသတိ ခမဳမဟွံတီ ခမဳမဂိယဲ ခမဳပြာပ်အာတၞဟ်နပဒတဴ ‘ခမဳဇူဒီုပ္ဍဲအပ္ဍဲကွာန်မွဲခဏ’၊ ဟွံဒးအာပတ်ရ၊ ဟိုတ်နူပရိုက်ဘဲဂမၠိုၚ် ဟွံဒးအာပတ်ရ၊ ကုခမဳကြအ်ဥမ္မတ် ခမဳကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ် ဆဋ္ဌမတုဲရ။