၇.၃.၁၀။ သိက္ခာပိုဒ်ဒသမ

605) ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ်အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် ခမဳဆဗ္ဗဂ္ဂဳဂမၠိုၚ် ဒုၚ်ဂိုၚ်ကေတ်ပိဏ္ဍပါတ် စဵုကဵုမထအုဟ်လဵုဒၟံၚ်အိုတ်ရ ။ ပ ။ (၃၀) “ကြက်ဂိုၚ်ကေတ်ပိဏ္ဍပါတ် မညဳသၟဟ်သၟန်ကဵုစရိတ်သၟန်ဗဗေၚ်ပ္ဍဲအပ္ဍဲရ ရဴဝွံ သ္ဒးသ္ပပွမဒ္ဂေတ်လ္ၚတ် ပတိတ်ဇြဟတ်ရ” ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။ ဂပ်ဝ်ဒုၚ်ဂိုၚ်ကေတ် ပိဏ္ဍပါတ် မညဳသၟဟ်သၟန်ကဵုစရိတ်သၟန်ဗဗေၚ်ပ္ဍဲအပ္ဍဲရ၊ ယြဴခမဳမွဲ သ္ပဟိုတ်ကဵုပွမဟွံရှေ်သှေ်ရဴဂဴ (ပ္ဍဲသိက္ခာပိုဒ်) တုဲ ဒုၚ်ဂိုၚ်ကေတ်ပိဏ္ဍပါတ် စဵုကဵုမထအုဟ်လဵုဒၟံၚ်မ္ဂး၊ ဒးအာပတ်ဒုက္ကဋ်ရ။ ကုခမဳမဟွံမွဲကဵုစေတနာ ခမဳမဝိုတ်အာသတိ ခမဳမဟွံတီ၊ ဟွံဒးအာပတ်ရ၊ ဟိုတ်နူပရိုက်ဘဲဂမၠိုၚ် ဟွံဒးအာပတ်ရ၊ ကုခမဳကြအ်ဥမ္မတ် ခမဳကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ် ဒသမ တုဲရ။ ခမ္ဘကတဝဂ် တတိယတုဲရ။