၇.၃.၁။ သိက္ခာပိုဒ်ပထမ

596) ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ်အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် ခမဳဆဗ္ဗဂ္ဂဳဂမၠိုၚ် သီုကဵုမထံက်ဂန်လဝ်ဂၞိၚ် အာ ပ္ဍဲအပ္ဍဲကွာန်အိုတ်ရ ။ ပ ။ (၂၁) “သီုကဵုမထံက်ဂန်လဝ်ဂၞိၚ် ကြက်ဟွံအာ ပ္ဍဲအပ္ဍဲကွာန်ရ ရဴဝွံ သ္ဒးသ္ပပွမဒ္ဂေတ်လ္ၚတ် ပတိတ်ဇြဟတ်ရ” ရဴဝွံ (ဩဝ်ထၞောန်ထ္ၜးအိုတ်ညိ ရဴဝွံ သ္ဂးရ)။ သီုကဵုမထံက်ဂန်လဝ်ဂၞိၚ် ဟဂပ်ဝ်အာကၠုၚ် ပ္ဍဲအပ္ဍဲကွာန်ရ၊ ယြဴခမဳမွဲ သ္ပဟိုတ်ကဵုပွမဟွံရှေ်သှေ်ရဴဂဴ (ပ္ဍဲသိက္ခာပိုဒ်) တုဲ နမွဲလပါ်ကဵုဒှ် နၜါလပါ်ကဵုဒှ် ထံၚ်ဂန်လဝ်ဂၞိၚ်တုဲ အာ ပ္ဍဲအပ္ဍဲကွာန်မ္ဂး၊ ဒးအာပတ်ဒုက္ကဋ်ရ။ ကုခမဳမဟွံမွဲကဵုစေတနာ ။ ပ ။ ကုခမဳကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ် ပဌမတုဲရ။