၇.၂.၉။ သိက္ခာပိုဒ်နဝမ

594) ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အာရှာမ်အနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် ခမဳဆဗ္ဗဂ္ဂဳဂမၠိုၚ် ဂရိုက်ကသဳက္ဍိုပ်တုဲ အာ ပ္ဍဲအပ္ဍဲကွာန်အိုတ်ရ ။ ပ ။ (၁၉) “ဂရိုက်ကသဳက္ဍိုပ်တုဲ ကြက်ဟွံအာ ပ္ဍဲအပ္ဍဲကွာန်ရ ရဴဝွံ သ္ဂးသ္ပပွမဒ္ဂေတ်လ္ၚတ် ပတိတ်ဇြဟတ်ရ” ရဴဝွံ (ဩဝ်စၞောန်ထ္ၜးအိုတ်ညိ ရဴဝွံ သ္ဂးရ)။ ဂရိုက်ကသဳက္ဍိုပ်တုဲ ဟဂပ်ဝ်အာကၠုၚ် ပ္ဍဲအပ္ဍဲကွာန်ရ၊ ထိၚ်ဒဝ်လဝ်တဲတုဲ ‘ဟွံဂရိုက် စွံလဝ်ဗွဲတပ်တပ်တုဲ’ ဂပ်ဝ်အာရ၊ ယြဴခမဳမွဲ သ္ပဟိုတ်ကဵု ပွမဟွံရှေ်သှေ်ရဴဂဴ (ပ္ဍဲသိက္ခာပိုဒ်) တုဲ ဂရိုက်ကသဳက္ဍိုပ်တုဲ အာ ပ္ဍဲအပ္ဍဲကွာန်မ္ဂး၊ ဒးအာပတ်ဒုက္ကဋ်ရ။ ကုခမဳမဟွံမွဲကဵုစေတနာ ။ ပ ။ ကုခမဳကလိလောန်ကၠာတဲဂှ် ဟွံဒးအာပတ်ရ။ သိက္ခာပိုဒ် နဝမတုဲရ။