၅.၈.၉.၁။ ပွံက်ကမ္မပဋိဗာဟနသိက္ခာပိုဒ်

476) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳ မ္ဂးဂှ် ။ ပ ။ ပ္ဍဲအရာဝွံ ညးမအာစိုပ်ဒဒှ်ခမဳ နဉတ္တိစတုတ္ထကမ်ဝွံ ဂပ်ဝ်နွံပၟိက်ရဴဝွံမ္ဂး ခမဳရ။ ကမ်မဗဗွဲကဵုဓရ် မ္ဂးဂှ် အပလောကနကမ် ဉတ္တိကမ် ဉတ္တိဒုတိယကမ် ဉတ္တိစတုတ္ထကမ် မဂပ်ဝ်သ္ပ နသဘဴဓရ်မဍာံစၟတ် နဝိနယ် နဒၠောံဗတောန်ကျာ်ဂှ် ကမ်မဗဗွဲကဵုဓရ်မ္ဂးရ၊ ကဵုဆန်တုဲမှ ဟီုပျုတ်ဗ္ဒေက်မ္ဂး၊ ဒးအာပတ်ဒုက္ကဋ်ရ။ 477) ပ္ဍဲဓမ္မကမ် မၞုံကဵုစၟတ်သမ္တီ ဓမ္မကမ်ဒှ်တုဲကီု ဆန်တုဲမှ ဟီုပျုတ်ဗ္ဒေက်မ္ဂး၊ ဒးအာပတ်ပါဲစိုတ်ရ။ ပ္ဍဲဓမ္မကမ် မၞုံကဵုသၠေဟ်ပၟာဒှ်တုဲ ကဵုဆန်တုဲမှ ဟီုပျုတ်ဗ္ဒေက်မ္ဂး၊ ဒးအာပတ်ပါဲစိုတ်ရ။ ပ္ဍဲဓမ္မကမ် မၞုံကဵုစၟတ်သမ္တီအဓမ္မကမ်ဒှ်တုဲ ကဵုဆန်တုဲမှ ဟီုပျုတ်ဗ္ဒေက်မ္ဂး၊ ဒးအာပတ်ပါဲစိုတ်ရ။ ပ္ဍဲအဓမ္မကမ် မၞုံကဵုစၟတ်သမ္တီဓမ္မကမ်မ္ဂး၊ ဒးအာပတ်ဒုက္ကဋ်ရ။ ပ္ဍဲအဓမ္မကမ် မၞုံကဵုသၠေဟ်ပၟာမ္ဂး၊ ဒးအာပတ်ဒုက္ကဋ်ရ။ ပ္ဍဲအဓမ္မကမ် မၞုံကဵုစၟတ်သမ္တီအဓမ္မကမ်မ္ဂး၊ ဒးအာပတ်ဒုက္ကဋ်ရ။ 478) “သဘဴမဟွံဍာံစၟတ်ကီု နမဒှ်ဝဂ် ‘ပ္ဍဲမွဲသီဓဝ် တန်ဒၟံၚ်တၞဟ်တၞဟ်’ ကီု သ္ပကမ်ကုခမဳ ဟွံထေက်ကဵုကမ်ရကီု” ရဴဝွံ ဟိုတ်မတီတုဲ ဟီုပျုတ်ဗ္ဒေက်မ္ဂး၊ ဟွံဒးအာပတ်ရ၊ ကုခမဳကြအ်ဥမ္မမတ် ခမဳကလိလောန်ကၠာတဲဂှ် ဟွံဒးအာပတ်ရ။ ကမ္မပဋိဗာဟနသိက္ခာပိုဒ် နဝမတုဲရ။