၅.၇.၂.၁။ ပွံက်သပ္ပါဏကသိက္ခာပိုဒ်

389) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳ မ္ဂးဂှ် ။ ပ ။ ပ္ဍဲအရာဝွံ ညးမအာစိုပ်ဒဒှ်ခမဳ နဉတ္တိစတုတ္ထကမ်ဝွံ ဂပ်ဝ်နွံပၟိက်ရဴဝွံမ္ဂး ခမဳရ။ တီရ မ္ဂးဂှ် အလဵုဇကုလေဝ် တီရ၊ ညးသအာၚ်ဂမၠိုၚ်လေဝ် ဟီုလဴကဵုကုခမဳဂှ်အိုတ်ရ။ စၟနွံရ ရဴဝွံ သီုကဵုမတီတဴ ဟိုတ်နူပွမသ္ပပြဘိုဂ် ကြက်ချိုတ်အိုတ်ရ ရဴဝွံ သီုကဵုမတီတဴ သ္ပပြဘိုဂ်မ္ဂး ဒးအာပတ်ပါဲစိုတ်ရ။

390) ဍာ်မၞုံကဵုစၟဂှ် မၞုံကဵုစၟတ်သမ္တီဍာ်မၞုံကဵုစၟဒှ်တုဲ သ္ပပြဘိုဂ်မ္ဂး ဒးအာပတ်ပါဲစိုတ်ရ။ ပ္ဍဲဍာ်မၞုံကဵုစၟဂှ် မၞုံကဵုသၠေဟ်ပၟာဒှ်တုဲ သ္ပပြဘိုဂ်မ္ဂး ဒးအာပတ်ဒုက္ကဋ်ရ။ ပ္ဍဲဍာ်မၞုံကဵုစၟဂှ် မၞုံကဵုစၟတ်သမ္တီ ဍာ်ဟၟဲကဵုစၟဒှ်တုဲ သ္ပပြဘိုဂ်မ္ဂး ဟွံဒးအာပတ်ရ။ ပ္ဍဲဍာ်မဟၟဲကဵုစၟဂှ် မၞုံကဵုစၟတ်သမ္တီဍာ်မၞုံကဵုစၟမ္ဂး ဒးအာပတ်ဒုက္ကဋ်ရ။ ပ္ဍဲဍာ်မဟၟဲကဵုစၟဂှ် မၞုံကဵုသၠေဟ်ပၟာမ္ဂး ဒးအာပတ်ဒုက္ကဋ်ရ။ ပ္ဍဲဍာ်မဟၟဲကဵုစၟဂှ် မၞုံကဵုစၟတ်သမ္တီ ဍာ်ဟၟဲကဵုစၟမ္ဂး ဟွံဒးအာပတ်ရ။

391) မၞုံကဵုစၟရ ရဴဝွံ ဟွံတီတုဲကီု ဟွံမွဲကဵုစၟရ ရဴဝွံ တီတုဲကီု ဟိုတ်နူပွမသ္ပပြဘိုဂ်ကြက်ချိုတ်ဟွံသေၚ်ရ ရဴဝွံ တီတုဲကီု သ္ပပြဘိုဂ်မ္ဂး ဟွံဒးအာပတ်ရ။ ကုခမဳကြအ်ဥမ္မတ် ခမဳကလိလောန်ကၠာတဲဂှ် ဟွံဒးအာပတ်ရ။ သပ္ပါဏကသိက္ခာပိုဒ် ဒုတိယတုဲရ။