ပွမထ္ၜေဟ်လက် နလွေဟ်ဗီုပြၚ်သဏ္ဌာန်

22) ခမဳဂှ် မိက်တ္ၜေဟ်လက် မိက်ပျုတ်ဗ္ဒေက် မိက်သ္ပဟွံမွဲကဵုအသိၚ်ကြဳဇှ်ခမဳတုဲ ဟီုသ္ဂးကဵုညးမၞုံကဵုလွေဟ်ဗီုပြၚ်သဏ္ဌာန် မယုတ် နကဵုလွေဟ်ဗီုပြၚ်သဏ္ဌာန်မယုတ်ရ၊ ညးသၠုၚ်လောန် ညးသဝ်လောန် ညးလမ္စံက်လောန် ညးဗုလောန်ဂှ် “တၠအဲ ဒှ်ညးသၠုၚ်လောန်ရ၊ ဒှ်ညးသဝ်လောန်ရ၊ ဒှ်ညးလမ္စံက်လောန်ရ၊ ဒှ်ညးဗုလောန်ရ” ရဴဝွံ ဟီုသ္ဂးမ္ဂး၊ ဇၟာပ်ဂလာန် ဇၟာပ်ဂလာန် (ရိုဟ်ပါၚ်ရိုဟ်ပါၚ်) ဂှ် ဒးအာပတ်ပါဲစိုတ်ရ။

ခမဳဂှ် မိက်တ္ၜေဟ်လက် မိက်ပျုတ်ဗ္ဒေက် မိက်သ္ပဟွံမွဲကဵုအသိၚ်ကြဳဇှ်ခမဳတုဲ ဟီုသ္ဂးကဵုညးမၞုံကဵုလွေဟ်ဗီုပြၚ်သဏ္ဌာန်မပြဲ နကဵုလွေဟ်ဗီုပြၚ်သဏ္ဌာန်မယုတ်ရ၊ ညးဟွံသၠုၚ်လောန် ညးဟွံသဝ်လောန် ညးဟွံလမ္စံက်လောန် ညးဟွံဗုလောန်ဂှ် “တၠအဲ ဒှ်ညးသၠုၚ်လောန်ရ၊ ဒှ်ညးသဝ်လောန်ရ၊ ဒှ်ညးလမ္စံက်လောန်ရ၊ ဒှ်ညးဗုလောန်ရ” ရဴဝွံ ဟီုသ္ဂးမ္ဂး၊ ဇၟာပ်ဂလာန် ဇၟာပ်ဂလာန် (ရိုဟ်ပါၚ်ရိုဟ်ပါၚ်) ဂှ် ဒးအာပတ်ပါဲစိုတ်ရ။

ခမဳဂှ် မိက်တ္ၜေဟ်လက် မိက်ပျုတ်ဗ္ဒေက် မိက်သ္ပဟွံမွဲကဵုအသိၚ်ကြဳဇှ်ခမဳတုဲ ဟီုသ္ဂးကဵုညးမၞုံကဵုလွေဟ်ဗီုပြၚ်သဏ္ဌာန်မယုတ် နကဵုလွေဟ်ဗီုပြၚ်သဏ္ဌာန်မပြဲရ၊ ညးသၠုၚ်လောန် ညးသဝ်လောန် ညးလမ္စံက်လောန် ညးဗုလောန်ဂှ် “တၠအဲ ဒှ်ညးဟွံသၠုၚ်လောန်ရ၊ ဒှ်ညးဟွံသဝ်လောန်ရ၊ ဒှ်ညးဟွံလမ္စံက်လောန်ရ၊ ဒှ်ညးဟွံဗုလောန်ရ” ရဴဝွံ ဟီုသ္ဂးမ္ဂး၊ ဇၟာပ်ဂလာန် ဇၟာပ်ဂလာန် (ရိုဟ်ပါၚ်ရိုဟ်ပါၚ်) ဂှ် ဒးအာပတ်ပါဲစိုတ်ရ။

ခမဳဂှ် မိက်တ္ၜေဟ်လက် မိက်ပျုတ်ဗ္ဒေက် မိက်သ္ပဟွံမွဲကဵုအသိၚ်ကြဳဇှ်ခမဳတုဲ ဟီုသ္ဂးကဵုညးမၞုံကဵုလွေဟ်ဗီုပြၚ်သဏ္ဌာန်မပြဲ နကဵုလွေဟ်ဗီုပြၚ်သဏ္ဌာန်မပြဲရ၊ ညးဟွံသၠုၚ်လောန် ညးဟွံသဝ်လောန် ညးဟွံလမ္စံက်လောန် ညးဟွံဗုလောန်ဂှ် “တၠအဲ ဒှ်ညးဟွံသၠုၚ်လောန်ရ၊ ဒှ်ညးဟွံသဝ်လောန်ရ၊ ဒှ်ညးဟွံလမ္စံက်လောန်ရ၊ ဒှ်ညးဟွံဗုလောန်ရ” ရဴဝွံ ဟီုသ္ဂးမ္ဂး၊ ဇၟာပ်ဂလာန် ဇၟာပ်ဂလာန် (ရိုဟ်ပါၚ်ရိုဟ်ပါၚ်) ဂှ် ဒးအာပတ်ပါဲစိုတ်ရ။