၂.၉.၁။ ပွံက်ဒုတိယဒုဋ္ဌဒေါသသိက္ခာပိုဒ်
393) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳ မ္ဂးဂှ် ။ ပ ။ ပ္ဍဲအရာဝွံ ညးမအာစိုပ်ဒဒှ်ခမဳ နဉတ္တိစတုတ္ထကမ်ဝွံ ဂပ်ဝ်နွံပၟိက်ရဴဝွံမ္ဂး ခမဳရ။ ဟိုန်ခမဳ မ္ဂးဂှ် ဟိုတ်ခမဳသအာၚ်။ မၞုံကဵုစိုတ်ဒေါသမဂပ်ဝ်ပ္ဍဵုပ္ဍိုက် မမိက်ပလီုပလာ်ဒှ်တုဲ မ္ဂးဂှ် ထေဲပၞတ်ဂှ်ဒှ်တုဲ ဟွံမိပ်စိုတ်ဒှ်တုဲ မၞုံစိုတ်ဟွံမိပ်လဟိၚ်ဒှ်တုဲ မၞုံစိုတ်မတၟံဒွံလုက်စုက် (ထ္ဍိမြိ) ဒးဒှ်တုဲ မၞုံစိုတ်မကတဵုဒှ်ညံၚ်ကၞက်စရံၚ်ဒှ်တုဲ။ ဟွံသ္ဍိုက်မၠိုက်ဒှ်တုဲ မ္ဂးဂှ် နပွမထေဲပၞတ်ဂှ်ကီု နပွမပလီုပလာ်ဂှ်ကီု နပွမဟွံမိပ်စိုတ်ဂှ်ကီု နပွမဟွံမိပ်လဟိၚ်ဂှ်ကီု ဒှ်ဟွံသ္ဍိုက်မၠိုက်ရ။ ဆေၚ်စပ်ကေုာံဝတ္ထု မွဲသအာၚ်တုဲ မ္ဂးဂှ် ဆေၚ်စပ်ကေုာံဝတ္ထုမွဲသအာၚ် မတွံဂးအာပတ်လေဝ် ဒှ်ရ၊ ဆေၚ်စပ်ကေုာံဝတ္ထုမွဲသအာၚ်မတွံဂး အဓိကိုရ်လေဝ် ဒှ်ရ။ မုရဴသာ်လဵု အဓိကိုရ်ဂှ် ဒှ်ဝတ္ထုမွဲသအာၚ် ဒဒက်တဴအဓိကိုရ်ဂှ်ရော? ဝိဝါဒါဓိကိုရ်ဂှ် ဒှ်ဝတ္ထုမွဲသအာၚ် ဒဒက်တဴအနုဝါဒါဓိကိုရ် အာပတ္တာဓိကိုရ် ကိစ္စာဓိကိုရ်ရ။ အနုဝါဒါဓိကိုရ်ဂှ် ဒှ်ဝတ္ထုမွဲသအာၚ် ဒဒက်တဴအာပတ္တာဓိကိုရ် ကိစ္စာဓိကိုရ် ဝိဝါဒါဓိကိုရ်ရ။ အာပတ္တာဓိကိုရ်ဂှ် ဒှ်ဝတ္ထုမွဲသအာၚ် ဒဒက်တဴကိစ္စာဓိကိုရ် ဝိဝါဒါဓိကိုရ် အနုဝါဒါဓိကိုရ် အာပတ္တာဓိကိုရ်ရ။ ကိစ္စာဓိကိုရ်ဂှ် ဒှ်ဝတ္ထုမွဲသအာၚ် ဒဒက်တဴဝိဝါဒါဓိကိုရ် အနုဝါဒါဓိကိုရ် အာပတ္တာဓိကိုရ်ရ။ ရဴဝွံ အဓိကိုရ်ဂှ် ဒှ်ဝတ္ထုမွဲသအာၚ် ဒဒက်တဴအဓိကိုရ်ရ။ မုရဴသာ်လဵု အဓိကိုရ်ဂှ် ဒှ်ဝတ္ထုအဓိကိုရ်ဂှ်ရော? ဝိဝါဒါဓိကိုရ်ဂှ် ဒှ်ဝတ္ထုဝိဝါဒါဓိကိုရ်ဂှ်ရ၊ အနုဝါဒါဓိကိုရ်ဂှ် ဒှ်ဝတ္ထုအနုဝါဒါဓိကိုရ်ဂှ်ရ။ အာပတ္တာဓိကိုရ် လဆာဝ် ဒှ်ဝတ္ထုအာပတ္တာဓိကိုရ်ဂှ်ရ၊ လဆောဝ် ဒှ်ဝတ္ထုမွဲသအာၚ်ရ။ မုရဴသာ်လဵု အာပတ္တာဓိကိုရ်ဂှ် ဒှ်ဝတ္ထုမွဲသအာၚ် ဒဒက်တဴအာပတ္တာဓိကိုရ်ဂှ်ရော? အာပတ်မေထုနဓမ္မပါရာဇ်ဂှ် ဒှ်ဝတ္ထုမွဲသအာၚ် ဒဒက်တဴအာပတ်အဒိန္နဒါနပါရာဇ် အာပတ်မနုဿဝိဂ္ဂဟပါရာဇ် အာပတ်ဥတ္တရိမနုဿဓမ္မပါရာဇ်ရ။ အာပတ်အဒိန္နဒါနပါရာဇ်ဂှ် ဒှ်ဝတ္ထုမွဲသအာၚ် ဒဒက်တဴအာပတ်မနုဿဝိဂ္ဂဟပါရာဇ် အာပတ်ဥတ္တရိမနုဿဓမ္မပါရာဇ် အာပတ်မေထုနဓမ္မပါရာဇ်ရ။ အာပတ်မနုဿဝိဂ္ဂဟပါရာဇ်ဂှ် ဒှ်ဝတ္ထုမွဲသအာၚ် ဒဒက်တဴအာပတ်ဥတ္တရိမနုဿဓမ္မပါရာဇ် အာပတ်မေထုနဓမ္မပါရာဇ် အာပတ်အဒိန္နဒါနပါရာဇ်ရ။ အာပတ်ဥတ္တရိမနုဿဓမ္မပါရာဇ်ဂှ် ဒှ်ဝတ္ထုမွဲသအာၚ် ဒဒက်တဴအာပတ်မေထုနဓမ္မပါရာဇ် အာပတ်အဒိန္နဒါနပါရာဇ် မနုဿဝိဂ္ဂဟပါရာဇ်ရ။ ရဴဝွံဟေၚ် အာပတ္တာဓိကိုရ်ဂှ် ဒှ်တဴဝတ္ထုမွဲသအာၚ် ဒဒက်တဴအာပတ္တာဓိကိုရ်ရ။ မုရဴသာ်လဵု အာပတ္တာဓိကိုရ်ဂှ် ဒှ်ဝတ္ထုအာပတ္တာဓိကိုရ်ဂှ်ရော? အာပတ်မေထုနဓမ္မပါရာဇ်ဂှ် ဒှ်ဝတ္ထုအာပတ်မေထုနဓမ္မပါရာဇ်ရ။ အာပတ်အဒိန္နဒါနပါရာဇ်ဂှ် ဒှ်ဝတ္ထု အာပတ်အဒိန္နဒါန်ပါရာဇ်ရ။ အာပတ်မနုဿဝိဂ္ဂဟပါရာဇ်ဂှ် ဒှ်ဝတ္ထု အာပတ်မနုဿဝိဂ္ဂဟပါရာဇ်ရ။ အာပတ်ဥတ္တရိမနုဿဓမ္မပါရာဇ်ဂှ် ဒှ်ဝတ္ထု အာပတ်ဥတ္တရိမနုဿဓမ္မပါရာဇ်ရ။ ရဴဝွံ အာပတ္တာဓိကိုရ် ဒှ်ဝတ္ထုအာပတ္တာဓိကိုရ်ရ။ ကိစ္စာဓိကိုရ်ဂှ် ဒှ်ဝတ္ထုကိစ္စာဓိကိုရ်ရ။ ရဴဝွံဟေၚ် အဓိကိုရ်ဂှ် ဒှ်ဝတ္ထုအဓိကိုရ်ရ။
394) ပ္ဍဲအရာဂိုၚ်ကေတ် ဟိုတ်မြော်မွဲသအာၚ် မဗာန်ခြပ်ကေုာံသိက္ခာပိုဒ်တုဲမ္ဂး ဂှ် မြော်မ္ဂးဂှ်တုန်— မြော်ဂမၠိုၚ် ဗွဲအစောံဇာတ် ယၟု တၞောဝ် လွေဟ်သဏ္ဌာန် အာပတ် ဗဗေၚ်သ္ၚာ ဥပဇ္ၛာယ် အ္စာ သၞာသတိက်သၞာဒၟံၚ် မၞုံစှ်ဂကူအိုတ်ရ။
395) မြော်ဇာတ် မ္ဂးဂှ် ညာတ်တဴ (ဂကူ) သၟိၚ် အာစိုပ်အာပတ်ပါရာဇ်ရ၊ ညာတ်ဒးသၟိၚ်သအာၚ်တုဲ “အဲ ဂပ်ဝ်ညာတ်တဴ ခမဳဂကူသၟိၚ် အာစိုပ်အာပတ်ပါရာဇ်တုဲ၊ (တၠအဲ) ခမဳဟွံသေၚ်ရ၊ တၞောဝ်ကျာ်ကောန်သၟိၚ်သာကျဝၚ် ဟွံသၚ်ရ၊ ဥပေါသ်ကီု ပဝါရဏာကီု ကိစ္စကေၚ်ကာသၚ်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲမ္ဂး၊ ဇၟာပ်ဂလာန်ဇၟာပ်ဂလာန် (ဇၟာပ်ဇၟာပ်ပါၚ်) ဂှ် ဒးအာပတ်သံဃာဒိသေသ်ရ။ ညာတ်တဴ (ဂကူ) ဗဗၞးရ ။ ပ ။ ညာတ်တဴ (ဂကူ) ညးဗၞိက်ရ ။ ပ ။ ညာတ်တဴ (ဂကူ) ညးဒိုက်ဂတ် အာစိုပ်အာပတ်ပါရာဇ်ရ၊ ညာတ်ဒးညးဒိုက်ဂတ်သအာၚ်တုဲ “အဲ ဂပ်ဝ်ညာတ်တဴ ခမဳဂကူညးဒိုက်ဂတ် အာစိုပ်အာပတ်ပါရာဇ်တုဲ၊ (တၠအဲ) အာစိုပ်အာပတ်ပါရာဇ်တုဲ၊ ခမဳဟွံသေၚ်ရ၊ တၞောဝ်ကျာ်ကောန်သၟိၚ်သာကျဝၚ် ဟွံသေၚ်ရ ။ ပ ။ ရဴဝွံ ယဝ်စောတ်စောဲမ္ဂး ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါၚ်) ဂှ် ဒးအာပတ်သံဃာဒိသေသ်ရ။
396) မြော်ယၟု မ္ဂးဂှ် ညာတ်တဴဗုဒ္ဓရက္ခိတရ ။ ပ ။ ညာတ်တဴဓမ္မရက္ခိတရ ။ ပ ။ ညာတ်တဴသံဃရက္ခိတ အာစိုပ်အာပတ်ပါရာဇ်ရ၊ ညာတ်ဒးသံဃရက္ခိတသအာၚ်တုဲ “အဲ ဂပ်ဝ်ညာတ်တဴသံဃရက္ခိတ အာစိုပ်အာပတ်ပါရာဇ်တုဲ၊ (တၠအဲ) အာစိုပ်အာပတ်ပါရာဇ်တုဲ၊ ခမဳဟွံသေၚ်ရ၊ တၞောဝ်ကျာ်ကောန်သၟိၚ်သာကျဝၚ် ဟွံသေၚ်ရ ။ ပ ။ ရဴဝွံ ယဝ်စောတ်စောဲမ္ဂး ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါၚ်) ဂှ် ဒးအာပတ်သံဃာဒိသေသ်ရ။
397) မြော်တၞောဝ် မ္ဂးဂှ် ညာတ်တဴ (ခမဳတၞောဝ်) ဂေါတမရ ။ ပ ။ ညာတ်တဴ (ခမဳတၞောဝ်) မောဂ္ဂလာန်ရ ။ ပ ။ ညာတ်တဴ (ခမဳတၞောဝ်) ကစ္စာယနရ ။ ပ ။ ညာတ်တဴ (ခမဳတၞောဝ်) ဝါသေဋ္ဌ အာစိုပ်အာပတ်ပါရာဇ်ရ၊ ညာတ်ဒး (ခမဳတၞောဝ်) ဝါသေဋ္ဌသအာၚ်တုဲ “အဲ ဂပ်ဝ်ညာတ်တဴ (ခမဳတၞောဝ်) ဝါသေဋ္ဌ အာစိုပ်အာပတ်ပါရာဇ်တုဲ၊ (တၠအဲ) အာစိုပ်အာပတ်ပါရာဇ်တုဲ၊ ခမဳဟွံသေၚ်ရ၊ တၞောဝ်ကျာ်ကောန်သၟိၚ်သာကျဝၚ် ဟွံသေၚ်ရ ။ ပ ။ ရဴဝွံ ယဝ်စောတ်စောဲမ္ဂး ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါၚ်) ဂှ် ဒးအာပတ်သံဃာဒိသေသ်ရ။
398) မြော်လွေဟ်သဏ္ဌာန် မ္ဂးဂှ် ညာတ်တဴခမဳမသၠုၚ် (ဂၠိၚ်) ရ ။ ပ ။ ညာတ်တဴခမဳ မသဝ် (ဂၠေံ) ရ ။ ပ ။ ညာတ်တဴခမဳမလမ္စံက်ရ ။ ပ ။ ညာတ်တဴခမဳမဗုဗတာၚ် အာစိုပ်အာပတ်ပါရာဇ်ရ၊ ညာတ်ဒးခမဳဗုဗတာၚ်သအာၚ်တုဲ “အဲ ဂပ်ဝ်ညာတ်တဴခမဳဗုဗတာၚ် အာစိုပ်အာပတ်ပါရာဇ်တုဲ၊ (တၠအဲ) အာစိုပ်အာပတ်ပါရာဇ်တုဲ၊ ခမဳဟွံသေၚ်ရ၊ တၞောဝ်ကျာ်ကောန်သၟိၚ်သာကျဝၚ် ဟွံသေၚ်ရ ။ ပ ။ ရဴဝွံ ယဝ်စောတ်စောဲမ္ဂး ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါၚ်) ဂှ် ဒးအာပတ်သံဃာဒိသေသ်ရ။
399) မြော်အာပတ် မ္ဂးဂှ် ညာတ်ဴခမဳ အာစိုပ်လဟုကအာပတ်ရ၊ ခမဳအာစိုပ်လဟုကအာပတ်ဂှ် နကဵုအာပတ်ပါရာဇ် (တၠအဲ) ခမဳဟွံသေၚ်ရ၊ တၞောဝ်ကျာ်ကောန်သၟိၚ်သာကျဝၚ် ဟွံသေၚ်ရ ။ ပ ။ ရဴဝွံ ယဝ်စောတ်စောဲမ္ဂး၊ ဇၟာပ်ဂလာန် (ဇၟာပ်ဇၟာပ်ပါၚ်) ဂှ် ဒးအာပတ်သံဃာဒိသေသ်ရ။
400) မြော်ဗဗေၚ် မ္ဂးဂှ်ညာတ်တဴခမဳပကၚ်ရၚ်ဗဗေၚ်ပသဲရ ။ ပ ။ ညာတ်တဴခမဳပကၚ်ရၚ်ဗဗေၚ်တိ (မတုပ်ကေုာံဗဗေၚ်ပသဲ မၞုံသာ်သဏ္ဌာန်ခိုဟ် မၞုံသာ်အရံၚ်ထိုၚ်သာဲ) ရ ။ ပ ။ ညာတ်တဴခမဳပကၚ်ရၚ်ဗဗေၚ်ပကတိ အာစိုပ်အာပတ်ပါရာဇ်ရ၊ ညာတ်ဒးခမဳပကၚ်ရၚ်ဗဗေၚ်တိပကတိသအာၚ်တုဲ “အဲ ဂပ်ဝ်ညာတ်တဴ ခမဳပကၚ်ရၚ်ဗဗေၚ်တိပကတိ အာစိုပ်အာပတ်ပါရာဇ်တုဲ၊ (တၠအဲ) အာစိုပ်အာပတ်ပါရာဇ်တုဲ၊ ခမဳဟွံသေၚ်ရ၊ တၞောဝ်ကျာ်ကောန်သၟိၚ်သာကျဝၚ် ဟွံသေၚ်ရ ။ ပ ။ ရဴဝွံ ယဝ်စောတ်စောဲမ္ဂး ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါၚ်) ဂှ် ဒးအာပတ်သံဃာဒိသေသ်ရ။
401) မြော်သ္ၚာ မ္ဂးဂှ် ညာတ်တဴခမဳ ပကၚ်ရၚ်သ္ၚာပံသုကူရ ။ ပ ။ ညာတ်တဴခမဳကပၚ်ရၚ် ဒကာဂမၠိုၚ်ဂပ်ဝ်ကဵုဒါန် အာစိုပ်အာပတ်ပါရာဇ်ရ၊ ညာတ်ဒးခမဳ ပကၚ်ရၚ်သ္ၚာဒကာဂမၠိုၚ် ဂပ်ဝ်ကဵုဒါန်သအာၚ်တုဲ “အဲ ဂပ်ဝ်ညာတ်တဴ ခမဳပကၚ်ရၚ်သ္ၚာ ဒကာဂမၠိုၚ်ဂပ်ဝ်ကဵုဒါန် အာစိုပ်အာပတ်ပါရာဇ်တုဲ၊ (တၠအဲ) အာစိုပ်အာပတ်ပါရာဇ်တုဲ၊ ခမဳဟွံသေၚ်ရ၊ တၞောဝ်ကျာ်ကောန်သၟိၚ်သာကျဝၚ် ဟွံသေၚ်ရ ။ ပ ။ ရဴဝွံ ယဝ်စောတ်စောဲမ္ဂး ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါၚ်) ဂှ် ဒးအာပတ်သံဃာဒိသေသ်ရ။
402) မြော်ဥပဇ္ၛာယ် မ္ဂးဂှ် ညာတ်တဴကွးပဒတဴမွဲစွံ ခမဳမၞုံယၟုဝွံ အာစိုပ်အာပတ်ပါရာဇ်ရ၊ ညာတ်ဒးကွးပဒတဴမွဲစွံ ခမဳမၞုံယၟုဝွံသအာၚ်တုဲ “အဲ ဂပ်ဝ်ညာတ်တဴ ကွးပဒတဴမွဲစွံ ခမဳမၞုံယၟုဝွံ အာစိုပ်အာပတ်ပါရာဇ်တုဲ၊ (တၠအဲ) အာစိုပ်အာပတ်ပါရာဇ်တုဲ၊ ခမဳဟွံသေၚ်ရ၊ တၞောဝ်ကျာ်ကောန်သၟိၚ်သာကျဝၚ် ဟွံသေၚ်ရ ။ ပ ။ ရဴဝွံ ယဝ်စောတ်စောဲမ္ဂး ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါၚ်) ဂှ် ဒးအာပတ်သံဃာဒိသေသ်ရ။
403) မြော်အ္စာ မ္ဂးဂှ် ညာတ်တဴကွးပဒတဴဇရေၚ် ခမဳမၞုံယၟုဝွံ အာစိုပ်အာပတ်ပါရာဇ်ရ၊ ညာတ်ဒးကွးပဒတဴဇရေၚ် ခမဳမၞုံယၟုဝွံသအာၚ်တုဲ “အဲ ဂပ်ဝ်ညာတ်တဴ ကွးပဒတဴဇရေၚ် ခမဳမၞုံယၟုဝွံ အာစိုပ်အာပတ်ပါရာဇ်တုဲ၊ (တၠအဲ) အာစိုပ်အာပတ်ပါရာဇ်တုဲ၊ ခမဳဟွံသေၚ်ရ၊ တၞောဝ်ကျာ်ကောန်သၟိၚ်သာကျဝၚ် ဟွံသေၚ်ရ ။ ပ ။ ရဴဝွံ ယဝ်စောတ်စောဲမ္ဂး ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါၚ်) ဂှ် ဒးအာပတ်သံဃာဒိသေသ်ရ။
404) မြော်ဘာ သၞာသတိက်သၞာဒၟံၚ် မ္ဂးဂှ် ညာတ်တဴခမဳမပဒတဴ ပ္ဍဲဘာသၞာသတိက်သၞာဒၟံၚ်မၞုံယၟုဝွံ အာစိုပ်အာပတ်ပါရာဇ်ရ၊ ညာတ်ဒးခမဳမပဒတဴ ပ္ဍဲဘာသၞာသတိက်သၞာဒၟံၚ် မၞုံယၟုဝွံသအာၚ်တုဲ “အဲ ဂပ်ဝ်ညာတ်ခမဳမပဒတဴ ပ္ဍဲဘာသၞာသတိက် သၞာဒၟံၚ်မၞုံယၟုဝွံ အာစိုပ်အာပတ်ပါရာဇ်တုဲ၊ (တၠအဲ) အာစိုပ်အာပတ်ပါရာဇ်တုဲ၊ ခမဳဟွံသေၚ်ရ၊ တၞောဝ်ကျာ်ကောန်သၟိၚ်သာကျဝၚ် ဟွံသေၚ်ရ ။ ပ ။ ရဴဝွံ ယဝ်စောတ်စောဲမ္ဂး ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါၚ်) ဂှ် ဒးအာပတ်သံဃာဒိသေသ်ရ။
405) နအာပတ်ပါရာဇ် မ္ဂးဂှ် ပၞောဝ်ပါရာဇ်ပန်ဂမၠိုၚ် နမွဲမွဲ။ စောတ်စောဲပလီုပလာ် မ္ဂးဂှ် (အလဵုဇကုလေဝ်) စောတ်စောဲရ၊ (ကဵုညးသအာၚ်ဂမၠိုၚ်လေဝ်) စောတ်စောဲရ။ ကဵုခမဳဂှ် တသိုတ်အာ နူဒ္ဂေတ်မပြဲဝွံမာန်ရ မ္ဂးဂှ် ကဵုတသိုတ်အာ နူဒဒှ်ခမဳမာန်ရ၊ ကဵုတသိုတ်အာ နူဓရ်ခမဳမာန်ရ၊ ကဵုတသိုတ်အာ နူဂကောံဗွဝ်သဳလမာန်ရ၊ ကဵုတသိုတ်အာနူဂုဏ်ဒ္ဂေတ်မာန်ရ။ ပ္ဍဲကြဴနူစောတ်စောဲ ပလီုပလာ်တုဲဂှ် မ္ဂးဂှ် ယြဴပ္ဍဲခဏမွဲ ဂပ်ဝ်စောတ်စောဲပလီုပလာ်ရ၊ ကလိလောန်အခိၚ်ဂှ် အခါဂှ် ကာလဂှ်မ္ဂး။ (ညးသအာၚ်ဂမၠိုၚ်) ဂပ်ဝ်သၟာန်စၟဳစၟတ်တုဲကီုလဝ် မ္ဂးဂှ် ယြဴနဝတ္ထုမွဲ ဂပ်ဝ်စောတ်စောဲပလီုပလာ်ရ၊ ဂပ်ဝ်သၟာန်စၟဳစၟတ် ဝတ္ထုဂှ်မ္ဂး။ သီုမဩဂပ်ဝ်သၟာန်စၟဳစၟတ်ကီုလဝ် မ္ဂးဂှ် မိန်ညးမမိက်ကဵုမွဲမွဲ သီုမဟဂပ်ဝ်သၟာန် အဓိကိုရ် မ္ဂးဂှ် အဓိကိုရ်ဂမၠိုၚ် ဗွဲဝိဝါဒဓိကိုရ် အနုဝါဒါဓိကိုရ် အာပတ္တာဓိကိုရ် ကိစ္စာဓိကိုရ် မၞုံပန်ဂကူအိုတ်ရ။ ဂိုၚ်ကေတ် ဟိုတ်မြော်မွဲသအာၚ် မဗာန်ခြပ်ကေုာံသိက္ခာပိုဒ်တုဲမ္ဂး မ္ဂးဂှ် ပၞောဝ်မြော်ဂမၠိုၚ်စှ်သာ် ဂပ်ဝ်ဂိုၚ်ကေတ် ဟိုတ်မြော်မွဲမွဲဂကူရ။ ခမဳမစောတ်စောဲဂှ်လေဝ် ဒုၚ်ဝန်ဒုဟ် မ္ဂးဂှ် အဲဟီုဒးဂလာန်လ္ၚုသၟးတုဲရ၊ အဲဟီုဒးဂလာန်ဆောတ်ယောၚ်တုဲရ၊ အဲ ဟီုဒးဂလာန်ဟွံဍာံစၟတ်တုဲရ၊ အဲ သီုဟွံတီဂှ် ဟီုဒးတုဲရ။ သံဃာဒိသေသ် မ္ဂးဂှ် ။ ပ ။ ဟိုတ်ဂှ်လေဝ် ကော်ခဴဂး ရဴဝွံမ္ဂး “သံဃာဒိသေသ်” ရ။
406) ညာတ်တဴခမဳ အာစိုပ်အာပတ်သံဃာဒိသေသ်ရ၊ ပ္ဍဲသံဃာဒိသေသ်ဂှ် မၞုံကဵုကွေတ် ရဴဝွံမ္ဂး သံဃာဒိသေသ်ရ၊ ခမဳဂှ် နကဵုအာပတ်ပါရာဇ် “(တၠအဲ) ခမဳဟွံသေၚ်ရ၊ တၞောဝ်ကျာ်ကောန်သၟိၚ်သာကျဝၚ် ဟွံသေၚ်ရ၊ ဥပေါသ်ကီု ပဝါရဏာကီု ကိစ္စကေၚ်ကာသၚ်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲမ္ဂး၊ ၜိုန်စောတ်စောဲ ရဴဝွံလေဝ် ဝတ္ထုမွဲသအာၚ်မတွံဂး အာပတ်လေဝ် ဒှ်ရ၊ ဟိုတ်မြော်သအာၚ်လေဝ် ဂိုၚ်ကေတ်ရ၊ ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါၚ်) ဂှ် ဒးအာပတ်သံဃာဒိသေသ်ရ။ ညာတ်တဴခမဳ အာစိုပ်သံဃာဒိသေသ်ရ၊ ပ္ဍဲသံဃာဒိသေသ်ဂှ် မၞုံကွေတ်ရဴဝွံမ္ဂး ထုလ္လစ္စယ်ရ ။ ပ ။ မၞုံကွေတ်ရဴဝွံမ္ဂး ပါဲစိုတ်ရ။ မၞုံကွေတ်ရဴဝွံမ္ဂး ပါဋိဒေသနိက်ရ။ မၞုံကွေတ်ရဴဝွံ ဒုက္ကဋ်ရ။ မၞုံကွေတ်ရဴဝွံမ္ဂး ဒုဗ္ဘာသိုတ်ရ၊ ခမဳဂှ် နကဵုအာပတ်ပါရာဇ် (တၠအဲ) ခမဳဟွံသေၚ်ရ၊ တၞောဝ်ကျာ်ကောန်သၟိၚ်သာကျဝၚ် ဟွံသေၚ်ရ၊ ဥပေါသ်ကီု ပဝါရဏာကီု ကိစ္စကေၚ်ကာသၚ်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲမ္ဂး၊ ၜိုန်စောတ်စောဲ ရဴဝွံလေဝ် ဝတ္ထုမွဲသအာၚ်မတွံဂး အာပတ်လေဝ် ဒှ်ရ၊ ဟိုတ်မြော်သအာၚ်လေဝ် ဂိုၚ်ကေတ်ရ၊ ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါၚ်) ဂှ် ဒးအာပတ်သံဃာဒိသေသ်ရ။ ညာတ်တဴခမဳ အာစိုပ်အာပတ်ထုလ္လစ္စယ်ရ၊ ပ္ဍဲထုလ္လစ္စယ် မၞုံကွေတ်ရဴဝွံမ္ဂး ထုလ္လစ္စယ်ဂှ်ရ ။ ပ ။ ပ္ဍဲထုလ္လစ္စယ်ဂှ် မၞုံကွေတ်ရဴဝွံမ္ဂး ပါဲစိုတ်ရ။ မၞုံကွေတ်ရဴဝွံမ္ဂး ပါဋိဒေသနိက်ရ။ မၞုံကွေတ်ရဴဝွံမ္ဂး ဒုက္ကဋ်ရ။ မၞုံကွေတ်ရဴဝွံမ္ဂး ဒုဗ္ဘာသိုတ်ရ။ မၞုံကွေတ်ရဴဝွံမ္ဂး သံဃာဒိသေသ်ခမဳဂှ် နကဵုအာပတ်ပါရာဇ် (တၠအဲ) ခမဳဟွံသေၚ်ရ၊ တၞောဝ်ကျာ်ကောန်သၟိၚ်သာကျဝၚ် ဟွံသေၚ်ရ၊ ဥပေါသ်ကီု ပဝါရဏာကီု ကိစ္စကေၚ်ကာသၚ်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲမ္ဂး၊ ၜိုန်စောတ်စောဲ ရဴဝွံလေဝ် ဝတ္ထုမွဲသအာၚ်မတွံဂး အာပတ်လေဝ် ဒှ်ရ၊ ဟိုတ်မြော်သအာၚ်လေဝ် ဂိုၚ်ကေတ်ရ၊ ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါၚ်) ဂှ် ဒးအာပတ်သံဃာဒိသေသ်ရ။ ခမဳအာစိုပ်အာပတ်ပါဲစိုတ် ။ ပ ။ အာပတ်ပါဋိဒေသနိက်။ အာပတ်ဒုက္ကဋ်။ ညာတ်တဴခမဳ အာစိုပ်အာပတ်ဒုဗ္ဘာသိုတ်ရ၊ ပ္ဍဲဒုဗ္ဘာသိုတ်ဂှ် မၞုံကွေတ်ရဴဝွံမ္ဂး ဒုဗ္ဘာသိုတ်ရ ။ ပ ။ ပ္ဍဲကဵုဒုဗ္ဘာသိုတ် မၞုံကွေတ်ရဴဝွံမ္ဂး သံဃာဒိသေသ်ရ။ မၞုံကွေတ်ရဴဝွံမ္ဂး ပါဲစိုတ်ရ။ မၞုံကွေတ်ရဴဝွံမ္ဂး ပါဋိဒေသနိက်ရ။ မၞုံကွေတ်ရဴဝွံမ္ဂး ဒုက္ကဋ်ရ၊ ခမဳဂှ် နကဵုအာပတ်ပါရာဇ် “(တၠအဲ) ခမဳဟွံသေၚ်ရ၊ တၞောဝ်ကျာ်ကောန်သၟိၚ်သာကျဝၚ် ဟွံသေၚ်ရ၊ ဥပေါသ်ကီု ပဝါရဏာကီု ကိစ္စကေၚ်ကာသၚ်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲမ္ဂး၊ ၜိုန်စောတ်စောဲ ရဴဝွံလေဝ် ဝတ္ထုမွဲသအာၚ်မတွံဂး အာပတ်လေဝ် ဒှ်ရ၊ ဟိုတ်မြော်သအာၚ်လေဝ် ဂိုၚ်ကေတ်ရ၊ ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါၚ်) ဂှ် ဒးအာပတ်သံဃာဒိသေသ်ရ။ [သ္ပမူအာပတ်မွဲမွဲတုဲ ဂပ်ဝ်ဒက်စက်ရ။]
407) ညာတ်တဴခမဳ အာစိုပ်အာပတ်သံဃာဒိသေသ်ရ၊ ပ္ဍဲသံဃာဒိသေသ်ဂှ် မၞုံကဵုကွေတ်ရဴဝွံမ္ဂး သံဃာဒိသေသ်ရ၊ ခမဳဂှ် နကဵုအာပတ်ပါရာဇ် “(တၠအဲ) ခမဳဟွံသေၚ်ရ၊ တၞောဝ်ကျာ်ကောန်သၟိၚ်သာကျဝၚ် ဟွံသေၚ်ရ၊ ဥပေါသ်ကီု ပဝါရဏာကီု ကိစ္စကေၚ်ကာသၚ်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲမ္ဂး၊ ၜိုန်စောတ်စောဲ ရဴဝွံလေဝ် ဝတ္ထုမွဲသအာၚ်မတွံဂး အာပတ်လေဝ် ဒှ်ရ၊ ဟိုတ်မြော်သအာၚ်လေဝ် ဂိုၚ်ကေတ်ရ၊ ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါၚ်) ဂှ် ဒးအာပတ်သံဃာဒိသေသ်ရ။ ညာတ်တဴခမဳ အာစိုပ်အာပတ်သံဃာဒိသေသ်ရ၊ ပ္ဍဲသံဃာဒိသေသ်ဂှ် မၞုံကွေတ်ရဴဝွံမ္ဂး ထုလ္လစ္စယ်ရ ။ ပ ။ မၞုံကွေတ်ရဴဝွံမ္ဂး ပါဲစိုတ်။ မၞုံကွေတ်ရဴဝွံမ္ဂး ပါဋိဒေသနိက်ရ။ မၞုံကဵုကွေတ်ရဴဝွံမ္ဂး ဒုက္ကဋ်ရ။ မၞုံကွေတ်ရဴဝွံမ္ဂး ဒုဗ္ဘာသိုတ်ရ၊ ခမဳဂှ် နကဵုအာပတ်ပါရာဇ် “(တၠအဲ) ခမဳဟွံသေၚ်ရ၊ တၞောဝ်ကျာ်ကောန်သၟိၚ်သာကျဝၚ် ဟွံသေၚ်ရ၊ ဥပေါသ်ကီု ပဝါရဏာကီု ကိစ္စကေၚ်ကာသၚ်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲမ္ဂး၊ ၜိုန်စောတ်စောဲ ရဴဝွံလေဝ် ဝတ္ထုမွဲသအာၚ်မတွံဂး အာပတ်လေဝ် ဒှ်ရ၊ ဟိုတ်မြော်သအာၚ်လေဝ် ဂိုၚ်ကေတ်ရ၊ ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါၚ်) ဂှ် ဒးအာပတ်သံဃာဒိသေသ်ရ။ ညာတ်တဴခမဳ အာစိုပ်အာပတ်ထုလ္လစ္စယ်ရ၊ ပ္ဍဲထုလ္လစ္စယ် မၞုံကွေတ်ရဴဝွံမ္ဂးထုလ္လစ္စယ်ဂှ်ရ ။ ပ ။ ပ္ဍဲထုလ္လစ္စယ်ဂှ် မၞုံကွေတ်ရဴဝွံမ္ဂး ပါဲစိုတ်ရ။ မၞုံကွေတ်ရဴဝွံမ္ဂး ပါဋိဒေသနိက်ရ။ မၞုံကွေတ်ရဴဝွံမ္ဂး ဒုက္ကဋ်ရ။ မၞုံကွေတ်ရဴဝွံမ္ဂး ဒုဗ္ဘာသိုတ်ရ။ မၞုံကွေတ်ရဴဝွံမ္ဂး သံဃာဒိသေသ်ခမဳဂှ် နကဵုအာပတ်ပါရာဇ် ““(တၠအဲ) ခမဳဟွံသေၚ်ရ၊ တၞောဝ်ကျာ်ကောန်သၟိၚ်သာကျဝၚ် ဟွံသေၚ်ရ၊ ဥပေါသ်ကီု ပဝါရဏာကီု ကိစ္စကေၚ်ကာသၚ်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲမ္ဂး၊ ၜိုန်စောတ်စောဲ ရဴဝွံလေဝ် ဝတ္ထုမွဲသအာၚ်မတွံဂး အာပတ်လေဝ် ဒှ်ရ၊ ဟိုတ်မြော်သအာၚ်လေဝ် ဂိုၚ်ကေတ်ရ၊ ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါၚ်) ဂှ် ဒးအာပတ်သံဃာဒိသေသ်ရ။ ခမဳအာစိုပ်အာပတ်ပါဲစိုတ် ။ ပ ။ အာပတ်ပါဋိဒေသနိက်။ အာပတ်ဒုက္ကဋ်။ ညာတ်တဴခမဳအာစိုပ်အာပတ်ဒုဗ္ဘာသိုတ်ရ၊ ပ္ဍဲဒုဗ္ဘာသိုတ်ဂှ် မၞုံကွေတ်ရဴဝွံမ္ဂး ဒုဗ္ဘာသိုတ်ရ ။ ပ ။ ပ္ဍဲဒုဗ္ဘာသိုတ် မၞုံကွေတ်ရဴဝွံမ္ဂး သံဃာဒိသေသ်ရ။ မၞုံကွေတ်ရဴဝွံမ္ဂး ထုလ္လစ္စယ်ရ။ မၞုံကွေတ်ရဴဝွံမ္ဂး ပါဲစိုတ်ရ။ မၞုံကွေတ်ရဴဝွံမ္ဂး ပါဋိဒေသနိက်ရ။ မၞုံကွေတ်ရဴဝွံမ္ဂး ဒုက္ကဋ်ရ၊ ခမဳဂှ် နကဵုအာပတ်ပါရာဇ် “(တၠအဲ) ခမဳဟွံသေၚ်ရ၊ တၞောဝ်ကျာ်ကောန်သၟိၚ်သာကျဝၚ် ဟွံသေၚ်ရ၊ ဥပေါသ်ကီု ပဝါရဏာကီု ကိစ္စကေၚ်ကာသၚ်ကီု ဟွံမွဲကေုာံတၠအဲမွဲစွံရ” ရဴဝွံ ယဝ်စောတ်စောဲမ္ဂး၊ ၜိုန်စောတ်စောဲ ရဴဝွံလေဝ် ဝတ္ထုမွဲသအာၚ်မတွံဂး အာပတ်လေဝ် ဒှ်ရ၊ ဟိုတ်မြော်သအာၚ်လေဝ် ဂိုၚ်ကေတ်ရ၊ ဇၟာပ်ဂလာန် ဇၟာပ်ဂလာန် (ဇၟာပ်ဇၟာပ်ပါၚ်) ဂှ် ဒးအာပတ်သံဃာဒိသေသ်ရ။ 408) မၞုံသညာစၟတ်သမ္တီအတိုၚ်ဂှ်တုဲ စောတ်စောဲလေဝ် စောတ်စောဲမ္ဂး၊ ကဵုစောတ်စောဲကဵုစောတ်စောဲမ္ဂး၊ ဟွံဒးအာပတ်ရ၊ ကုခမဳကြအ်ဥမ္မတ် ခမဳကလိလောန်ကၠာတဲ ဟွံဒးအာပတ်ရ။
