၂.၅.၃။ 'ခဏ္ဍစက်' စက်သကုတ်

306) တြုံဂှ် “ယွံတဳလပိုဉ် ဩဝ်က္ညအာညိ၊ ဗြဴမိအံက် မၚ်မွဲလဝ်ကီု ဗြဴမအံက်မၚ်မွဲလဝ် မၞုံယၟုဝွံကီု ဩဝ်ဒှ်သမ္ဘာဂမၠိုၚ် မဂပ်ဝ်ရာန်နသြန် ညးမၞုံယၟုဝွံအိုတ်ညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုၚ်တဲမ္ဂး၊ စမ်ၜတ်မ္ဂး၊ ကလေၚ်ရၚ်တၠုၚ်နၚ်ပၠန်မ္ဂး ဒးအာပတ်သံဃာဒိသေသ်ရ။ တြုံဂှ် “ယွံတဳလပိုဉ် ဩဝ်က္ညအာညိ၊ ဩဝ်ဟီုကဵု ဗြဴမိအံက် မၚ်မွဲလဝ်ကီု၊ ဗြဴမိမ မၚ်မွဲလဝ်ကီု ။ ပ ။ ဗြဴမိအံက် မၚ်မွဲလဝ်ကီု၊ ဗြဴကောဒေံ မၚ်မွဲလဝ်ကီု။ ဗြဴမိအံက် မၚ်မွဲလဝ်ကီု၊ ဗြဴၝဲဒေံဗြဴမၚ်မွဲလဝ်ကီု။ ဗြဴမိအံက် မၚ်မွဲလဝ်ကီု၊ ဗြဴကဠောမသ မၚ်မွဲလဝ်ကီု။ ဗြဴမိအံက်မၚ်မွဲလဝ်ကီု၊ ဗြဴတၞောဝ်ဒတောဝ်မၚ်မွဲလဝ်ကီု။ ဗြဴမိအံက်မၚ်မွဲလဝ်ကီု၊ ဗြဴညးဒ္ဂေတ်ဓရ်မွဲစွံမၚ်မွဲလဝ်ကီု။ ဗြဴမိအံက်မၚ်မွဲလဝ်ကီု၊ ဗြဴစွံပတန်လဝ်ပၟၚ်ပၟဲကီု။ ဗြဴမိအံက်မၚ်မွဲလဝ်ကီု၊ ဗြဴစွံလဝ်ဒဏ်မၞုံယၟုဝွံ ဩဝ်ဒှ်သမ္ဘာဂမၠိုၚ် မဂပ်ဝ်ရာန်နသြန် ညးမၞုံယၟုဝွံအိုတ်ညိ ရဴဝွံ ဩဝ်ဟီုညိ” ရဴဝွံ ဗလးဏာခမဳရ၊ ဒုၚ်တဲမ္ဂး၊ စမ်ၜတ်မ္ဂး၊ ကလေၚ်ရၚ်တၠုၚ်နၚ်ပၠန်မ္ဂး ဒးအာပတ်သံဃာဒိသေသ်ရ။ ‘ခဏ္ဍစက်’ စက်သကုတ်တုဲရ။