၂.၄.၂။ ပွံက်အတ္တကာပါရိစရိယသိက္ခာပိုဒ်
292) ယြဴ မ္ဂးဂှ် ယြဴဍေံမၞုံသဘဴမဖှ်သာ်လဵု ။ ပ ။ ခမဳ မ္ဂးဂှ် ။ ပ ။ ပ္ဍဲအရာဝွံ ညးမအာစိုပ်ဒဒှ်ခမဳ နဉတ္တိစတုတ္ထကမ်ဝွံ ဂပ်ဝ်နွံပၟိက်ရဴဝွံမ္ဂး ခမဳရ။ လကိုဟ်ရာဂ ဂပ်ဝ်လုပ်ဍုန်ဒှ်တုဲ မ္ဂးဂှ် ထၞေန်စပ်လောန်ဒှ်တုဲ မၞုံကဵုပွမသ္ၚေဝ်မွဲဒှ်တုဲ မၞုံစိုတ်မဂပ်ဝ်ဒက်ဂြေန်ပူပါတ်ဒှ်တုဲ။ ပၠန်ဂတး မ္ဂးဂှ် စိုတ်မထၞေန်စပ်လေဝ် ပၠန်ဂတးမ္ဂးရ၊ စိုန်မထေဲပၞတ်လေဝ် ပၠန်ဂတးမ္ဂးရ၊ စိုတ်မဝိဝိၚ်လေဝ် ပၠန်ဂတးမ္ဂးရ၊ ၜိုန်ဂှ်လေဝ် ပ္ဍဲအရာဝွံ စိုတ်မထၞေန်စပ်ဂှ် ဂပ်ဝ်နွံပၟိက်ရဴဝွံမ္ဂး “ပၠန်ဂတး” ရ။ မာတုဂါမ မ္ဂးဂှ် ဗြဴမၞိဟ်ရောၚ်၊ လကိုဟ် (ဒေဝတဴ) ဗြဴဟွံသေၚ်၊ ပြိုတ်ဗြဴဟွံသေၚ်၊ တိရစ္ဆာန်ဗြဴဟွံသေၚ်၊ မၞိဟ်ဗြဴမသၟဟ်စောံတီကၠိုဟ်ခၠၚ် ဂလာန်ခိုဟ် ဟွံခိုဟ် ရုန်မဵု ဟွံရုန်မဵုရောၚ်။ ပ္ဍဲဇရေၚ်မၞိဟ်ဗြဴ မ္ဂးဂှ် ပ္ဍဲဇရေၚ်ကရပ်မၞိဟ်ဗြဴ၊ ပ္ဍဲဌာန်ဟွံသ္ၚောဲကေုာံမၞိဟ်ဗြဴ။ ကာမဇကုမဂပ်ဝ်နွံပၟိက် မ္ဂးဂှ် ကြိုက်စိုတ်ဇကု၊ ဟိုတ်ဇကု၊ ပၟိက်ဇကု၊ ပွမကၠောန်ၜိုတ် ကုဇကု။ ပွမကၠောန်ၜိုတ်ဝွံ ပြဲအိုတ်ရ မ္ဂးဂှ် ပွမကၠောန်ၜိုတ်ဝွံ လောန်ကာဲရ၊ ပွမကၠောန်ၜိုတ်တဴဝွံ ပြဲအိုတ်ရ၊ ပွမကၠောန်ၜိုတ်ဝွံ ဒှ်ဇၞော်သကိုပ်သကရ၊ ပွမကၠောန်ၜိုတ်ဝွံ ပြဲလောန်ရ၊ ပွကၠောန်ၜိုတ်ဝွံ ပြဲအိုတ်ရ ဂပ်ဝ်ရာဒနာမိက်ရ။ ယြဴဗြဴမွဲ မ္ဂးဂှ် ဗြဴသၟိၚ်ကီု ဗြဴဗဗၞးကီု ဗြဴညးဗၞိက်ကီု ဗြဴဒိုက်ဂတ်ကီု။ ညးမဖှ်ညံၚ်ရဴအဲ မ္ဂးဂှ် သၟိၚ်ကီု ဗဗၞးကီု ညးဗၞိက်ကီု ညးဒိုက်ဂတ်ကီု။ ဍေံမၞုံကဵုဒ္ဂေတ်သဳလ မ္ဂးဂှ် ဍေံမဝေၚ်ပါဲ နူပွမဂစိုတ်လမျီုညး ဍေံမဝေၚ်ပါဲ နူပွမဂိုၚ်ကၠတ်ကေတ်ဂြပ်ညးဟွံကဵု ဍေံမဝေၚ်ပါဲ နူပွမဟီုဂလာန်ဟွံဍာံစၟတ်။ မၞုံအလေံဒ္ဂေတ်တဴ ဒ္ဂေတ်မပြဲ မ္ဂးဂှ် ဍေံမဝေၚ်ပါဲ နူဒ္ဂေတ်မေထုန်။ ဍေံမၞုံသဘဴဓရ် ခိုဟ်ဆာဲ မ္ဂးဂှ် ဗွဲဒ္ဂေတ်သဳလဂှ်ကီု ဗွဲဒ္ဂေတ်မပြဲဂှ်ကီု မၞုံသဘဴဓရ်ခိုဟ်ဆာဲရ။
နဒ္ဂေတ်ဂှ် မ္ဂးဂှ် နဒ္ဂေတ်မေထုန်ဂှ်။ ကၠောန်ၜိုတ်ရ မ္ဂးဂှ် ကဵုမိပ်လဟိၚ်ရ။ ဍေံမစပ်ကေုာံမေထုန် မ္ဂးဂှ် ဍေံမစိုန်သကီုကေုာံဒ္ဂေတ်မေထုန်။ သံဃာဒိသေသ် မ္ဂးဂှ် ။ ပ ။ ဟိုတ်ဂှ်လေဝ်ကော်ခဴ ရဴဝွံမ္ဂး “သံဃာဒိသေသ်ရ” ရ။ 293) မၞိဟ်ဗြဴလေဝ် ဒှ်ရ၊ သမ္တီထေၚ်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဟီုဂုဏ်ပွမကၠောန်ၜိုတ်နကာမ ဇကုမဂပ်ဝ်နွံပၟိက် ပ္ဍဲဇရေၚ်မၞိဟ်ဗြဴမ္ဂး၊ ဒးအာပတ်သံဃာဒိသေသ်ရ။ မၞိဟ်ဗြဴလေဝ် ဒှ်ရ၊ သၠေဟ်ပၟာတုဲ ။ ပ ။ သမ္တီထေၚ်ကေတ် ခမၞုဲတုဲ။ သမ္တီထေၚ်ကေတ် မၞိဟ်တြုံတုဲ။ သမ္တီထေၚ်ကေတ် တိရစ္ဆာန်တုဲ စိုတ်မထၞေန်လေဝ်နွံရ၊ ခမဳဂှ်လေဝ် ဟီုဂုဏ်ပွမကၠောန်ၜိုတ်နကာမ ဇကုမဂပ်ဝ်နွံပၟိက် ပ္ဍဲဇရေၚ်မၞိဟ်ဗြဴမ္ဂး၊ ဒးအာပတ်ထုလ္လစ္စယ်ရ။ ခမၞုဲလေဝ် ဒှ်ရ၊ သမ္တီထေၚ်ကေတ် ခမၞုဲတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဟီုဂုဏ်ပွမကၠောန်ၜိုတ်နကာမ ဇကုမဂပ်ဝ်နွံပၟိက် ပ္ဍဲဇရေၚ်ခမၞုဲမ္ဂး၊ ဒးအာပတ်ထုလ္လစ္စယ်ရ။ ခမၞုဲလေဝ် ဒှ်ရ၊ သၠေဟ်ပၟာတုဲ ။ ပ ။ သမ္တီထေၚ်ကေတ် မၞိဟ်တြုံတုဲ။ သမ္တီထေၚ်ကေတ် တိရစ္ဆာန်တုဲ။ သမ္တီထေၚ်ကေတ် မၞိဟ်ဗြဴတုဲ စိုတ်မထၞေန်လေဝ်နွံရ၊ ခမဳဂှ်လေဝ် ဟီုဂုဏ်ပွမကၠောန်ၜိုတ်နကာမ ဇကုမဂပ်ဝ်နွံပၟိက် ပ္ဍဲဇရေၚ်ခမၞုဲမ္ဂး၊ ဒးအာပတ်ဒုက္ကဋ်ရ။ မၞိဟ်တြုံလေဝ် ဒှ်ရ ။ ပ ။ တိရစ္ဆာန်လေဝ် ဒှ်ရ၊ သမ္တီထေၚ်ကေတ် တိရစ္ဆာန်တုဲ ။ ပ ။ သၠေဟ်ပၟာတုဲ ။ ပ ။ သမ္တီထေၚ်ကေတ် မၞိဟ်ဗြဴတုဲ။ သမ္တီထေၚ်ကေတ် ခမၞုဲတုဲ။ သမ္တီထေၚ်ကေတ် မၞိဟ်တြုံတုဲ စိုတ်မထၞေန်လေဝ် နွံရ၊ ခမဳဂှ်လေဝ် ဟီုဂုဏ်ပွမကၠောန်ၜိုတ်နကာမ ဇကုမဂပ်ဝ်နွံပၟိက် ပ္ဍဲဇရေၚ်တိရစ္ဆာန်မ္ဂး၊ ဒးအာပတ်ဒုက္ကဋ်ရ။ မၞိဟ်ဗြဴဂမၠိုၚ်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုၚ်ၜါ သမ္တီထေၚ်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဟီုဂုဏ်ပွကၠောန်ၜိုတ်နကာမ ဇကုမဂပ်ဝ်နွံပၟိက် ပ္ဍဲဇရေၚ်မၞိဟ်ဗြဴဂမၠိုၚ်ၜါမ္ဂး၊ ဒးအာပတ်သံဃာဒိသေသ် ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညဂမၠိုၚ်ၜါ သမ္တီထေၚ်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ဟီုဂုဏ်ပွမကၠောန်ၜိုတ်နကာမ ဇကုမဂပ်ဝ်နွံပၟိက် ပ္ဍဲဇရေၚ်ညးဂမၠိုၚ်ၜါမ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ ။ ပ ။
294) “ဩဝ်ကၠောန်ၜိုတ် နသ္ၚာပိဏ္ဍပါတ် ဘာ ဂဥုဲမဒှ်ကြိယာဗာပၟၚ်ပၟဲလမျီု မစှေ်စးကဵုယဲညိ” ရဴဝွံ ဟီုမ္ဂး၊ ဟွံဒးအာပတ်ရ၊ ကုခမဳမကြအ်ဥမ္မတ် ခမဳမကလိလောန်ကၠာတဲ ဟွံဒးအာပတ်ရ။
