၂.၃.၄။ ဗီုသ္ဂုတ်သွာတ် ဝိနဳတဝတ္ထုဂမၠိုၚ်
288) ပ္ဍဲမွဲအခိၚ်တေံ ဗြဴမွဲ ဂြောပ်လတက်လဝ်ယာတ်ကၟဝ် ဖျောန်လဝ်တၟိတၟိရ၊ ခမဳမွဲဇကု မၞုံစိုတ်မထၞေန်စပ်ဒှ်တုဲ “ယွံဒေံဗြဴ ဂြပ်တၠအဲ ဗကေတ်ဍာဲရ” ရဴဝွံ ဟီုသ္ဂးကဵုဗြဴဂှ်ရ၊ ဗြဴဂှ် ဟွံတီ (တၚ်မမိက်သ္ဂး) တုဲ ဍာံပြရ ယွံတဳလပိုဉ် ယာတ်ကၟဝ်ဆဂွံဖျောန်လဝ်တုဲဒှ်ရ ရဴဝွံ (ဂရၚ်ပတီရ)။ “တဳလမၞုံပိုဉ်ကျာ်တြဲ ဂပ်ဝ်ပညပ်လဝ် သိက္ခာပိုဒ်တုဲဒှ်ရ၊ အဲဒးအာပတ်သံဃာဒိသေသ်ဟာ” ရဴဝွံ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ၊ ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲရ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၁) ပ္ဍဲမွဲအခိၚ်တေံ ဗြဴမွဲ ဂြောပ်လတက်လဝ် ယာတ်ကၟဝ်မကြံၚ်မ္ၚိုဟ်ရ၊ ခမဳမွဲဇကု မၞုံစိုတ်မထၞေန်စပ်ဒှ်တုဲ “ယွံဒေံဗြဴ ဂြပ်တၠအဲ တသော်တီုရ” ရဴဝွံ ဟီုသ္ဂးကဵုဗြဴဂှ်ရ၊ ဗြဴဂှ် ဟွံတီ (တၚ်မမိက်သ္ဂး) တုဲ ဍာံပြရ ယွံတဳလပိုဉ် ယာတ်ကၟဝ်မကြံၚ်မ္ၚိုဟ်ဒှ်ရ ရဴဝွံ (ဂရၚ်ပတီရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၂) ပ္ဍဲမွဲအခိၚ်တေံ ဗြဴမွဲ ဂြောပ်လတက်လဝ်ယာတ်ကၟဝ် တုတ်လဝ်တၟိတၟိရ၊ ခမဳမွဲဇကု မၞုံစိုတ်မထၞေန်စပ်ဒှ်တုဲ “ယွံဒေံဗြဴ ဂြပ်တၠအဲ တသော်ထုဲရ” ရဴဝွံ ဟီုသ္ဂးကဵုဗြဴဂှ်ရ၊ ဗြဴဂှ် ဟွံတီ (တၚ်မမိက်သ္ဂး) တုဲ ဍာံပြရ ယွံတဳလပိုဉ် ယာတ်ကၟဝ်ဆဂွံတုတ်လဝ်တုဲဒှ်ရ ရဴဝွံ (ဂရၚ်ပတီရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၃) ပ္ဍဲမွဲအခိၚ်တေံ ဗြဴမွဲ ဂြောပ်လတက်လဝ် ယာတ်ကၟဝ်မကြံၚ်မ္ၚိုဟ်ရ၊ ခမဳမွဲဇကု မၞုံစိုတ်မထၞေန်စပ်ဒှ်တုဲ “ယွံဒေံဗြဴ ဂြပ်တၠအဲ တသော်ကြံၚ်ရ” ရဴဝွံ ဟီုသ္ဂးကဵုဗြဴဂှ်ရ၊ ဗြဴဂှ် ဟွံတီ (တၚ်မမိက်သ္ဂး) တုဲ ဍာံပြရ ယွံတဳလပိုဉ် ယာတ်ကၟဝ်မကြံၚ်မ္ၚိုဟ်ဒှ်ရ ရဴဝွံ (ဂရၚ်ပတီရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၄) ပ္ဍဲမွဲအခိၚ်တေံ ဗြဴမွဲ ဂြောပ်လတက်လဝ် ယာတ်ခ္ဍဳ (ယာတ်ဍောတ်၊ ပဝါ) ရ၊ ခမဳမွဲဇကု မၞုံစိုတ်မထၞေန်စပ်ဒှ်တုဲ “ယွံဒေံဗြဴ ဂြပ်တၠအဲ တသော်ဂၠိၚ်ရ” ရဴဝွံ ဟီုသ္ဂးကဵုဗြဴဂှ်ရ၊ ဗြဴဂှ် ဟွံတီ (တၚ်မမိက်သ္ဂး) တုဲ ဍာံပြရ ယွံတဳလပိုဉ် ယာတ်ခ္ဍဳ (ယာတ်ဍောတ်) ဒှ်ရ ရဴဝွံ (ဂရၚ်ပတီရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၅)
289) ပ္ဍဲမွဲအခိၚ်တေံ ဗြဴမွဲ ကဵုဂြာတ်တဵုမတုဲ ကလေၚ်ကၠုၚ်ရ၊ ခမဳမွဲဇကု မၞုံစိုတ်မထၞေန်စပ်ဒှ်တုဲ “ယွံဒေံဗြဴ ဂြပ်တၠအဲ ဂပ်ဝ်ဂြာတ်တဵုတုဲရဟာ” ရဴဝွံ ဟီုသ္ဂးကဵုဗြဴဂှ်ရ၊ ဗြဴဂှ် ဟွံတီ (တၚ်မမိက်သ္ဂး) တုဲ ဍာံပြရ ယွံတဳလပိုဉ် ဂြာတ်တဵုဟွံတုဲဏီရ ရဴဝွံ (ဂရၚ်ပတီရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၆) ပ္ဍဲမွဲအခိၚ်တေံ ခမဳမွဲဇကု ညာတ်ကေတ် ပြဘာဇ်ဗြဴ ပ္ဍဲဒစးတရဴတုဲ၊ မၞုံစိုတ်မထၞေန်စပ်ဒှ်တုဲ “ယွံဒေံဗြဴ ဂၠံၚ်တရဴဂၠေံဟာ” ရဴဝွံ ဟီုသ္ဂးကဵုပြဘာဇ်ဗြဴဂှ်ရ၊ ပြဘာဇ်ဗြဴဂှ် ဟွံတီ (တၚ်မမိက်သ္ဂး) တုဲ ဍာံပြရ ယွံတဳလပိုဉ် ကြက်ဒးအာရ ရဴဝွံ (ဂရၚ်ပတီရ)။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၇) ပ္ဍဲမွဲအခိၚ်တေံ ခမဳမွဲဇကု မၞုံစိုတ်မထၞေန်စပ်ဒှ်တုဲ “ယွံဒေံဗြဴ တၠအဲ မၞုံဓရ်သဒ္ဓါရ၊ ၜိုန်ဂှ်လေဝ် အရာဝတ္ထုမကဵုတြုံတၠသ္ၚိ တၠအဲဂှ် ဟွံကဵုဒါန် ကုပိုဲညးဂမၠိုၚ်ရ” ရဴဝွံ ဟီုသ္ဂးကဵုဗြဴဂှ်ရ။ ယွံတဳလပိုဉ် မုအရာဝတ္ထုဂှ်ရော? ရဴဝွံ (ဂရၚ်ပတီရ)။ ဒ္ဂေတ်မေထုန်ရောၚ် ရဴဝွံ ဟီုသ္ဂးရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ ဒးအာပတ်သံဃာဒိသေသ်ရ ရဴဝွံ (သ္ဂးရ)။ (၈) ပ္ဍဲမွဲအခိၚ်တေံ ခမဳမွဲဇကု မၞုံစိုတ်မထၞေန်စပ်ဒှ်တုဲ “ယွံဒေံဗြဴ တၠအဲ မၞုံဓရ်သဒ္ဓါရ၊ ၜိုန်ဂှ်လေဝ် ဒါန်ပြဲအိုတ်ဂှ် ဟွံကဵုဒါန် ကုပိုဲညးဂမၠိုၚ်ရ” ရဴဝွံ ဟီုသ္ဂးကဵုဗြဴဂှ်ရ။ ယွံတဳလပိုဉ် မုဒါန်ပြဲအိုတ်ဂှ် မုမွဲဂှ်ရော်? ရဴဝွံ (ဂရၚ်ပတီရ)။ ဒ္ဂေတ်မေထုန်ရောၚ် ရဴဝွံ ဟီုသ္ဂးရ။ ‘သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ တၠအဲ ဒးအာပတ်သံဃာဒိသေသ်ရ ရဴဝွံ (သ္ဂးရ)။ (၉) ပ္ဍဲမွဲအခိၚ်တေံ ဗြဴမွဲ ကၠောန်ဒၟံၚ်ကမၠောန်ကေၚ်ကာရ၊ ခမဳမွဲဇကု မၞုံစိုတ်ထၞေန်စပ်ဒှ်တုဲ “ယွံဒေံဗြဴ ဩဝ်ဒေါအ်ကၠာညိ အဲကၠောန်ဏောဝ် ။ ပ ။ ယွံဒေံဗြဴ ဩဝ်ဂဇအ်ကၠာညိ အဲကၠောန်ဏောဝ် ။ ပ ။ ယွံဒေံဗြဴ ဩဝ်တိက်ကၠာညိ အဲကၠောန်ဏောဝ်” ရဴဝွံ ဟီုသ္ဂးကဵုဗြဴဂှ်ရ၊ ဗြဴဂှ် ဟွံတီ (တၚ်မမိက်သ္ဂး) ရ။ သံသယကုက္ကုစ္စ’ ပွမချပ်သၠေဟ်ပၟာ ဒှ်ကုခမဳဂှ်ရ ။ ပ ။ ယွံခမဳ ဟွံဒးအာပတ်သံဃာဒိသေသ်ရ၊ ဒးအာပတ်ဒုက္ကဋ်ရ ရဴဝွံ (သ္ဂးရ)။ (၁၀-၁၂) ဒုဋ္ဌုလ္လဝါစာသိက္ခာပိုဒ် တတိယ တုဲရ။
