၂.၂.၄။ ပွံက်မာတိကာ

ပွမဇွိတ်သပေါတ်တူရူမ္ဂးဂှ် အယာံမာတ်ပွမဇွိတ်သပေါတ်တူရူရောင်။ ပွမဇွိတ်သပေါတ် ပြံင်အာပြံင်ကၠုင်မ္ဂးဂှ် ပွမကဵုချဳအာ နူတေံနူဏအ်ရောင်။ တၞီစှ်လ္ပာ်သၟဝ်တုဲ ပွမဇွိတ်သပေါတ်မ္ဂးဂှ် ပွမဖျေံလ္ပာ်သၟဝ်ရောင်။ တိုန်လ္ပာ်လတူတုဲ ပွမဇွိတ်သပေါတ်မ္ဂးဂှ် ပွမထ္ၜပတိုန်လတူရောင်။ ဒံင်စှေ်လ္ပာ်သၟဝ်တုဲ ပွမဇွိတ်သပေါတ်မ္ဂးဂှ် ပွမကဵုလၟောဝ်စှေ်သၟဝ်ရောင်။ ဒံင်တိုန်လ္ပာ်လတူတုဲ ပွမဇွိတ်သပေါတ်မ္ဂးဂှ် ပွမထ္ၜပတိုန်လတူရောင်။ ပွမတံင်ဓဇက်နင်တူရူ မ္ဂးဂှ် ပွမတံင်ဓဇက်ရောင်။ ပွမတံင်ဓရိုဟ်ပတိတ်မ္ဂးဂှ် ပွမဓရိုဟ်ရောင်။ ပွမပ္ဍဵုပတ်မ္ဂးဂှ် ရပ်ကေတ်အၚ်္ဂဇၞော်သၟတ်တုဲ ပွမကၞေပ်ရောင်။ ပွမကရေပ်မ္ဂးဂှ် ပွမကရေပ်ကဵုမမိက်ကဵုမွဲမွဲရောင်။ ပွမရပ်မ္ဂးဂှ် အယာံမာတ်ပွမရပ်ရောင်။ ပွမတၟတ်ဒွံလုက်စုက်မ္ဂးဂှ် အယာံမာတ်ဒွံလုက်ဒးရောင်။ သံဃာဒိသေသ်မ္ဂးဂှ် ။ ပ ။ ဟိုတ်ဂှ်လေဝ် ကော်ခဴဂး ရဴဝွံမ္ဂး “သံဃာဒိသေသ်” ရ။