၂.၁၁.၂။ ပွံက်ဘေဒါနုဝတ္တကသိက္ခာပိုဒ်
၂.၁၁.၂။ ပွံက်ဘေဒါနုဝတ္တကသိက္ခာပိုဒ် 419) ခမဳဂှ်ဟေၚ် မ္ဂးဂှ် ခမဳမလေပ်ပါ်ဒကးသၚ်ဂှ်။ ခမဳဂမၠိုၚ်နွံအိုတ်ရ မ္ဂးဂှ် ခမဳသအာၚ်ဂမၠိုၚ် နွံအိုတ်ရ။ ဍေံမဒ္ဂေတ်ဗက်လက္ကရဴ မ္ဂးဂှ် ခမဳသံဃဘေဒကဂှ် ယြဴကွေတ်တၚ်ပတှေ်ကေတ်မွဲနွံရ၊ ယြဴပွမသ္ဍိုက်မၠိုက်တုပ်စိုတ်မွဲနွံရ၊ ယြဴပွမဒးဂၞပ်ပြေစိုတ်မွဲ နွံရ၊ ခမဳဘေဒါနုဝတ္တကဂမၠိုၚ်ဂှ်လေဝ် မၞုံကဵုကွေတ် တၚ်ပတှေ်ကေတ်ဂှ်အိုတ်ရ၊ မၞုံကဵုပွမသ္ဍိုက်မၠိုက်တုပ်စိုတ်ဂှ်အိုတ်ရ၊ မၞုံကဵုပွမဒးဂၞပ် ပြေစိုတ်ဂှ်အိုတ်ရ။ ဍေံမလေပ်ဟီုသ္ဂး ဂလာန်ပါ်ဒကး မ္ဂးဂှ် ဍေံမတန်တဴတၞဟ်နဂုဏ် တၞဟ်နဗော်သွးခမဳသံဃဘေဒကဂှ်။ မွဲဇကုကီု ၜါဇကုဂမၠိုၚ်ကီု ပိဇကုဂမၠိုၚ်ကီု မ္ဂးဂှ် မွဲဇကုကီု၊ ၜါဇကုဂမၠိုၚ်ကီု ပိဇကုဂမၠိုၚ်ကီု နွံအိုတ်ရ၊ ခမဳဂမၠိုၚ်ဂှ် “တဳလပိုဉ်ဂမၠိုၚ် မမိက်ကဵုညိညလေဝ် လ္ပဟီုသ္ဂး ကဵုခမဳဂှ်အိုတ်ညိ၊ ခမဳဂှ် ဓရ်ကရာလေဝ် မၞုံအလေံဟီုသ္ဂးရ၊ ခမဳဂှ် ညဳသာသၟဟ်သၟန် ကေုာံဝိနယ်လေဝ် မၞုံအလေံဟီုသ္ဂးရ၊ ခမဳဂှ် ဂိုၚ်ကေတ်ပၟိက်ကီု တၚ်ထံက်ပခိုၚ်ပိုဲညးဂမၠိုၚ်ကီုတုဲ ဟီုသ္ဂးတဴရ၊ (ပၟိက်တၚ်ထံက်ပခိုၚ်) ပိုဲညးဂမၠိုၚ်လေဝ်တီရ၊ ဟီုသ္ဂးတဴကေုာံကွေတ် တၚ်ပတှေ်ကေတ်ပိုဲညးဂမၠိုၚ်ရ၊ ပွဂှ် ပိုဲညးဂမၠိုၚ်လေဝ် သ္ဍိုက်မၠိုက်ဒးဂၞပ်ရ” ရဴဝွံ ဟီုသ္ဂးအိုတ်မ္ဂး။ ခမဳဂမၠိုၚ်ဂှ် မ္ဂးဂှ် ခမဳမဒ္ဂေတ်ဗက်လက္ကရဴဂမၠိုၚ်ဂှ်။ ခမဳဂမၠိုၚ် မ္ဂးဂှ် ခမဳသအာၚ်ဂမၠိုၚ်။ ယြဴခမဳဂမၠိုၚ် ညာတ်အိုတ်ရ၊ ယြဴခမဳဂမၠိုၚ် မိၚ်အိုတ်ရ၊ ခမဳဂမၠိုၚ်ဂှ် “တဳလပိုဉ်တအ်ညးဂမၠိုၚ် လ္ပဟီု ရဴဝွံအိုတ်ညိ၊ ခမဳဂှ် မၞုံအလေံဟီုသ္ဂးဓရ်လေဝ် ဟွံသေၚ်ရ၊ ခမဳဂှ် မၞုံအလေံဟီုသ္ဂး ညဳသာသၟဟ်သၟန် ကေုာံဝိနယ်လေဝ် ဟွံသေၚ်ရ၊ တဳလပိုဉ်တအ်ညးဂမၠိုၚ်လေဝ် လ္ပသ္ဍိုက်မၠိုက် ပွမပါ်ဒကးသၚ်အိုတ်ညိ၊ တဳလပိုဉ်တအ်ညးဂမၠိုၚ် ဩဝ်ညဳသာသၟဟ်သၟန်ကေုာံသၚ်ညိ၊ သၚ်မညဳသာသၟဟ်သၟန်ဂှ်ဟေၚ် အိုဟ်တၟိုဟ်ဗွဲမဒးရးဒှ်တုဲ ဟွံမွဲပွမကယျာန်ဒဝါတ်ဒှ်တုဲ မၞုံကဵုပွမစၞောန်ထ္ၜးပါတိမုက်မွဲစွံဒှ်တုဲ သ္ဂောံပဒတဴ ဗွဲတသိုခ်ရ” ရဴဝွံ ဟီုသ္ဂးအိုတ်ရ။ မရနုက်ကဵုၜါဝါလေဝ် ဂပ်ဝ်သ္ဂးအိုတ်ရ၊ မရနုက်ကဵုပိဝါလေဝ် ဂပ်ဝ်ဟီုသ္ဂးအိုတ်ရ။ ယဝ်သၠးကၠေံအိုတ်မ္ဂး၊ ပွမသၠးကၠေံဂှ် ခိုဟ်သန်ရ၊ ယဝ်ဟွံသၠးကၠေံအိုတ်မ္ဂး ဒးအာပတ်ဒုက္ကဋ်ရ။ မိၚ်တုဲ ဟွံဟီုသ္ဂးအိုတ်မ္ဂး၊ ဒးအာပတ်ဒုက္ကဋ်ရ၊ ခမဳဂှ် ဇရေၚ်လဒေါဝ်သၚ်လေဝ် ကော်ဏာတုဲ “တဳလပိုဥ်တအ်ညးဂမၠိုၚ် လ္ပဟီု ရဴဝွံအိုတ်ညိ၊ ခမဳဂှ် မၞုံအလေံဟီုသ္ဂး ဓရ်လေဝ် ဟွံသေၚ်ရ၊ ခမဳဂှ် မၞုံအလေံဟီုသ္ဂး ညဳသာသၟဟ်သၟန်ကေုာံဝိနယ်လေဝ် ဟွံသေၚ်ရ၊ တဳလပိုဉ်တအ်ညးဂမၠိုၚ်လေဝ် လ္ပသ္ဍိုက်မၠိုက် ပွမပါ်ဒကးသၚ်အိုတ်ညိ၊ တဳလပိုဉ်တအ်ညးဂမၠိုၚ် ဩဝ်ညဳသာသၟဟ်သၟန်ကေုာံသၚ်ညိ၊ သၚ်မညဳသာသၟဟ်သၟန်ဂှ်ဟေၚ် အိုတ်တၟိုဟ်ဗွဲမဒးရးဒှ်တုဲ ဟွံမွဲပွမကယျာန်ဒဝါတ်ဒှ်တုဲ မၞုံကဵုပွမစၞောန်ထ္ၜးပါတိမုက်မွဲစွံဒှ်တုဲ သ္ဂောံပဒတဴဗွဲတလသိုခ်ရ” ရဴဝွံ ဂပ်ဝ်ဟီုသ္ဂးအိုတ်ရ။ မရနုက်ကဵုၜါဝါလေဝ် ဂပ်ဝ်ဟီုသ္ဂးအိုတ်ရ၊ မရနုက်ကဵုပိဝါလေဝ် ဂပ်ဝ်ဟီုသ္ဂးအိုတ်ရ။ ယဝ်သၠးထောံအိုတ်မ္ဂး၊ ပွမသၠးကၠေံဂှ် ခိုဟ်သန်ရ၊ ယဝ်ဟွံသၠးကၠေံအိုတ်မ္ဂး ဒးအာပတ်ဒုက္ကဋ်ရ။ ဂပ်ဝ်ဒးဒၠောံဗတောန် ခမဳဂမၠိုၚ်ဂှ် ဗွဲဒးရးအိုတ်ရ၊ ယွံခမဳတအ် ရဴဝွံဟေၚ် သ္ဒးဒၠောံဗတောန် ဗွဲမဒးရးရ၊ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ။
420) ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဂမၠိုၚ်မၞုံယၟုဝွံ ဒ္ဂေတ်ဗက်လက္ကရဴ ခမဳမၞုံယၟုဝွံ မသ္ပလွဳပရာ တၞဟ်နပွမပါ်ဒကးသၚ်တုဲ ဟီုသ္ဂးဂလာန် ပါ်ဒကးအိုတ်ရ၊ ခမဳဂမၠိုၚ်ဂှ် ဟွံသၠးကၠေံကွေတ်ဂှ်အိုတ်ရ၊ ကမ်မၞုံကဵုအခိၚ် မဗဗွဲကုသၚ် ယဝ်ဒှ်မ္ဂး၊ တၞဟ်နကဵုသၠးကၠေံကွေတ်ဂှ် သၚ်သ္ဒးဒၠောံဗတောန် ခမဳဂမၠိုၚ်မၞုံယၟုဝွံ မၞုံယၟုဝွံဗွဲမဒးရးရ၊ ဣဝွံတုန် ပွမကဵုတီရောၚ်။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဂမၠိုၚ်မၞုံယၟုဝွံ မၞုံယၟုဝွံ ဒ္ဂေတ်ဗက်လက္ကရဴ ခမဳမၞုံယၟုဝွံ မသ္ပလွဳပရာ တၞဟ်နပွမပါ်ဒကးသၚ်တုဲ ဟီုသ္ဂးဂလာန် ပါ်ဒကးအိုတ်ရ၊ ခမဳဂမၠိုၚ်ဂှ် ဟွံသၠးကၠေံကွေတ်ဂှ်အိုတ်ရ၊ တၞဟ်နကဵုသၠးကေၠံကွေတ်ဂှ်ဂှ် သၚ်သ္ဒးဒၠောံဗတောန် ခမဳဂမၠိုၚ်မၞုံယၟုဝွံ မၞုံယၟုဝွံ ဗွဲမဒးရးရ၊ ယြဴကုတဳလပိုဉ်မွဲ တၞဟ်နကဵုသၠးကၠေံကွေတ်ဂှ် သ္ဍိုက်မၠိုက်ပွမဒၠောံဗတောန် ခမဳဂမၠိုၚ်မၞုံယၟုဝွံ မၞုံယၟုဝွံ ဗွဲမဒးရးရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ မရနုက်ကဵုၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဂမၠိုၚ်မၞုံယၟုဝွံ မၞုံယၟုဝွံဒ္ဂေတ်ဗက်လက္ကရဴ ခမဳမၞုံယၟုဝွံ မသ္ပလွဳပရာ တၞဟ်နပွမပါ်ဒကးသၚ်တုဲ ဟီုသ္ဂးဂလာန်ပါ်ဒကးအိုတ်ရ၊ ခမဳဂမၠိုၚ်ဂှ် ဟွံသၠးကၠေံကွေတ်ဂှ်အိုတ်ရ၊ တၞဟ်နကဵုသၠးကၠေံကွေတ်ဂှ် သၚ်သ္ဒးဒၠောံဗတောန် ခမဳဂမၠိုၚ်မၞုံယၟုဝွံ မၞုံယၟုဝွံ ဗွဲမဒးရးရ၊ ယြဴကုတဳလပိုဉ်မွဲ တၞဟ်နကဵုသၠးကၠေံကွေတ်ဂှ်သ္ဍိုက်မၠိုက် ပွမဒၠောံဗတောန် ခမဳဂမၠိုၚ် မၞုံယၟုဝွံ မၞုံယၟုဝွံ ဗွဲမဒးရးရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ တၞဟ်နကဵုသၠးကၠေံကွေတ်ဂှ် သၚ်ဂပ်ဝ်ဒၠောံဗတောန် ခမဳဂမၠိုၚ်မၞုံယၟုဝွံ မၞုံယၟုဝွံ ဗွဲမဒးရးတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြ ရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။
421) ပ္ဍဲလအိတ်ဉတ် ဒးအာပတ်ဒုက္ကဋ်ရ၊ ပ္ဍဲလအိတ်ကမ္မဝါစ်ဂမၠိုၚ်ၜါဝါ ဒးအာပတ်ထုလ္လစယ်ရ၊ ပ္ဍဲလအိတ်ကမ္မဝါစ် ဒးအာပတ်သံဃာဒိသေသ်ရ။ ကုခမဳ မအာစိုပ်သံဃာဒိသေသ် ဒုက္ကဋ်ဂှ် ပ္ဍဲလအိတ်ဉတ် ထုလ္လစ္စယ်ပ္ဍဲလအိတ်ကမ္မဝါစ်ဂမၠိုၚ် ၜါဝါဂမၠိုၚ်ဂှ် လလမ်အိုတ်ရ။ ၜါဇကုပိဇကုဂမၠိုၚ် ဂပ်ဝ်ဒၠောံဗတောန် မွဲဂကောံဓဝ်အိုတ်ရ၊ လောန်လတူ (ၜါဇကုပိဇကုဂမၠိုၚ်ဂှ် ဟဂပ်ဝ်ဒၠောံဗတောန်အိုတ်ရ။ သံဃာဒိသေသ် မ္ဂးဂှ် ။ ပ ။ ဟိုတ်ဂှ်လေဝ် ကော်ခဴဂး ရဴဝွံမ္ဂး “သံဃာဒိသေသ်ရ” ရ။
422) ပ္ဍဲဓမ္မကမ် မၞုံပွမသမ္တီထေၚ်ကေတ် ဓမ္မကမ်တုဲ ဟွံသၠးကၠေံအိုတ်မ္ဂး၊ ဒးအာပတ်သံဃာဒိသေသ်ရ။ ပ္ဍဲဓမ္မကမ် မၞုံသၠေဟ်ပၟာတုဲ ဟွံသၠးကၠေံအိုတ်မ္ဂး၊ ဒးအာပတ်သံဃာဒိသေသ်ရ။ ပ္ဍဲဓမ္မကမ် မၞုံပွမသမ္တီထေၚ်ကေတ် အဓမ္မကမ်တုဲ ဟွံသၠးကၠေံအိုတ်မ္ဂး၊ ဒးအာပတ်သံဃာဒိသေသ်ရ။ ပ္ဍဲအမ္မကမ် မၞုံပွမသမ္တီထေၚ်ကေတ် ဓမ္မကမ်တုဲ ဟွံသၠးကၠေံအိုတ်မ္ဂး ဒးအာပတ်ဒုက္ကဋ်ရ။ ပ္ဍဲအဓမ္မကမ် မၞုံသၠေဟ်ပၟာတုဲ ဟွံသၠးကၠေံအိုတ်မ္ဂး ဒးအာပတ်ဒုက္ကဋ်ရ။ ပ္ဍဲအဓမ္မကမ် မၞုံပွမသမ္တီထေၚ်ကေတ် အဓမ္မကမ်တုဲ ဟွံသၠးကၠေံအိုတ်မ္ဂး ဒးအာပတ်ဒုက္ကဋ်ရ။
423) ကုခမဳ မဟဂပ်ဝ်ဒၠောံဗတောန် ဗွဲမဒးရး (နဉတ်ကမ္မဝါစ်) ခမဳသၠးကၠေံကွေတ် ခမဳကြအ်ဥမ္မတ် ခမဳစိုတ်ကလှ်လဖှ် ခမဳဝေဒနာပ္ဍဵုပ္ဍိုက် ခမဳကလိလောန်ကၠာတဲဂမၠိုၚ်ဂှ် ဟွံဒးအာပတ်ရ။ ဘေဒါနုဝတ္တကသိက္ခာပိုဒ် ဨကာဒသမတုဲရ။
