ပွံက်ဝိဟာရကာရသိက္ခာပိုဒ်
367) ဘာမဇၞော် မ္ဂးဂှ် သ္ဂးတဴဘာမၞုံကဵုတၠ (ဒကာညးမသိုင်)ရ။ ဘာ မ္ဂးဂှ် ဘာမဂပ်ဝ်လံက်လေတ်လဝ် ပ္ဍဲအပ္ဍဲကီု ဘာမဂပ်ဝ်လံက်လေတ်လဝ် ပ္ဍဲမ္ၚးကီု ဘာမဂပ်ဝ်လံက်လေတ်လဝ်ပ္ဍဲအပ္ဍဲမ္ၚးကီုရောင်။ (ဘာဟီုဂှ် ကေတ်ဘာမဇေၞာ်ညိ) ဍေံမမိက်ကဵုသိုင်ခၞံမ္ဂးဂှ် ခမဳမသိုင်ခၞံကီု ခမဳမကဵုသိုင်ခၞံကီု။ ဍေံမၞုံကဵုတၠ (ဒကာညးမသိုင်) မ္ဂးဂှ် တၠညးမမိက်ကဵုမွဲမွဲမတွံဂး ညးဗြဴ ညးတြုံ ခရှ် ခမဳ နွံရ။ မၞုံကဵုပူဂိုလ်မစၞောန်ထ္ၜးမ္ဂးဇကု မ္ဂးဂှ် တၞဟ်နသွက်ဇကု။ တၞဟ်နစၞောန်ထ္ၜးဂအာၚ်ဘာ ဂပ်ဝ်ရၚ်တၠုၚ်ဘိက်နိမန်နၚ် ခမဳဂမၠိုၚ်အိုတ်ရ မ္ဂးဂှ် ခမဳမသိုၚ်ခၞံဘာဂှ် သအးဇ္ၚးၚးတး ဂအာၚ်ဘာတုဲ ပြာပ်အာဇရေၚ်သၚ်တုဲ လ္ၜက်ကၠေဟ်ပတိုန်သ္ၚာကၞေဟ် ပ္ဍဲလတူပၞးပါဲမွဲလ္ပာ်တုဲ လ္ၚောဝ်ဂၠးဇိုၚ် ခမဳထေရ်ဇၞော်ဂမၠိုၚ်တုဲ သီုမဂဇအ်ဒၟံၚ်လံက်ဂဇုန် ပၚ်ခၠအ်ပတိုန်သၟိပ်တဲတုဲ— “ယွံတဳလပိုဉ်တအ် အဲဍိက် သၟိက်သိုၚ်ခၞံဘာမဇၞော် မၞုံကဵုတၠ (ဒကာညးမသိုၚ်) မၞုံကဵုပူဂိုလ်မဂပ်ဝ်စၞောန်ထ္ၜးမ္ဂး ဇကုရ၊ ယွံတဳလပိုဉ်တအ် အဲဍိက် အာတ်ပါန်အခေါၚ်သၚ် သွက်ဂွံသ္ၚေဝ်ရံၚ် ဂအာၚ်ဘာရ” ရဴဝွံ သ္ဒးဂရၚ်ပတီရ။ မရနုက်ကဵုၜါဝါလေဝ် သ္ဒးဂရၚ်ပတီရ၊ မရနုက်ကဵုပိဝါလေဝ် သ္ဒးဂရၚ်ပတီရ။ တၞဟ်နသ္ၚေဝ်ရံၚ်ဂအာၚ်ဘာ ယဝ်ရသၚ်သီုဖအိုတ် သၟဟ်ရထမ္ဂး၊ သၚ်သီုဖအိုတ်သ္ဒးသ္ၚေဝ်ရံၚ်ရ၊ တၞဟ်နသ္ၚေဝ်ရံၚ်ဂအာၚ်ဘာ ယဝ်ရသၚ်သီုဖအိုတ် ဟွံသၟဟ်ရထမ္ဂး၊ ပၞောဝ်ခမဳဂမၠိုၚ်ဂှ် ယြဴခမဳဂမၠိုၚ် တၞဟ်နတီကေတ် မၞုံ-ဟွံမွဲကဵုပရိုက်ဘဲ မၞုံ-ဟွံမွဲကဵုဥပစာမွဲသ္ပဝ်ကွဳစဳကၠးဆိုက်ဗ္ဒက်အိုတ်ရ၊ သၟဟ်စောံအိုတ်ရ၊ အာတ်အခေါၚ် ခမဳဂမၠိုၚ်ဂှ်တုဲ သ္ဒးသၟတ်ပတိုန်ရ။ ယွံခမဳတအ် ရဴဝွံဟေၚ် သ္ဒးသၟိတ်ပတိုန်ရ၊ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ။
368) ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳမၞုံယၟုဝွံ မိက်သိုၚ်ခၞံဘာကုဋ် မၞုံကဵုတၠ (ဒကာညးမသိုၚ်) မၞုံကဵုပူဂိုလ်မဂပ်ဝ်စၞောန်ထ္ၜးမ္ဂး ဇကုရ၊ ခမဳဂှ်အာတ်အခေါၚ်သၚ် သွက်ဂွံသ္ၚေဝ်ရံၚ်ဂအာၚ်ဘာရ၊ ကုသၚ်ဂှ် ကမ်မၞုံကဵုအခိၚ်မဗဗွဲ ယဝ်ဒှ်မ္ဂး၊ သၚ်ဂှ် တၞဟ်နသ္ၚေဝ်ရံၚ်ဂအာၚ်ဘာ (ခမဳ) မၞုံယၟုဝွံ သ္ဒးသၟိတ်ပတိုန် ခမဳဂမၠိုၚ်မၞုံယၟုဝွံ မၞုံယၟုဝွံရ၊ ဣဝွံတုန် ပွမကဵုတီရောၚ်။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳမၞုံယၟုဝွံ မိက်သိုၚ်ခၞုံဘာကုဋ် မၞုံကဵုတၠ (ဒကာညးမသိုၚ်) မၞုံကဵုပူဂိုလ် မဂပ်ဝ်စၞောန်ထ္ၜးဇကုရ၊ ခမဳဂှ် အာတ်အခေါၚ်သၚ် သွက်ဂွံသ္ၚေဝ်ရံၚ်ဂအာၚ်ဘာရ၊ သၚ်ဂှ် တၞဟ်နသ္ၚေဝ်ရံၚ်ဂအာၚ်ဘာ (ခမဳ) မၞုံယၟုဝွံ သၟိတ်ပတိုန် ခမဳဂမၠိုၚ်မၞုံယွံဝွံ မၞုံယၟုဝွံရ၊ ယြဴကုတဳလပိုဉ်မွဲ သ္ဍိုက်မၠိုက်ပွမသၟိတ်ပတိုန် ခမဳဂမၠိုၚ်မၞုံယၟုဝွံ မၞုံယၟုဝွံ သွက်ဂွံသ္ၚေဝ်ရံၚ် ဂအာၚ်ဘာ ခမဳမၞုံယၟုဝွံရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလမၞုံပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ သၚ်ဂှ် သွက်ဂွံသ္ၚေဝ်ရံၚ် ဂအာၚ်ဘာ (ခမဳ) မၞုံယၟုဝွံ ဂပ်ဝ်သၟိတ်ပတိုန် ခမဳဂမၠိုၚ်မၞုံယၟုဝွံ မၞုံယၟုဝွံတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။
369) ခမဳဂမၠိုၚ် မကလိဂွံသၟိတ်တုဲဂှ် အာဌာန်ဂှ်တုဲ သ္ဒးသ္ၚေဝ်ရံၚ် ဂအာၚ်ဘာရ၊ မၞုံ-ဟွံမွဲကဵုပရိုက်ဘဲ မၞုံ-ဟွံမွဲကဵုဥပစာမွဲသ္ပဝ်ကွဳဂှ် သ္ဒးတီရ၊ မၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳ ယဝ်ဒှ်မ္ဂး၊ “ပ္ဍဲဌာန်ဝွံ လ္ပသိုၚ်ခၞံညိ” ရဴဝွံ သ္ဒးဟီုရ၊ ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳ ယဝ်ဒှ်မ္ဂး၊ “ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳရ” ရဴဝွံ သ္ဒးဂရၚ်ပတီ ကုသၚ်ရ၊ ခမဳမသိုၚ်ခၞံဘာဂှ် ပြာပ်အာဇရေၚ်သၚ်တုဲ လ္ၜက်ကၠေဟ်ပတိုန်သ္ၚာကၞေဟ် ပ္ဍဲလတူပၞးပါဲမွဲလ္ပာ်တုဲ လ္ၚောဝ်ဂၠးဇိုၚ်ခမဳထေရ်ဂမၠိုၚ်တုဲ သီုမဂဇအ်ဒၟံၚ်လံက်ဂဇုန် ပၚ်ခၠအ်ပတိုန်သၟိပ်တဲတုဲ— “ယွံတဳလပိုဉ်တအ် အဲဍိက် သၟိက်သိုၚ်ခၞံဘာမဇၞော် မၞုံကဵုတၠ (ဒကာညးမသိုၚ်) မၞုံကဵုပူဂိုလ် မဂပ်ဝ်စၞောန်ထ္ၜးမ္ဂး ဇကုရ၊ ယွံတဳလပိုဉ်တအ် အဲဍိက်အာတ်ပါန်အခေါၚ်သၚ် စၞောန်ထ္ၜးဂအာၚ်ဘာရ” ရဴဝွံ သ္ဒးဂရၚ်ပတီရ။ မရနုက်ကဵုၜါဝါလေဝ် သ္ဒးအာတ်အခေါၚ်ရ၊ မရနုက်ကဵုပိဝါလေဝ် သ္ဒးအာတ်အခေါၚ်ရ။ ခမဳစဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ။
370) ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳမၞုံယၟုဝွံ မိက်သိုၚ်ခၞံဘာမဇၞော် မၞုံကဵုတၠ (ဒကာညးမသိုၚ်) မၞုံကဵုပူဂိုလ်မဂပ်ဝ်စၞောန်ထ္ၜးမ္ဂးဇကုရ၊ ခမဳဂှ် အာတ်အခေါၚ်သၚ် စၞောန်ထ္ၜးဂအာၚ်ဘာရ၊ ကုသၚ်ဂှ် ကမ်မၞုံကဵုအခိၚ်မဗဗွဲ ယဝ်ဒှ်မ္ဂး၊ သၚ်ဂှ်စၞောန်ထ္ၜးဂအာၚ်ဘာ (ခမဳ) မၞုံယၟုဝွံရ၊ ဣဝွံတုန် ပွမကဵုတီရောၚ်။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳမၞုံယၟုဝွံ မိက်သိုၚ်ခၞံဘာမဇၞော် မၞုံကဵုတၠ (ဒကာညးမသိုၚ်) မၞုံကဵုပူဂိုလ်မဂပ်ဝ်စၞောန်ထ္ၜးမ္ဂး ဇကုရ၊ ခမဳဂှ် အာတ်အခေါၚ်သၚ် စၞောန်ထ္ၜးဂအာၚ်ဘာရ၊ သၚ်ဂှ် စၞောန်ထ္ၜးဂအာၚ်ဘာ (ခမဳ) မၞုံယၟုဝွံရ၊ ယြဴကုတဳလပိုဉ်မွဲ သ္ဍိုက်မၠိုၚ်ပွမစၞောန်ထ္ၜးဂအာၚ်ဘာ ခမဳမၞုံယၟုဝွံရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။ သၚ်ဂှ် ဂပ်ဝ်စၞောန်ထ္ၜးဂအာၚ်ဘာ (ခမဳ) မၞုံယၟုဝွံတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်တဴရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ)။
371) မၞုံကဵုပရိုက်ဘဲ မ္ဂးဂှ် ဒၞါဲခၟတ်ပၞဴ ခၟတ်အကၠေၚ်ဂမၠိုၚ်လေဝ် ဒှ်ရ၊ ဒၞါဲစၟဂြုန်ဂမၠိုၚ်လေဝ်ဒှ်ရ၊ ကၞိဂမၠိုၚ်လေဝ်၊ ဇြုံဂမၠိုၚ်လေဝ်၊ အယဴဂမၠိုၚ်၊ ဂဂဳဂမၠိုၚ်၊ စိၚ်ဂမၠိုၚ်၊ ချေံဂမၠိုၚ်လေဝ်၊ ဇာဒိသိုၚ်ဂမၠိုၚ်လေဝ်၊ ကၠဂမၠိုၚ်လေဝ်၊ ဗြန်ဂမၠိုၚ်လေဝ်၊ ကၟီဂမၠိုၚ်၊ ဒၞါဲဒိုဟ်ဒးဂမၠိုၚ်လေဝ် ဒှ်ရ၊ ဒၞါဲသတ်တိရစ္ဆာန်ဂမၠိုၚ် မမိက်ကဵုမွဲမွဲလေဝ် ဒှ်ရ၊ ဒၞါဲဌာန်သြောံလေဝ် နိဿယ်ဗ္ဒာဲရ၊ ဒၞါဲသုသာန်ဌာန်ကုန်ဂစိုတ်မၞိဟ်လေဝ် နိဿယ်ဗ္ဒာဲရ၊ ဒၞါဲသုသာန်ဌာန်တိုပ်ဇွလေဝ် နိဿယ်ဗ္ဒာဲရ၊ ဥဒျာန်ကၠအ်ပကဴလေဝ် နိဿယ်ဗ္ဒာဲရ၊ ဂအာၚ်သၟိၚ်လေဝ် နိဿယ်ဗ္ဒာဲရ၊ ရုၚ်စိၚ်လေဝ် နိဿယ်ဗ္ဒာဲရ၊ ရုၚ်ချေံလေဝ် နိဿယ်ဗ္ဒာဲရ၊ သ္ၚိစာတ်ကၠေၚ်ဒက်လေဝ် နိဿယ်ဗ္ဒာဲရ၊ ရုၚ်အရက်သုရာလေဝ် နိဿယ်ဗ္ဒာဲရ၊ ရုၚ်ဂစိုတ်ဖျုန်လေဝ် နိဿယ်ဗ္ဒာဲရ၊ ဂၠံၚ်ဍာန်လေဝ် နိဿယ်ဗ္ဒာဲရ၊ ဂၠံၚ်သဗာန်ဍာန်ပန်သွာၚ်လေဝ် နိဿယ်ဗ္ဒာဲရ၊ သဘၚ်လေဝ် နိဿယ်ဗ္ဒာဲရ၊ ဂၠံၚ်တရဴခၠၚ်သာတ် (ဂၠံၚ်ကၠိုဟ်အာကၠိုဟ်ကၠုၚ်) လေဝ် နိဿယ်ဗ္ဒာဲရ၊ ဣဝွံတုန် မၞုံကဵု ပရိုက်ဘဲမ္ဂးရ။ ဟွံမွဲကဵုဥပစာ မွဲသ္ပဝ်ကွဳ မ္ဂးဂှ်နကဵုကွဳအတိုၚ်မဗ္ဂန်လဝ်လၟိုန် တၞဟ်နဂေတ်သွဝ်တုဲအာကီု နူပွဳပွူ တၞဟ်နဂေတ်သ္ပဝ်နတၞိန်ကီု ဟွံသၟဟ်ရထရ၊ ဣဝွံတုန် ဟွံမွဲကဵုဥပစာ မွဲသ္ပဝ်ကွဳမ္ဂးရ။ ဟွံမွဲကဵုပရိုက်ဘဲ မ္ဂးဂှ် ဒၞါဲခၟတ်ပၞဴ ခၟတ်အကၠေၚ်ဂမၠိုၚ်လေဝ် ဟွံသေၚ်ရ ။ ပ ။ ဂၠံၚ်တရဴခၠၚ်သာတ် (ဂၠံၚ်ကၠိုဟ်အာကၠိုဟ်ကၠုၚ်) လေဝ် ဟွံနိဿယ်ဗ္ဒာဲရ။ ဣဝွံတုန် ဟွံမွဲကဵုပရိုက်ဘဲမ္ဂးရ။ မၞုံကဵုဥပစာ မွဲသ္ပဝ်ကွဳမ္ဂးဂှ် နကဵုကွဳအတိုၚ်မဗ္ဂန်လဝ်လၟိုန် တၞဟ်နဂေတ်သွဝ်တုဲ အာကီု နူပွဳပွူ တၞဟ်နဂေတ်သ္ပဝ်နတၞိန်ကီု သၟဟ်ရထရ၊ ဣဝွံတုန် မၞုံကဵုဥပစာ မွဲသ္ပဝ်ကွဳမ္ဂးရ။ ဘာမဇၞော် မ္ဂးဂှ် သ္ဂးတဴဘာမၞုံကဵုတၠ (ဒကာညးသိုၚ်) ရ။ ဘာ မ္ဂးဂှ် ဘာမဂပ်ဝ်လံက်လေတ်လဝ် ပ္ဍဲအပ္ဍဲကီု ဘာမဂပ်ဝ်လံက်လေတ်လဝ် ပ္ဍဲမ္ၚးကီု ဘာမဂပ်ဝ်လံက်လေတ်လဝ် ပ္ဍဲအပ္ဍဲမ္ၚးကီုရောၚ်။ ကဵုသိုၚ်ခၞံ မ္ဂးဂှ် ခမဳမသိုၚ်ခၞံ (အလဵုဇကု) ကီု ခမဳမကဵု (ညးသအာၚ်) သိုၚ်ခၞံကီု။ တၞဟ်နစၞောန်ထ္ၜးဂအာၚ်ဘာ ခမဳဂမၠိုၚ်လေဝ် ဟွံရၚ်တၠုၚ်နိမန်နၚ် မ္ဂးဂှ် ဟွံကဵုစၞောန်ထ္ၜးဂအာၚ်ဘာ နကဵုဉတ္တိဒုတိယကမ်တုဲ (အလဵုဇကု) သိုၚ်ခၞံကဵုဒှ် ကဵု (ညးသအာၚ်) သိုၚ်ခၞံကဵုဒှ် ဇၟာပ်သ္ပလွဳပရာ ဒးအာပတ်ဒုက္ကဋ်ရ၊ ကိုပ်ကၠာတိကဠောံမွဲ ဟွံစိုပ်ဒတုဲဏီ ဒးအပတ်ထုလ္လစ္စယ်ရ၊ တိကဠောံလက္ကရဴအိုတ် စိုပ်ဒတုဲမ္ဂး ဒးအာပတ်သံဃာဒိသေသ်ရ။ သံဃာဒိသေသ် မ္ဂးဂှ် ။ ပ ။ ဟိုတ်ဂှ်လေဝ် ကော်ခဴဂး ရဴဝွံမ္ဂး “သံဃာဒိသေသ်ရ” ရ။
372) ခမဳဂှ် သိုၚ်ခၞံဘာမၞုံကဵုဂအာၚ် မဟဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳမ္ဂး ဒးအာပတ်သံဃာဒိသေသ် ကေုာံဒုက္ကဋ်ၜါလစုတ်ရ။ ခမဳဂှ် သိုၚ်ခၞံဘာမၞုံကဵုဂအာၚ် မဟဂပ်ဝ်စၞောန်ထ္ၜး မၞုံကဵုပရိုက်ဘဲ မၞုံကဵုဥပစာ မွဲသ္ပဝ်ကွဳမ္ဂး ဒးအာပတ်သံဃာဒိသေသ် ကေုာံ ဒုက္ကဋ်ရ။ ခမဳဂှ် သိုၚ်ခၞံဘာမၞုဴကဵုဂအာၚ် မဟဂပ်ဝ်စၞောန်ထ္ၜး မဟွံမွဲကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳမ္ဂး ဒးအာပတ်သံဃာဒိသေသ် ကေုာံဒုက္ကဋ်ရ။ ခမဳဂှ် သိုၚ်ခၞံဘာမၞုံကဵုဂအာၚ် မဟဂပ်ဝ်စၞောန်ထ္ၜး မဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳမ္ဂး ဒးအာပတ်သံဃာဒိသေသ်ရ။ ခမဳဂှ် သိုၚ်ခၞံဘာမၞုံကဵုဂအာၚ် မဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳမ္ဂး ဒးအာပတ်ဒုက္ကဋ်ၜါလစုတ်ရ။ ခမဳဂှ် သိုၚ်ခၞံဘာမၞုံကဵုဂအာၚ် မဂပ်ဝ်စၞောန်ထ္ၜး မၞုံကဵုပရိုက်ဘဲ မၞုံကဵုဥပစာမွဲသ္ပဝ်ကွဳမ္ဂး ဒးအာပတ်ဒုက္ကဋ်ရ။ ခမဳဂှ် သိုၚ်ခၞံဘာမၞုံကဵုဂအာၚ် မဂပ်ဝ်စၞောန်ထ္ၜး မဟွံမွဲကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳမ္ဂး ဒးအာပတ်ဒုက္ကဋ်ရ။ ခမဳဂှ် သိုၚ်ခၞံဘာမၞုံကဵုဂအာၚ် မဂပ်ဝ်စၞောန်ထ္ၜး ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳမ္ဂး ဟွံဒးအာပတ်ရ။
373) ခမဳဂှ် “ဩဝ်သိုၚ်ခၞံဘာ အဲအိုတ်ညိ” ရဴဝွံ အလဵုဇကု စၞောန်ထ္ၜးရ၊ သိုၚ်ခၞံဘာခမဳဂှ် မၞုံကဵုဂအာၚ် မဟဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ၜါလစုတ်ရ ။ ပ ။ သိုၚ်ခၞံဘာမၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်သံဃာဒိသေသ် ကေုာံဒုက္ကဋ်ရ ။ ပ ။ သိုၚ်ခၞံဘာ ဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ ။ ပ ။ သိုၚ်ခၞံဘာ ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်သံဃာဒိသေသ်ရ။ ခမဳဂှ် “ဩဝ်သိုၚ်ခၞံဘာ အဲအိုတ်ညိ” ရဴဝွံ အလဵုဇကုစၞောန်ထ္ၜးရ၊ သိုၚ်ခၞံဘာခမဳဂှ် မၞုံကဵုဂအာၚ် မဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ၜါလစိုတ်ရ ။ ပ ။ သိုၚ်ခၞံဘာမၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်ဒုက္ကဋ်ရ ။ ပ ။ သိုၚ်ခၞံဘာဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်ဒုက္ကဋ်ရ ။ ပ ။ သိုၚ်ခၞံဘာ ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး ဟွံဒးအာပတ်ရ။
374) ခမဳဂှ် “ဩဝ်သိုၚ်ခၞံဘာ အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာၚ် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံတုန် အလဵုဇကု ဟွံစၞောန်ထ္ၜးရ၊ သိုၚ်ခၞံဘာခမဳဂှ် မၞုံကဵုဂအာၚ်မဟဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်သံဃာဒိသေသ်ကေုာံဒုက္ကဋ်ၜါလစုတ်ရ ။ ပ ။ သိုၚ်ခၞံဘာ မၞုဴကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်သံဃာဒိသေသ်ကေုာံဒုက္ကဋ်ရ ။ ပ ။ သိုၚ်ခၞံဘာဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်သံဃာဒိသေသ်ကေုာံဒုက္ကဋ်ရ ။ ပ ။ သိုၚ်ခၞံဘာဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်သံဃာဒိသေသ်ရ။ ခမဳဂှ် “ဩဝ်သိုၚ်ခၞံဘာ အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာၚ် မဂပ်ဝ်စၞောန်ထ္ၜးကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ်ကဵုဒှ်ညိ” ရဴဝွံတုန် အလဵုဇကု ဟွံစၞောန်ထ္ၜးရ၊ သိုၚ်ခၞံဘာခမဳဂှ် မၞုံကဵုဂအာၚ်မဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်ဒုက္ကဋ်ၜါလစုတ်ရ ။ ပ ။ သိုၚ်ခၞံဘာမၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်ဒုက္ကဋ်ရ ။ ပ ။ သိုၚ်ခၞံဘာဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး ဒးအာပတ်ဒုက္ကဋ် ။ ပ ။ သိုၚ်ခၞံဘာဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး ဟွံဒးအာပတ်ရ။
375) ခမဳဂှ် “ဩဝ်သိုၚ်ခၞံဘာ အဲအိုတ်ညိ” ရဴဝွံ အလဵုဇကု စၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာၚ် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံ အလဵုဇကု စၞောန်ထ္ၜးရ၊ သိုၚ်ခၞံဘာခမဳဂှ်မၞုံကဵုဂအာၚ်မဟဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာမွဲသ္ပဝ်ကွဳအိုတ်ရ၊ ခမဳဂှ် “သိုၚ်ခၞံဘာအဲမၞုံကဵုဂအာၚ် မဟဂပ်ဝ်စၞောန်ထ္ၜး မၞုံကဵုပရိုက်ဘဲ မဟွံမွဲကဵုဥပစာ မွဲသ္ပဝ်ကွဳရဂး” ရဴဝွံ သ္ဂောံမိၚ်ရ၊ ခမဳဂှ် “မၞုံကဵုဂအာၚ် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံ အလဵုဇကုလေဝ်သ္ဒးအာရ၊ ကလုတ်လေဝ် သ္ဒးဗလးဏာရ ။ ပ ။ “မၞုံကဵုဂအာၚ် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ် ကဵုဒှ်ညိ” ။ ပ ။ မၞုံကဵုဂအာၚ် မဂပ်ဝ်စၞောန်ထ္ၜးလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ်ကဵုဒှ်ညိ” ။ ပ ။ မၞုံကဵုဂအာၚ် မဂပ်ဝ်စၞောန်ထ္ၜးလေဝ် ကဵုဒှ်ညိ” ရဴဝွံ (အလဵုဇကုလေဝ် သ္ဒးအာရ၊ ကလုတ်လေဝ်သ္ဒးဗလးဏာရ) အလဵုဇကုလေဝ် ယဝ်ဟွံအာမ္ဂး၊ ကလုတ်လေဝ် ယဝ်ဟွံဗလးဏာမ္ဂး ဒးအာပတ်ဒုက္ကဋ်ရ။ ခမဳဂှ် “ဩဝ်သိုၚ်ခၞံဘာ အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာၚ် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ်ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုၚ်ခၞံဘာခမဳဂှ် မၞုံကဵုဂအာၚ် မဂပ်ဝ်စၞောန်ထ္ၜးမၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်ရ၊ ခမဳဂှ် “သိုၚ်ခၞံဘာအဲ မၞုံကဵုဂအာၚ် မဂပ်ဝ်စၞောန်ထ္ၜး မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳရဂး” ရဴဝွံ သ္ဂောံမိၚ်ရ၊ ခမဳဂှ် “ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာ မွဲသ္ပဝ်ကွဳလေဝ်ကဵုဒှ်ညိ” ရဴဝွံ အလဵုဇကုလေဝ် သ္ဒးအာတဴရ၊ ကလုတ်လေဝ် သ္ဒးဗလးဏာရ၊ “ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာ မွဲသ္ပဝ်ကွဳလေဝ် ကဵုဒှ်ညိ” ။ ပ ။ “ဟွံမွဲကဵုပရိုက်ဘဲလေဝ် ကဵုဒှ်ညိ” ။ ပ ။ “မၞုံကဵုဥပစာ မွဲသ္ပဝ်ကွဳလေဝ် ကဵုဒှ်ညိ” ။ ပ ။ ဟွံဒးအာပတ်ရ။
376) ခမဳဂှ် “ဩဝ်သိုၚ်ခၞံဘာ အဲအိုတ်ညိ” ရဴဝွံ အလဵုဇကု စၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာၚ် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုဴကဵုဥပစာမွဲသ္ပဝ်ကွဳလေဝ် ကဵုဒှ်ညိ” ရဴဝွံလေဝ် အလဵုဇကုစၞောန်ထ္ၜးရ၊ သိုၚ်ခၞံဘာခမဳဂှ် မၞုံကဵုဂအာၚ်မဟဂပ်ဝ်စၞောန်ထ္ၜး မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုၚ်ခၞံဘာဂမၠိုၚ် ဒးအာပတ်ဒုက္ကဋ် ပိလစုတ်ရ ။ ပ ။ သိုၚ်ခၞံဘာ မၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ကုခမဳသိုၚ်ခၞံဘာဂမၠိုၚ် ဒးအာပတ်ဒုက္ကဋ် ၜါလစုတ်ရ ။ ပ ။ သိုၚ်ခၞံဘာ ဟွံမွဲကဵုပရိုက်ဘဲ မၞုံကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုၚ်ခၞံဘာဂမၠိုၚ် ဒးအာပတ်ဒုက္ကဋ် ၜါလစုတ်ရ ။ ပ ။ သိုၚ်ခၞံဘာဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး၊ ကုခမဳသိုၚ်ခၞံဘာကုဋ်ဂမၠိုၚ် ဒးအာပတ်ဒုက္ကဋ်ရ။ ခမဳဂှ် “ဩဝ်သိုၚ်ခၞံဘာ အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ “မၞုံကဵုဂအာၚ် မဂပ်ဝ်စၞောန်ထ္ၜးလေဝ်ကဵုဒှ် ဟွံမွဲကဵုပရိုက်ဘဲလေဝ်ကဵုဒှ် မၞုံကဵုဥပစာမွဲသ္ပဝ်ကွဳလေဝ်ကဵုဒှ်ညိ” ရဴဝွံလေဝ် အလဵုဇကု စၞောန်ထ္ၜးရ၊ သိုၚ်ခၞံဘာခမဳဂှ် မၞုံကဵုဂအာၚ် မဂပ်ဝ်စၞောန်ထ္ၜး မၞုံကဵုပရိုက်ဘဲ ဟွံမွဲကဵုဥပစာ မွဲသ္ပဝ်ကွဳအိုတ်မ္ဂး၊ ကုခမဳသိုၚ်ခၞံဘာဂမၠိုၚ် ဒးအာပတ်ဒုက္ကဋ် ၜါလစုတ်ရ ။ ပ ။ သိုၚ်ခၞံဘာမၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ကုခမဳသိုၚ်ခၞံဘာဂမၠိုၚ် ဒးအာပတ်ဒုက္ကဋ်ရ ။ ပ ။ သိုၚ်ခၞံဘာ ဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး၊ ကုခမဳသိုၚ်ခၞံဘာဂမၠိုၚ် ဒးအာပတ်ဒုက္ကဋ်ရ ။ ပ ။ သိုၚ်ခၞံဘာ ဟွံမွဲကဵုပရိုက်ဘဲ မၞုံကဵုဥပစာမွဲသ္ပကွဳအိုတ်မ္ဂး ကုခမဳသိုၚ်ခၞံဘာဂမၠိုၚ် ဟွံဒးအာပတ်ရ။
377) ခမဳဂှ် “ဩဝ်သိုၚ်ခၞံဘာ အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ သိုၚ်ခၞံဘာခမဳဂှ် မၞုံကဵုဂအာၚ် မဟဂပ်ဝ်စၞောန်ထ္ၜး မၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်ရ၊ ကိုပ်ကၠာသိုၚ်ခၞံဘာဂှ်ဟွံတုဲဏီ ခမဳဂှ် ကလေၚ်ကၠုၚ်မ္ဂး၊ ခမဳဂှ် ဘာဂှ်ကုညးသအာၚ်လေဝ် သ္ဒးကဵုထောံရ၊ ပလီုကၠေံတုဲလေဝ် မွဲလှေ်ပၠန်သ္ဒးကလေၚ်သိုၚ်ခၞံရ၊ ကုညးသအာၚ်လေဝ် ယဝ်ဟွံကဵုထောံမ္ဂး ပလီုထောံတုဲလေဝ် မွဲလှေ်ပၠန် ယဝ်ဟွံကလေၚ်သိုၚ်ခၞံမ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ၜါလစုတ်ရ ။ ပ ။ သိုၚ်ခၞံဘာမၞုံကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ် ကေုာံဒုက္ကဋ်ရ ။ ပ ။ သိုၚ်ခၞံဘာဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်သံဃာဒိသေသ်ရ။ ခမဳဂှ် “ဩဝ်သိုၚ်ခၞံဘာ အဲအိုတ်ညိ” ရဴဝွံ အလဵုဇကုစၞောန်ထ္ၜးတုဲ ပါဲစ္ဍးအာရ၊ သိုၚ်ခၞံဘာခမဳဂှ် မၞုံကဵုဂအာၚ် မဂပ်ဝ်စၞောန်ထ္ၜး မၞုံကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်ရ၊ ကိုပ်ကၠာသိုၚ်ခၞံဘာဟွံတုဲဏီ ခမဳဂှ် ကလေၚ်ကၠုၚ်မ္ဂး၊ ခမဳဂှ် ဘာဂှ် ကုညးသအာၚ်လေဝ်သ္ဒးကဵုထောံရ၊ ပလီုကၠေံတုဲလေဝ်မွဲလှေ်ပၠန် သ္ဒးကလေၚ်သိုၚ်ခၞံရ၊ ကုညးသအာၚ်လေဝ် ယဝ်ဟွံကဵုထောံမ္ဂး၊ ပလီုထောံတုဲလေဝ် မွဲလှေ်ပၠန် ယဝ်ဟွံကလေၚ်သိုၚ်ခၞံမ္ဂး၊ ဒးအာပတ်ဒုက္ကဋ်ၜါလစုတ်ရ ။ ပ ။ သိုၚ်ခၞံဘာမၞုံကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ရ ။ ပ ။ သိုၚ်ခၞံဘာဟွံမွဲကဵုပရိုက်ဘဲ ဟွံမွဲကဵုဥပစာမွဲသ္ပဝ်ကွဳအိုတ်မ္ဂး၊ ဒးအာပတ်ဒုက္ကဋ်ရ ။ ပ ။ သိုၚ်ခၞံဘာဟွံမွဲကဵုပရိုက်ဘဲ မၞုံကဵုဥပစာမွဲသ္ပဝ်ကွဳအိုတ်မ္ဂး ဟွံဒးအာပတ်ရ။
378) ဘာဇကုသိုၚ်ခၞံဟွံစိုပ်ဒတုဲဏီဂှ် ဇကုကဵုစိုပ်ဒတုဲ (ပတုဲထောံ) မ္ဂး၊ ဒးအာပတ်သံဃာဒိသေသ်ရ။ ဘာဇကုသိုၚ်ခၞံဟွံစိုပ်ဒတုဲဏီဂှ် ကဵုညးသအာၚ်ဂမၠိုၚ် စိုပ်ဒတုဲမ္ဂး၊ ဒးအာပတ်သံဃာဒိသေသ်ရ။ ဘာညးသအာၚ်ဂမၠိုၚ် သိုၚ်ခၞံဟွံစိုပ်ဒတုဲဏီဂှ် ဇကုကဵုစိုပ်ဒတုဲမ္ဂး၊ ဒးအာပတ်သံဃာဒိသေသ်ရ။ ဘာညးသအာၚ်ဂမၠိုၚ် သိုၚ်ခၞံဟွံစိုပ်ဒတုဲဏီဂှ် ကဵုညးသအာၚ်ဂမၠိုၚ် စိုပ်ဒတုဲမ္ဂး၊ ဒးအာပတ်သံဃာဒိသေသ်ရ။
379) ပ္ဍဲလိုဏ် ပ္ဍဲဂိုဟ် ပ္ဍဲဘာကုဋ်စၟဳသၠ ပါဲကၠေံသ္ၚိ (ဘာ) မဂပ်ဝ်သိုၚ်ခၞံ တၞဟ်နသွက်ညးသအာၚ်တုဲ ပ္ဍဲအရာအိုတ်သီု ဟွံဒးအာပတ်ရ၊ ကုခမဳကြအ်ဥမ္မတ် ခမဳကလိလောန်ကၠာတဲ ဟွံဒးအာပတ်ရ။ ဝိဟာရကာရသိက္ခာပိုဒ် သတ္တမတုဲရ။
