... ပွံက်မာတိကာ

238) ပ္ဍဲရုပ်အပ္ဍဲ မ္ဂးဂှ် ပ္ဍဲရုပ်အပ္ဍဲ မဂပ်ဝ်စောဲလာံ။ ပ္ဍဲရုပ်မ္ၚး မ္ဂးဂှ် ပ္ဍဲရုပ်မ္ၚး မဂပ်ဝ်စောဲလာံကဵုဒှ် ပ္ဍဲရုပ်မ္ၚး မဟဂပ်ဝ်စောဲလာံကဵုဒှ်။ ပ္ဍဲရုပ်အပ္ဍဲမ္ၚး မ္ဂးဂှ် ပ္ဍဲဂကောံရုပ်ၜါဂှ်။ ကဵုပချဳ (ဂယတ်) ဂၞိၚ် ပ္ဍဲအကးတုဲ မ္ဂးဂှ် ကုညးသ္ပလွဳပရာ ပ္ဍဲအကး တၞဟ်နသ္ပအၚ်္ဂဇာတ်ဒှ်ဒၟံၚ်ဒတုဲရ။ ပ္ဍဲအခိၚ်အၚ်္ဂဇာတ် ကြံၚ်မ္ၚိုဟ်တေၚ်ကၠုၚ် ဟိုတ်နူရာဂ မ္ဂးဂှ် ကုညးရာဂရာန်ကိုတ်တဴဂှ် တၞဟ်နသ္ပအၚ်္ဂဇာတ် ဒှ်ဒၟံၚ်ဒတုဲရ။ ပ္ဍဲအခိၚ်အၚ်္ဂဇာတ် ကြံၚ်မ္ၚိုဟ်တေၚ်ကၠုၚ် ဟိုတ်နူတရဴဇၞော် မ္ဂးဂှ် ကုညးတရဴဇၞော်ရာန်သကိုတ်ဂှ် တၞဟ်နသ္ပအၚ်္ဂဇာတ် ဒှ်ဒၟံၚ်ဒတုဲရ။ ပ္ဍဲအခိၚ်အၚ်္ဂဇာတ် ကြံၚ်မ္ၚိုဟ်တေၚ်ကၠုၚ် ဟိုတ်နူတရဴသၟတ် မ္ဂးဂှ် ကုညးတရဴသၟတ်ရာန်သကိုတ်ဂှ် တၞဟ်နသ္ပအၚ်္ဂဇာတ် ဒှ်ဒၟံၚ်ဒတုဲရ။ ပ္ဍဲအခိၚ်အၚ်္ဂဇာတ် ကြံၚ်မ္ၚိုဟ်တေၚ်ကၠုၚ် ဟိုတ်နူကျာ မ္ဂးဂှ် ကုညးကျာရာန်သကိုတ်ဂှ် တၞဟ်နသ္ပအၚ်္ဂဇာတ် ဒှ်ဒၟံၚ်ဒတုဲရ။ ပ္ဍဲအခိၚ်အၚ်္ဂဇာတ် ကြံၚ်မ္ၚိုဟ်တေၚ်ကၠုၚ် ဟိုတ်နူစၟဥစ္စလိၚ်္ဂ ထပက်ထပူ မ္ဂးဂှ် ဟိုတ်နူစၟဥစ္စာလိၚ်္ဂထပက်ထပူ တၞဟ်နသ္ပအၚ်္ဂဇာတ် ဒှ်ဒၟံၚ်ဒတုဲရ။

239) တၞဟ်နပွမစာ်စ္ဍးနူယဲ မ္ဂးဂှ် ကြက်ဂွံဒှ် ဟွံမွဲကဵုယဲရ။ တၞဟ်နသွက်ဂွံဒှ်တသိုခ် မ္ဂးဂှ် ကြက်ကဵုကတဵုဒှ်သုခဝေဒနာ ပွမဒှ်တသိုခ်ရ။ တၞဟ်နသွက်ဂဥုဲ မ္ဂးဂှ် ကြက်ဒှ်ဂဥုဲရ။ တၞဟ်နသွက်ကဵုဒါန် မ္ဂးဂှ် ကြက်ကဵုဒါန်ရ။ တၞဟ်နသွက်ကုသိုလ်ထၟိက် မ္ဂးဂှ် ကြက်ဒှ်ကုသိုလ်ထၟိက်ရ။ တၞဟ်နသွက်ပူဇဴယဇ် မ္ဂးဂှ် ကြက်ပူဇဴယဇ်ရ။ တၞဟ်နသွက်ဍုၚ်သွဝ် မ္ဂးဂှ် ကြက်အာစိုပ်ဍုပ်သွဝ်ရ။ တၞဟ်နသွက်မဗဳဇ မ္ဂးဂှ် ကြက်ဒှ်မဗဳဇရ။ တၞဟ်နသွက်စမ်ၜတ် မ္ဂးဂှ် ကြက်ဒှ်ဒမျိုၚ်ရ၊ ကြက်ဒှ်သာ်မိတ်ရ၊ ကြက်ဒှ်သာ်ဗကေတ်ရ၊ ကြက်ဒှ်ဗုရ၊ ကြက်ဒှ်သာ်ဍာ်တက်ရ၊ ကြက်ဒှ်သာ်ဍာ်ရ၊ ကြက်ဒှ်သာ်ကၠေၚ်ရ၊ ကြက်ဒှ်သာ်ဍာ်တှ်ဂၠဴရ၊ ကြက်ဒှ်သာ်ဍာ်ထၟတ်ရ၊ ကြက်ဒှ်သာ်ကၠေၚ်သွဟ်ရ။ တၞဟ်နသွက် ဂြိုၚ်မိပ်ဝေၚ် မ္ဂးဂှ် မိက်ဂြိုၚ်ဝေၚ်မိပ်ဇြိပ်တုဲ။