-ပွံက်မာတိကာ−

ဟီုသ္ဂးဂုဏ်ရ မ္ဂးဂှ် ဟီုပတိုန်ဝစ္စမဂ် ပဿာဝမဂ်ဂမၠိုၚ်ၜါရ၊ ဟီုသ္ဂးဂုဏ်ရ၊ ထိုၚ်သးရ။ ဟီုသ္ဂးမသက္ကုဂုဏ် (ဂလာန်ဂရိုဟ်) ရ မ္ဂးဂှ် တ္ၜေဟ်လက်ဝစ္စမဂ် ပဿာဝမဂ်ဂမၠိုၚ်ၜါရ၊ ပျုတ်ဗ္ဒေက်ရ၊ ဟီုဂရိုဟ်ရ။ အာတ်ရ မ္ဂးဂှ် ကဵုကုအဲညိ၊ ထေက်ကဵုကဵုကုအဲရ ရဴဝွံ (သ္ဂးရ)။ အာတ်ထပ်ကဵုထပ်ရ မ္ဂးဂှ် မုရဴပ္ဍဲအခိၚ်ဝွံ မိအံက်တၠအဲ ကြက်လျုၚ်စိုတ်ဂှ်ရော? မုရဴ ပ္ဍဲအခိၚ်မွဲ မအံက်တၠအဲ ကြက်လျုၚ်စိုတ်ဂှ်ရော? မုရဴပ္ဍဲအခိၚ်မွဲ ဒေဝတဴတၠအဲဂမၠိုၚ် ကြက်လျုၚ်စိုတ်အိုတ်ဂှ်ရော? မုရဴပ္ဍဲအခိၚ်မွဲ ကြက်ဒှ်အခိၚ်ခိုဟ်အခါခိုဟ် အခေါၚ်ခိုဟ်ဂှ်ရော? မုရဴ ပ္ဍဲအခိၚ်မွဲ တၠအဲ ကြက်ကလိဂွံ ဒ္ဂေတ်မေထုန်တၠအဲဂှ်ရော? ရဴဝွံ (သ္ဂးရ)။ သၟာန်ရ မ္ဂးဂှ် တၠအဲ ပသာ်ကဵုတဴ ကုတြုံဇၞော်ဂှ်ရော? တၠအဲ ပသာ်ကဵုတဴ ကုတြုံသၟတ်ရော? ရဴဝွံ (သ္ဂးရ)။ ကလေၚ်သၟာန်ရ မ္ဂးဂှ် တၠအဲ ကဵုတဴကုတြုံဇၞော် ရဴဝွံဟာ၊ တၠအဲ ကဵုတဴကုတြုံသၟတ် ရဴဝွံဟာ ရဴဝွံ (သ္ဂးရ)။ ဟီုရ မ္ဂးဂှ် ဂပ်ဝ်သၟာန်ဒှ်တုဲ “ဩဝ်ကဵုရဴဝွံညိ၊ ဗြဴမကဵုရဴဝွံဂှ် တြုံတၠသ္ၚိ ကြက်သ္ဍိုက်ဆာန်သၞေံသၞဴဒးဂၞပ်ရ” ရဴဝွံ (သ္ဂးရ။ ဒၠောံဗတောန်ရ မ္ဂးဂှ် ဟီုဟွံသၟာန်ဂှ် “ဩဝ်ကဵုရဴဝွံညိ၊ ဗြဴမကဵုရဴဝွံဂှ် တြုံတၠသ္ၚိ ကြက်သ္ဍိုက်ဆာန်သၞေံသၞဴဒးဂၞပ်ရ” ရဴဝွံ (သ္ဂးရ)။ တ္ၜေဟ်လက်ရ မ္ဂးဂှ် ကုတၠအဲဂှ် ဟွံမွဲကဵုနိမိတ်ဗြဴရ၊ မၞုံအယာံမာတ်နိမိတ်ဗြဴဟေၚ်ရ၊ ဆီကျာဟွံဇွောဝ် ‘ဥတုဟွံကၠုၚ်’ ရ၊ ဆီကျာ်ဇွောဝ်တိတ်ဒၟံၚ်လၟိုန်ရ၊ မၞုံကဵုယာတ်ကသအ် ပြိုက်ချအ်ကၟာတ်လဝ်လၟိုန်ရ၊ ဆီပဿဴဇွောဝ်ဒၟံၚ်ရ၊ ဖျုန်ဂၠန်ဂၠိၚ်ရ၊ (မကေအ်ဂၠိၚ်ရ)၊ ဒှ်ဗြဴခမၞုဲရ၊ ဒှ်ဗြဴအယောၚ်အလာ တုပ်ညးတြုံရ၊ မဂ်ၜါစပ်ဒၟံၚ်ရ၊ ဒှ်ဥဘတောဗျဉ် ‘ညးလိၚ်နွံၜါ’ ရ ရဴဝွံ သ္ဂးရ။

286) မၞိဟ်ဗြဴလေဝ် ဒှ်ရ၊ သမ္တီထေၚ်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ရန်ကဵုဝစ္စမဂ် ပဿာဝမဂ်ဗြဴဂှ်တုဲ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး၊ အာတ်လေဝ် အာတ်မ္ဂး၊ ထပ်ကဵုထပ်လေဝ် အာတ်မ္ဂး၊ သၟာန်လေဝ်သၟာန်မ္ဂး၊ ကလေၚ်တုဲလေဝ် သၟာန်ပၠန်မ္ဂး၊ ဟီုလေဝ် ဟီုမ္ဂး၊ ဒၠောံဗတောန်လေဝ် ဒၠောံဗတောန်မ္ဂး၊ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်သံဃာဒိသေသ်ရ ။ ပ ။ မၞိဟ်ဗြဴဂမၠိုၚ်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုၚ်ၜါ သမ္တီထေၚ်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ရန်ကဵုဝစ္စမဂ် ပဿာဝမဂ် ဗြဴဂမၠိုၚ်ၜါဂှ်တုဲ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး ။ ပ ။ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်သံဃာဒိသေသ်ရ ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုၚ်သီုၜါ သမ္တီထေၚ်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ရန်ကဵုဝစ္စမဂ် ပဿာဝမဂ် ညးဂမၠိုၚ်ၜါဂှ်တုဲ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး ။ ပ ။ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်သံဃာဒိသေသ်ရ ကေုာံဒုက္ကဋ်ရ ။ ပ ။ မၞိဟ်ဗြဴလေဝ် ဒှ်ရ၊ သမ္တီထေၚ်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ပါဲကၠေံဝစ္စမဂ် ပဿာဝမဂ် ဗြဴဂမၠိုၚ်ၜါဂှ်တုဲ ရန်ကဵုသၟဝ်ဇုတ်ကၞၚ်ကအ်ၜါ လတူဗၞဳအဝဏ်တၚ်က္ၜံၚ်ၜါ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး ။ ပ ။ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်ထုလ္လစ္စယ်ရ ။ ပ ။ မၞိဟ်ဗြဴဂမၠိုၚ်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုၚ်ၜါ သမ္တီထေၚ်ကေတ်မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ပါဲကၠေံဝစ္စမဂ် ပဿာဝမဂ် ဗြဴဂမၠိုၚ်ၜါဂှ်တုဲ ရန်ကဵုသၟဝ်ဇုတ်ကၞၚ်ကအ်ၜါ လတူဗၞဳအဝဏ်တၚ်က္ၜံၚ်ၜါ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး ။ ပ ။ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်ထုလ္လစ္စယ် ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုၚ်သီုၜါ သမ္တီထေၚ်ကေတ်မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ပါဲကၠေံဝစ္စမဂ် ပဿာဝမဂ် ညးဂမၠိုၚ်ၜါဂှ်တုဲ ရန်ကဵုသၟဝ်ဇုတ်ကၞၚ်ကအ်ၜါ လတူဗၞဳအဝဏ်တၚ်က္ၜံၚ်ၜါတုဲ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး ။ ပ ။ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်ထုလ္လစ္စယ် ကေုာံဒုက္ကဋ်ရ ။ ပ ။ မၞိဟ်ဗြဴလေဝ် ဒှ်ရ၊ သမ္တီထေၚ်ကေတ် မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ရန်ကဵုသၟဝ်ဇုတ်ကၞၚ်ကအ်ၜါ လတူဗၞဳအဝဏ်တၚ်က္ၜံၚ်ၜါဗြဴဂှ်တုဲ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး ။ ပ ။ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်ဒုက္ကဋ်ရ ။ ပ ။ မၞိဟ်ဗြဴဂမၠိုၚ်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုၚ်ၜါ သမ္တီထေၚ်ကေတ်မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ရန်ကဵုသၟဝ်ဇုတ်ကၞၚ်ကအ်ၜါ လတူဗၞဳအဝဏ်တၚ်က္ၜံၚ်ၜါဗြဴဂမၠိုၚ်ၜါဂှ်တုဲ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး ။ ပ ။ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်ဒုက္ကဋ် ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုၚ်သီုၜါ သမ္တီထေၚ်ကေတ်မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ရန်ကဵုသၟဝ်ဇုတ်ကၞၚ်ကအ်ၜါ လတူဗၞဳအဝဏ်တၚ်က္ၜံၚ်ၜါတုဲ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး ။ ပ ။ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်ဒုက္ကဋ် ၜါလစုတ်ရ ။ ပ ။ မၞိဟ်ဗြဴဂမၠိုၚ်ၜါလေဝ် ဒှ်အိုတ်ရ၊ ပ္ဍဲမၞိဟ်ဗြဴဂမၠိုၚ်ၜါ သမ္တီထေၚ်ကေတ်မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ရန်ကဵုအရာဝတ္ထု မစပ်ကေုာံဇကုညးဂမၠိုၚ်ၜါဂှ်တုဲ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး ။ ပ ။ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်ဒုက္ကဋ် ၜါလစုတ်ရ ။ ပ ။ မၞိဟ်ဗြဴကီု ခမၞုဲကီု ဒှ်ရ၊ ပ္ဍဲညးဂမၠိုၚ်သီုၜါ သမ္တီထေၚ်ကေတ်မၞိဟ်ဗြဴတုဲ စိုတ်မထၞေန်စပ်လေဝ် နွံရ၊ ခမဳဂှ်လေဝ် ရန်ကဵုအရာဝတ္ထုမစပ်ကေုာံဇကုညးဂမၠိုၚ်ၜါဂှ်တုဲ ဂုဏ်ဂှ်လေဝ် သ္ဂးမ္ဂး၊ မသက္ကုဂုဏ် (ဂလာန်ဂရိုဟ်) လေဝ် သ္ဂးမ္ဂး ။ ပ ။ တ္ၜေဟ်လက်လေဝ် တ္ၜေဟ်လက်မ္ဂး ဒးအာပတ်ဒုက္ကဋ် ၜါလစုတ်ရ ။ ပ ။

287) ကုခမဳ မသ္ပတူရူကဵုအရထ ခမဳမသ္ပတူရူကဵုပါဠိ ခမဳမသ္ပတူရူကဵု ပွမဒၠောံဗတောန် ခမဳကြအ်ဥမ္မတ် ခမဳမကလိလောန်ကၠာတဲ ဟွံဒးအာပတ်ရ။