၃.၇။ ဝါရဒ္စါံ မပတမ်ပရိမာဏ
၁၈၁။ ခမဳဂမၠိုၚ်ၜါဇကု အာစိုပ်အာပတ်သံဃာဒိသေသ်အိုတ်ရ၊ ခမဳဂမၠိုၚ်ၜါဇကုဂှ် ပ္ဍဲအာပတ်သံဃာဒိသေသ်ဂှ် မၞုံကဵုကွေတ်ရဴဝွံမ္ဂး သံဃာဒိသေသ်အိုတ်ရ၊ ခမဳမွဲဇကုဂှ် ဂြောပ်ဗ္ဒန်လဝ်ရ၊ ခမဳမွဲဇကုဂှ် ဟွံဂြောပ်ဗ္ဒန်လဝ်ရ။ ကုခမဳမဂြောပ်ဗ္ဒန်လဝ်ဂှ် ဒးကဵုဟီုလၟိၚ်ဒေသနာအာပတ်ဒုက္ကဋ်ရ၊ ကုခမဳမဂြောပ်ဗ္ဒန်လဝ်ဂှ် ဟိုတ်နူအာပတ်သံဃာဒိသေသ် အတိုၚ်မဂပ်ဝ်ဂြောပ်ဗ္ဒန်လဝ် ကဵုပြဝးတုဲ ပ္ဍဲကြဴ ကုခမဳဂမၠိုၚ်ၜါဇကုလေဝ် ဒးကဵုမာနတ်ရ။ (၁)
ခမဳဂမၠိုၚ်ၜါဇကု အာစိုပ်အာပတ်သံဃာဒိသေသ်အိုတ်ရ၊ ခမဳဂမၠိုၚ်ၜါဇကုဂှ် ပ္ဍဲအာပတ်သံဃာဒိသေသ်ဂှ် မၞုံကဵုသၠေဟ်ပၟာအိုတ်ရ၊ ခမဳမွဲဇကုဂှ် ဂြောပ်ဗ္ဒန်လဝ်ရ၊ ခမဳမွဲဇကုဂှ် ဟွံဂြောပ်ဗ္ဒန်လဝ်ရ။ ကုခမဳမဂြောပ်ဗ္ဒန်လဝ်ဂှ် ဒးကဵုဟီုလၟိၚ်ဒေသနာအာပတ်ဒုက္ကဋ်ရ၊ ကုခမဳမဂြောပ်ဗ္ဒန်လဝ်ဂှ် ဟိုတ်နူအာပတ်သံဃာဒိသေသ် အတိုၚ်မဂပ်ဝ်ဂြောပ်ဗ္ဒန်လဝ် ကဵုပြဝးတုဲ ပ္ဍဲကြဴ ကုခမဳဂမၠိုၚ်ၜါဇကုလေဝ် ဒးကဵုမာနတ်ရ။ (၂)
ခမဳဂမၠိုၚ်ၜါဇကု အာစိုပ်အာပတ်သံဃာဒိသေသ်အိုတ်ရ၊ ခမဳဂမၠိုၚ်ၜါဇကုဂှ် ပ္ဍဲအာပတ်သံဃာဒိသေသ်ဂှ် မၞုံကဵုကွေရဴဝွံမ္ဂး နှဴရဴ (ကေုာံလဟုကအာပတ်) အိုတ်ရ၊ ခမဳမွဲဇကုဂှ် ဂြောပ်ဗ္ဒန်လဝ်ရ၊ ခမဳမွဲဇကုဂှ် ဟွံဂြောပ်ဗ္ဒန်လဝ်ရ။ ကုခမဳမဂြောပ်ဗ္ဒန်လဝ်ဂှ် ဒးကဵုဟီုလၟိၚ်ဒေသနာအာပတ်ဒုက္ကဋ်ရ၊ ကုခမဳမဂြောပ်ဗ္ဒန်လဝ်ဂှ် ဟိုတ်နူအာပတ်သံဃာဒိသေသ် အတိုၚ်မဂပ်ဝ်ဂြောပ်ဗ္ဒန်လဝ် ကဵုပြဝးတုဲ ပ္ဍဲကြဴ ကုခမဳဂမၠိုၚ်ၜါဇကုလေဝ် ဒးကဵုမာနတ်ရ။ (၃)
ခမဳဂမၠိုၚ်ၜါဇကု အာစိုပ်အာပတ်မနှဴဴရဴ (ဗွဲအစောံဂရုကလဟုက) အိုတ်ရ၊ ခမဳဂမၠိုၚ်ၜါဇကုဂှ် ပ္ဍဲအာပတ်မနှဴရဴဂှ် မၞုံကဵုကွေတ်ရဴဝွံမ္ဂး သံဃာဒိသေသ်အိုတ်ရ၊ ခမဳမွဲဇကုဂှ် ဂြောပ်ဗ္ဒန်လဝ်ရ၊ ခမဳမွဲဇကုဂှ် ဟွံဂြောပ်ဗ္ဒန်လဝ်ရ။ ကုခမဳမဂြောပ်ဗ္ဒန်လဝ်ဂှ် ဒးကဵုဟီုလၟိၚ်ဒေသနာအာပတ်ဒုက္ကဋ်ရ၊ ကုခမဳမဂြောပ်ဗ္ဒန်လဝ်ဂှ် ဟိုတ်နူအာပတ်သံဃာဒိသေသ် အတိုၚ်မဂပ်ဝ်ဂြောပ်ဗ္ဒန်လဝ် ကဵုပြဝးတုဲ ပ္ဍဲကြဴ ကုခမဳဂမၠိုၚ်ၜါဇကုလေဝ် ဒးကဵုမာနတ်ရ။ (၄)
ခမဳဂမၠိုၚ်ၜါဇကု အာစိုပ်အာပတ်မနှဴဴရဴ (ဗွဲအစောံဂရုကလဟုက) အိုတ်ရ၊ ခမဳဂမၠိုၚ်ၜါဇကုဂှ် ပ္ဍဲအာပတ်မနှဴရဴဂှ် မၞုံကဵုကွေတ်ရဴဝွံမ္ဂး နှဴရဴအိုတ်ရ၊ ခမဳမွဲဇကုဂှ် ဂြောပ်ဗ္ဒန်လဝ်ရ၊ ခမဳမွဲဇကုဂှ် ဟွံဂြောပ်ဗ္ဒန်လဝ်ရ။ ကုခမဳမဂြောပ်ဗ္ဒန်လဝ်ဂှ် ဒးကဵုဟီုလၟိၚ်ဒေသနာအာပတ်ဒုက္ကဋ်ရ၊ ကုခမဳမဂြောပ်ဗ္ဒန်လဝ်ဂှ် ဟိုတ်နူအာပတ်သံဃာဒိသေသ် အတိုၚ်မဂပ်ဝ်ဂြောပ်ဗ္ဒန်လဝ် ကဵုပြဝးတုဲ ပ္ဍဲကြဴ ကုခမဳဂမၠိုၚ်ၜါဇကုလေဝ် ဒးကဵုမာနတ်ရ။ (၅)
ခမဳဂမၠိုၚ်ၜါဇကုဂှ် အာစိုပ်လဟုက အာပတ်သက်သက်အိုတ်ရ၊ ခမဳဂမၠိုၚ်ၜါဇကုဂှ် ပ္ဍဲလဟုကအာပတ်သက်သက်ဂှ် မၞုံကဵုကွေတ်ရဴဝွံမ္ဂး သံဃာဒိသေသ်အိုတ်ရ၊ ခမဳမွဲဇကုဂှ် ဂြောပ်ဗ္ဒန်လဝ်ရ၊ ခမဳမွဲဇကုဂှ် ဟွံဂြောပ်ဗ္ဒန်လဝ်ရ။ ကုခမဳမဂြောပ်ဗ္ဒန်လဝ်ဂှ် ဒးကဵုဟီုလၟိၚ်ဒေသနာ အာပတ်ဒုက္ကဋ်ရ၊ ကုခမဳဂမၠိုၚ်ၜါဇကုလေဝ် ဒးကဵုသ္ပဗွဲမဗဗွဲကဵုအာပတ်ရ။ (၆)
ခမဳဂမၠိုၚ်ၜါဇကုဂှ် အာစိုပ်လဟုက အာပတ်သက်သက်အိုတ်ရ၊ ခမဳဂမၠိုၚ်ၜါဇကုဂှ် ပ္ဍဲလဟုကအာပတ်သက်သက်ဂှ် မၞုံကဵုကွေတ်ရဴဝွံမ္ဂး လဟုကအာပတ်သက်သက်အိုတ်ရ၊ ခမဳမွဲဇကုဂှ် ဂြောပ်ဗ္ဒန်လဝ်ရ၊ ခမဳမွဲဇကုဂှ် ဟွံဂြောပ်ဗ္ဒန်လဝ်ရ။ ကုခမဳမဂြောပ်ဗ္ဒန်လဝ်ဂှ် ဒးကဵုဟီုလၟိၚ်ဒေသနာ အာပတ်ဒုက္ကဋ်ရ၊ ကုခမဳဂမၠိုၚ်ၜါဇကုလေဝ် ဒးကဵုသ္ပဗွဲမဗဗွဲကဵုအာပတ်ရ။ (၇)
ခမဳဂမၠိုၚ်ၜါဇကုဂှ် အာစိုပ်လဟုက အာပတ်သက်သက်အိုတ်ရ၊ ခမဳဂမၠိုၚ်ၜါဇကုဂှ် ပ္ဍဲအာပတ်သံဃာဒိသေသ်ဂှ် မၞုံကဵုကွေတ်ရဴဝွံမ္ဂး သံဃာဒိသေသ်အိုတ်ရ၊ ခမဳမွဲဇကုဂှ် “ကြက်ဟီုလၟိၚ်ဒေသနာရ” ရဴဝွံ ကသပ်ဒှ်ရ၊ ခမဳမွဲဇကုဂှ် “ကြက်ဟွံဟီုလၟိၚ်ဒေသနာရ” ရဴဝွံကသပ်ဒှ်ရ၊ ခမဳဂှ် လုကဴပဌမပယာမ်လေဝ် ဂြောပ်ဗ္ဒန်လဝ်ရ၊ ခမဳဂှ် လုကဴဒုတိယပယာမ်လေဝ် ဂြောပ်ဗ္ဒန်လဝ်ရ၊ ခမဳဂှ် လုကဴတတိယပယာမ်လေဝ် ဂြောပ်ဗ္ဒန်လဝ်ရ၊ အရှိုဏ်တိုန်မ္ဂး အာပတ်ဂှ် ဂပ်ဝ်ဂြောပ်ဗ္ဒန်လဝ်တုဲဒှ်ရ၊ ကုခမဳမဂြောပ်ဗ္ဒန်လဝ်ဂှ် ဒးကဵုဟီုလၟိၚ်ဒေသနာ အာပတ်ဒုက္ကဋ်ရ၊ ကုခမဳမဂြောပ်ဗ္ဒန်လဝ်ဂှ် ဟိုတ်နူအာပတ်သံဃာဒိသေသ် အတိုၚ်မဂပ်ဝ်ဂြောပ်ဗ္ဒန်လဝ် ကဵုပြဝးတုဲ ပ္ဍဲကြဴ ကုခမဳဂမၠိုၚ်ၜါဇကုလေဝ် ဒးကဵုမာနတ်ရ။ (၈)
ခမဳဂမၠိုၚ်ၜါဇကုဂှ် အာစိုပ်လဟုက အာပတ်သက်သက်အိုတ်ရ၊ ခမဳဂမၠိုၚ်ၜါဇကုဂှ် ပ္ဍဲအာပတ်သံဃာဒိသေသ်ဂှ် မၞုံကဵုကွေတ်ရဴဝွံမ္ဂး သံဃာဒိသေသ်အိုတ်ရ၊ ခမဳဂမၠိုၚ်ၜါဇကုဂှ် “ကြက်ဟီုလၟိၚ်ဒေသနာရ” ရဴဝွံ ပၠုပ်စိုတ်တုဲ အာအိုတ်ရ၊ ခမဳမွဲဇကုဂှ် “ကြက်ဟွံဟီုလၟိၚ်ဒေသနာရ” ရဴဝွံ သဘဴမပွမဇိုတ်ပိုတ် ကတဵုဒှ်ရ၊ ခမဳဂှ် လုကဴပဌမပယာမ်လေဝ် ဂြောပ်ဗ္ဒန်လဝ်ရ၊ ခမဳဂှ် လုကဴဒုတိယပယာမ်လေဝ် ဂြောပ်ဗ္ဒန်လဝ်ရ၊ ခမဳဂှ် လုကဴတတိယပယာမ်လေဝ် ဂြောပ်ဗ္ဒန်လဝ်ရ၊ အရှိုဏ်တိုန်မ္ဂး အာပတ်ဂှ် ဂပ်ဝ်ဂြောပ်ဗ္ဒန်လဝ်တုဲဒှ်ရ၊ ကုခမဳမဂြောပ်ဗ္ဒန်လဝ်ဂှ် ဒးကဵုဟီုလၟိၚ်ဒေသနာ အာပတ်ဒုက္ကဋ်ရ၊ ကုခမဳမဂြောပ်ဗ္ဒန်လဝ်ဂှ် ဟိုတ်နူအာပတ်သံဃာဒိသေသ် အတိုၚ်မဂပ်ဝ်ဂြောပ်ဗ္ဒန်လဝ် ကဵုပြဝးတုဲ ပ္ဍဲကြဴ ကုခမဳဂမၠိုၚ်ၜါဇကုလေဝ် ဒးကဵုမာနတ်ရ။ (၉)
ခမဳဂမၠိုၚ်ၜါဇကု အာစိုပ်အာပတ်သံဃာဒိသေသ်အိုတ်ရ၊ ခမဳဂမၠိုၚ်ၜါဇကုဂှ် ပ္ဍဲအာပတ်သံဃာဒိသေသ်ဂှ် မၞုံကဵုကွေတ်ရဴဝွံမ္ဂး သံဃာဒိသေသ်အိုတ်ရ၊ ခမဳဂမၠိုၚ်ၜါဇကုဂှ် ဒှ်ညးကြအ်ယှောတ်အိုတ်ရ၊ ခမဳဂမၠိုၚ်ၜါဇကုဂှ် ပ္ဍဲကာလကြဴ ကြအ်ဗၠးအားအိုတ်တုဲ ခမဳမွဲဇကုဂှ် ဂြောပ်ဗ္ဒန်လဝ်ရ၊ ခမဳမွဲဇကုဂှ် ဟွံဂြောပ်ဗ္ဒန်လဝ်ရ။ ကုခမဳမဂြောပ်ဗ္ဒန်လဝ်ဂှ် ဒးကဵုဟီုလၟိၚ်ဒေသနာ အာပတ်ဒုက္ကဋ်ရ၊ ကုခမဳမဂြောပ်ဗ္ဒန်လဝ်ဂှ် ဟိုတ်နူအာပတ်သံဃာဒိသေသ် အတိုၚ်မဂပ်ဝ်ဂြောပ်ဗ္ဒန်လဝ် ကဵုပြဝးတုဲ ပ္ဍဲကြဴ ကုခမဳဂမၠိုၚ်ၜါဇကုလေဝ် ဒးကဵုမာနတ်ရ။ (၁၀)
ခမဳဂမၠိုၚ်ၜါဇကု အာစိုပ်အာပတ်သံဃာဒိသေသ်အိုတ်ရ၊ ခမဳဂမၠိုၚ်ၜါဇကုဂှ် ဃောစၞောန်ထ္ၜပါတိမုက်―
“ဓရ်ဝွံလေဝ် ကၠုၚ်ပ္ဍဲပါတိမုက်ရဂး၊ လုပ်လၟိဟ်ပ္ဍဲပါတိမုက်ရဂး၊ ဇၟာပ်ဇၟာပ်လပါ်ဂိတု ကၠုၚ်စိုပ်ပွးမစၞောန်ထ္ၜးရဂး” ရဴဝွံ ပ္ဍဲအခိၚ်လၟုဟ်ဟေၚ် ပိုဲညးဂမၠိုၚ် ဗွဲစၟတ် ဂွံတီကေတ်အိုတ်ရ ရဴဝွံ ဟီုသ္ဂးအိုတ်ရ။
ခမဳဂမၠိုၚ်ဂှ် ပ္ဍဲအာပတ်သံဃာဒိသေသ်ဂှ် မၞုံကဵုကွေတ်ရဴဝွံမ္ဂးသံဃာဒိသေသ်အိုတ်ရ၊ ခမဳမွဲဇကုဂှ် ဂြောပ်ဗ္ဒန်လဝ်ရ၊ ခမဳမွဲဇကုဂှ် ဟွံဂြောပ်ဗ္ဒန်လဝ်ရ။ ကုခမဳ မဂြောပ်ဗ္ဒန်လဝ်ဂှ် ဒးကဵုဟီုလၟိၚ်ဒေသနာ အာပတ်ဒုက္ကဋ်ရ၊ ကုခမဳမဂြောပ်ဗ္ဒန်လဝ်ဂှ် ဟိုတ်နူအာပတ်သံဃာဒိသေသ် အတိုၚ်မဂပ်ဝ်ဂြောပ်ဗ္ဒန်လဝ် ကဵုပြဝးတုဲ ပ္ဍဲကြဴ ကုခမဳဂမၠိုၚ်ၜါဇကုလေဝ် ဒးကဵုမာနတ်ရ။ (၁၁)
❀ဝါရခမဳဂမၠိုၚ်ၜါဇကု စှ်မွဲဂကူတုဲရ။❀
