၃.၁.၁၈။ မပတမ်ပွမတံၚ်ဓဇက်တမ် ဃောဒ္ဂေတ်မာနတ်
၁၃၁။ ဒ္ဂေတ်မာနတ်တုဲဒှ်တုဲ ဥဒါယဳဂှ် မထေက်ကဵုကော်ပၠုပ်အဗ္ဘာန်ဂှ် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မသုန်တ္ၚဲရ၊ ဥဒါယဳဂှ်―
“ယွံကောန်တၠတအ် အဲဍိက် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မသုန်တ္ၚဲရ ။ ပ ။ ဒ္ဂေတ်မာနတ်တုဲဒှ်တုဲ အဲဍိက် မထေက်ကဵုကော်ပၠုပ်အဗ္ဘာန်ဂှ် ပ္ဍဲအပ္ဍဲဝတ် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မသုန်တ္ၚဲရ၊ အဲဍိက် ပသာ်ဒးဒ္ဂေတ်သ္ပဏီရော?” ရဴဝွံ ဟီုသ္ဂးလဴဗ္စ ကုခမဳဂမၠိုၚ်ရ။
ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဒှ်သာ်ဂှ်မ္ဂး ပ္ဍဲအပ္ဍဲဝတ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ် မသုန်တ္ၚဲ သၚ် တံၚ်ဓဇက်တမ် ခမဳဥဒါယဳတုဲ ကဵုပြဝးပံၚ်ပကောံအာပတ်ကၠာတုဲ ပဒတဴတုဲ ဩဝ်ကဵုမာနတ် (မဒးဒ္ဂေတ်) လုကဴတြဴဗတမ်ညိ။
ယွံခမဳတအ် ရဴဝွံ ဒးတံၚ်ဓဇက်တမ်ရ ။ ပ ။ ယွံခမဳတအ် ရဴဝွံ ဒးကဵုပြဝး ပံၚ်ပကောံကေုာံအာပတ်ကၠာတုဲပဒတဴရ ။ ပ ။ ယွံခမဳတအ် ရဴဝွံ ဒးကဵုမာနတ် (မဒးဒ္ဂေတ်) လုကဴတြဴဗတမ်ရ ။ ပ ။ ကဵုရ ။ ပ ။ သၚ် ဂပ်ဝ်ကဵုမာနတ် (မဒးဒ္ဂေတ်) လုကဴတြဴဗတမ် ပ္ဍဲအပ္ဍဲဝတ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မသုန်တ္ၚဲ ကုခမဳဥဒါယဳတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြ ရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
