၃.၁.၁၀။ ပွမတံၚ်ဓဇက်တမ် ဃောဒ္ဂတ်မာနတ်
၁၁၆။ ဥဒါယဳဂှ် ပ္ဍဲအပ္ဍဲဃောဒ္ဂေတ်မာနတ် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဟဂပ်ဝ်ဂြောပ်ဗ္ဒန်လဝ်ရ၊ ဥဒါယဳဂှ်―
“ယွံကောန်တၠတအ် အဲဍိက် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မသုန်တ္ၚဲရ ။ ပ ။ အဲဍိက်ဂှ် ပ္ဍဲအပ္ဍဲဃောဒ္ဂေတ်မာနတ် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဟဂပ်ဝ်ဂြောပ်ဗ္ဒန်လဝ်ရ၊ အဲဍိက် ပသာ်ဒးဒ္ဂေတ်သ္ပဏီရော?” ရဴဝွံ ဟီုသ္ဂးလဴဗ္စ ကုခမဳဂမၠိုၚ်ရ။
ဂရၚ်ပတီ ဟိုတ်ပရူပရာဝွံ ကုတဳလမၞုံပိုဉ်ကျာ်တြဲအိုတ်ရ။ ယွံခမဳတအ် ဒှ်သာ်ဂှ်မ္ဂး ပ္ဍဲအပ္ဍဲဝတ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သိုက် မဟဂပ်ဝ်ဂြောပ်ဗ္ဒန်လဝ် သၚ် တံၚ်ဓဇက်တမ် ခမဳဥဒါယဳတုဲ ဩဝ်ကဵုမာနတ် (မဒးဒ္ဂေတ်) လုကဴတြဴဗတမ်ညိ။
ယွံခမဳတအ် ရဴဝွံ ဒးတံၚ်ဓဇက်တမ်ရ။
ယွံခမဳတအ် ခမဳဥဒါယဳဂှ် ပြာပ်အာဇရေၚ်သၚ်တုဲ ။ ပ ။
“ယွံတဳလပိုဉ်တအ် အဲဍိက် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မသုန်တ္ၚဲရ ။ ပ ။ အဲဍိက်ဂှ် ပ္ဍဲအပ္ဍဲဃောဒ္ဂေတ်မာနတ် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဟဂပ်ဝ်ဂြောပ်ဗ္ဒန်လဝ်ရ ယွံတဳလပိုဉ်တအ် အဲဍိက်ဂှ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဟဂပ်ဝ်ဂြောပ်ဗ္ဒန်လဝ် အာတ်သၚ် ပွမတံၚ်ဓဇက်တမ်ရ” ရဴဝွံ (ဒးဟီုသ္ဂးရ)။
မရနုက်ကဵုၜါဝါလေဝ် ဒးအာတ်ရ၊ မရနုက်ကဵုပိဝါလေဝ် ဒအာတ်ရ။ ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ―
၁၁၇။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဥဒါယဳဝွံ ။ ပ ။ အာတ် ပွမတံၚ်ဓဇက်တမ်ရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ ပ္ဍဲအပ္ဍဲဝတ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဟဂပ်ဝ်ဂြောပ်ဗ္ဒန်လဝ် သၚ်တံၚ်ဓဇက်တမ် ခမဳဥဒါယဳရ၊ ဣဝွံတုန် ပွမကဵုတီရောၚ် ။ ပ ။
သၚ် ဂပ်ဝ်တံၚ်ဓဇက်တမ် ပ္ဍဲအပ္ဍဲဝတ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဟဂပ်ဝ်ဂြောပ်ဗ္ဒန်လဝ် ခမဳဥဒါယဳတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
ယွံခမဳတအ် ရဴဝွံ ဒးကဵုမာနတ် (မဒးဒ္ဂေတ်) လုကဴတြဴဗတမ်ရ။ ယွံခမဳတအ် ခမဳဥဒါယဳဂှ် ။ ပ ။ “ယွံတဳလပိုဉ်တအ် အဲဍိက် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဂပ်ဝ်ဂြောပ်ဗ္ဒန်လဝ်မသုန်တ္ၚဲရ ။ ပ ။ အဲဍိက်ဂှ် ပ္ဍဲအပ္ဍဲဃောဒ္ဂေတ်မာနတ် အာစိုပ်အာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဟဂပ်ဝ်ဂြောပ်ဗ္ဒန်လဝ်ရ၊ အဲဍိက်ဂှ် ပ္ဍဲအပ္ဍဲဝတ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဟဂပ်ဝ်ဂြောပ်ဗ္ဒန်လဝ် အာတ်သၚ် ပွမတံၚ်ဓဇက်တမ်ရ၊ သၚ် တံၚ်ဓဇက်တမ် ပ္ဍဲအပ္ဍဲဝတ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဟဂပ်ဝ်ဂြောပ်ဗ္ဒန်လဝ် ကုအဲဍိက်ဂှ်ရ၊ ယွံတဳလပိုဉ်တအ် အဲဍိက်ဂှ် ပ္ဍဲအပ္ဍဲဝတ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဟဂပ်ဝ်ဂြောပ်ဗ္ဒန်လဝ် အာတ်သၚ် မာနတ် (မဒးဒ္ဂေတ်) လုကဴတြဴဗတမ်ရ” ရဴဝွံ ဒးဟီုသ္ဂးရ။
မရနုက်ကဵုၜါဝါလေဝ် ဒးအာတ်ရ၊ မရနုက်ကဵုပိဝါလေဝ် ဒးအာတ်ရ။ ခမဳ စဳကၠးဆိုက်ဗ္ဒက်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ―
“ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ခမဳဥဒါယဳဝွံ ။ ပ ။ အာတ်သၚ် မာနတ် (မဒးဒ္ဂေတ်) လုကဴတြဴဗတမ်ရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး၊ သၚ် ကဵုမာနတ် (မဒးဒ္ဂေတ်) လုကဴတြဴဗတမ် ပ္ဍဲအပ္ဍဲဝတ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဟဂပ်ဝ်ဂြောပ်ဗ္ဒန်လဝ် ကုခမဳဥဒါယဳရ၊ ဣဝွံတုန် ပွမကဵုတီရောၚ် ။ ပ ။
သၚ် ဂပ်ဝ်ကဵုမာနတ် (မဒးဒ္ဂေတ်) လုကဴတြဴဗတမ် ပ္ဍဲအပ္ဍဲဝတ် ဟိုတ်နူအာပတ်မွဲ သ္ပလွဳပရာနစေတနာတုဲ ပတိတ်ဍာ်သုက် မဟဂပ်ဝ်ဂြောပ်ဗ္ဒန်လဝ်မွဲ ကုခမဳဥဒါယဳတုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
