၁.၇။ ဥက္ခေပနဳယကမ် မဂပ်ဝ်သ်ပ ဟိုတ်ပွမဟွံသၠးကၠေံကွေတ်မယုတ်မာ
၆၅။ ပ္ဍဲအခိၚ်တဳလမၞုံပိုဉ်ကျာ်တြဲ မပတၠပိုဉ်တြဴပြကာ သ္ပဒတဴတန်ဒၟံၚ် ပ္ဍဲဘာဇေတဝန် မဒှ်အရှာမ်ဘာအနာထပိဏ္ဍိကသေဌဳ ဇရေၚ်ဍုၚ်သာရဝှ်ဂှ် ကုခမဳမၞုံယၟုအရိဋ္ဌ မကေၚ်ဒှ် ပ္ဍဲဂကူဂစိုတ်ကၟာတ်ဂှ် “ဓရ်ဂမၠိုၚ် တဳလမၞုံပိုဉ်ကျာ်တြဲ မတွံလဝ်ရဴဝွံမ္ဂး လေပ်သ္ပကဵုအန္တရာယ် (ၛာန်မဂ်ဖိုလ်) အိုတ်ဂှ် အတိုၚ်တွံလဝ်ဂှ် အဲတီကေတ်ရ၊ ဓရ်ဂမၠိုၚ်ဂှ် ဟွံသၟဟ်အစောမ် တၞဟ်နသ္ပကဵုအန္တရာယ် (ၛာန်မဂ်ဖိုလ်) ကုညးသိပ်ဂၠိပ်ရ” ရဴဝွံ ကွေတ်မိစ္ဆာမယုတ်မာ ကတဵုဒှ်ကၠုၚ်ရ။
ခမဳဂမၠိုၚ်မဂၠိုၚ်ဂၠၚ်ဂှ် “ဓရ်ဂမၠိုၚ် တဳလမၞုံပိုဉ်ကျာ်တြဲ မတွံလဝ်ရဴဝွံမ္ဂး လေပ်သ္ပကဵု အန္တရာယ် (ၛာန်မဂ်ဖိုလ်) အိုတ်ဂှ် အတိုၚ်တွံလဝ်ဂှ် အဲတီကေတ်ရ၊ ဓရ်ဂမၠိုၚ်ဂှ် ဟွံသၟဟ်အစောမ်တၞဟ်နသ္ပကဵုအန္တရာယ် (ၛာန်မဂ်ဖိုလ်) ကုညးသိပ်ဂၠိပ်ရ” ရဴဝွံ ကွေတ်မိစ္ဆာမယုတ်မာ ကတဵုဒှ်ကၠုၚ် ကုခမဳမၞုံယၟုအရိဋ္ဌ မကေၚ်ဒှ်ပ္ဍဲဂကူဂစိုတ်ကၟာတ်ရဂှ် သ္ဂောံမိၚ်ကေတ်အိုတ်ရ။ ပ္ဍဲအခိၚ်ဂှ် ခမဳဂမၠိုၚ်ဂှ် ပြာပ်အာဇရေၚ်ခမဳမၞုံယၟုအရိဋ္ဌ မကေၚ်ဒှ်လဝ်ဂကူဂစိုတ်ကၟာတ်တုဲမ္ဂး “ယွံကောန်တၠအရိဋ္ဌ ကွေတ်မိစ္ဆာမယုတ်မာ ကတဵုဒှ်ကၠုၚ် ကုတၠအဲ ရဴဝွံမ္ဂး ‘ဓရ်ဂမၠိုၚ် တဳလမၞုံပိုဉ်ကျာ်တြဲ မတွံလဝ်ရဴဝွံမ္ဂး လေပ်သ္ပကဵုအန္တရာယ် (ၛာန်မဂ်ဖိုလ်) အိုတ်ဂှ် အတိုၚ်တွံလဝ်ဂှ် အဲတီကေတ်ရ၊ ဓရ်ဂမၠိုၚ်ဂှ် ဟွံသၟဟ်အစောမ် တၞဟ်နသ္ပကဵုအန္တရာယ် (ၛာန်မဂ်ဖိုလ်) ကုညးသိပ်ဂၠိပ်ရ’ ဂှ် ဍာံပြဒၟံၚ်ဟာ” ရဴဝွံ သၟာန်တဴ ခမဳမၞုံယၟုအရိဋ္ဌ မကေၚ်ဒှ်ဂကူဂစိုတ်ကၟာတ်အိုတ်ရ။
ယွံကောန်တၠတအ် အတိုၚ်မိၚ်လဝ်ဂှ် ဍာံပြရ၊ “ဓရ်ဂမၠိုၚ် တဳလမၞုံပိုဉ်ကျာ်တြဲ မတွံလဝ်ရဴဝွံမ္ဂး လေပ်သ္ပကဵုအန္တရာယ် (ၛာန်မဂ်ဖိုလ်) အိုတ်ဂှ် အတိုၚ်တွံလဝ်ဂှ် အဲတီကေတ်ရ၊ ဓရ်ဂမၠိုၚ်ဂှ် ဟွံသၟဟ်အစောမ် တၞဟ်နသ္ပကဵုအန္တရာယ် (ၛာန်မဂ်ဖိုလ်) ကုညးသိပ်ဂၠိပ်ရ” ရဴဝွံ (ဟီုသ္ဂးရ)။ ယွံကောန်တၠအရိဋ္ဌ လ္ပဟီုရဴဝွံညိ၊ လ္ပစောတ်စောဲ တဳလမၞုံပိုဉ်ကျာ်တြဲညိ၊ ပွမစောတ်စောဲ တဳလမၞုံပိုဉ်ကျာ်တြဲဂှ် ဟွံဆာဲသန်ရ၊ တဳလမၞုံပိုဉ်ကျာ်တြဲ ဟွံတွံရဴဝွံရ၊ ယွံကောန်တၠ အရိဋ္ဌ နကဵုဟိုတ်မဂၠိုၚ်ဂၠၚ် တဳလမၞုံပိုဉ်ကျာ်တြဲဂှ် ဓရ်မလေပ်သ္ပကဵုအန္တရာယ် (ၛာန်မဂ်ဖိုလ်) ဂမၠိုၚ်ဂှ် လေပ်သ္ပကဵုအန္တရာယ် (ၛာန်မဂ်ဖိုလ်) အိုတ်ရ ရဴဝွံ တွံလဝ်ရ၊ ဓရ်ဂမၠိုၚ်ဂှ် သၟဟ်အစောံ တၞဟ်နသ္ပကဵုအန္တရာယ် (ၛာန်မဂ်ဖိုလ်) ကုညးသိပ်ဂၠိပ်ဟေၚ်ရ။
ကာမဂုဏ်ဂမၠိုၚ် အရာသာယျေန်အောန်အိုတ်ရ၊ ဒဒိုခ်ဂၠိုၚ်အိုတ်ရ၊ ပွမဂွိၚ်စံၚ်တူဂၠိုၚ်အိုတ်ရ၊ ပ္ဍဲကာမဂုဏ်ဂမၠိုၚ်ဝွံ ဒုဟ်ဂၠိုၚ်ဂၠၚ်ရ ရဴဝွံ တဳလမၞုံပိုဉ်ကျာ်တြဲ တွံလဝ်ရ။ ကာမဂုဏ်ဂမၠိုၚ် တုပ်သၟဟ်ကဵုဇုတ်ဟၟဲကဵုဖျုန်အိုတ်ရ ရဴဝွံကီု တုပ်သၟဟ်ကဵုဖျုန်ကဠောံအိုတ်ရ ရဴဝွံကီု တုပ်သၟဟ်ကဵုပၟတ်မိန်ဩောချောဲအိုတ်ရ ရဴဝွံကီု တုပ်သၟဟ်ကဵုကတိုၚ်လ္ၚပၟတ်အိုတ်ရ ရဴဝွံကီု တုပ်သၟဟ်ကဵုလပအ်ညာတ်အိုတ်ရ ရဴဝွံကီု တုပ်သၟဟ်ကဵုဂြပ်ဂလေံအိုတ်ရ ရဴဝွံကီု တုပ်သၟဟ်ကဵုတၞံဆုမၞုံကဵုသတ်အိုတ်ရ ရဴဝွံကီု တုပ်သၟဟ်ကဵုဒနန်အိုတ်ရ ရဴဝွံကီု တုပ်သၟဟ်ကဵုဗၞုဟ်စရံၚ်အိုတ်ရ ရဴဝွံကီု တုပ်သၟဟ်ကဵုက္ဍိုပ်ဇြုံအိုတ်ရ ရဴဝွံကီု တဳလမၞုံပိုဉ်ကျာ်တြဲ တွံလဝ်ရ။ ကာမဂုဏ်ဂမၠိုၚ် အရာသာယျေန်အောန်အိုတ်ရ၊ ဒဒိုခ်ဂၠိုၚ်အိုတ်ရ၊ ပွမဂွိၚ်စံၚ်တူဂၠိုၚ်အိုတ်ရ၊ ပ္ဍဲကာမဂုဏ်ဂမၠိုၚ်ဝွံ ဒုဟ်ဂၠိုၚ်ဂၠၚ်ရ ရဴဝွံ တဳလမၞုံပိုဉ်ကျာ်တြဲ တွံလဝ်ရ ရဴဝွံ (ဟီုသ္ဂးအိုတ်ရ)။
ခမဳအရိဋ္ဌ မကေၚ်ဒှ်ဂကူဂစိုတ်ကၟာတ်ဂှ် ၜိုန်ခမဳဂမၠိုၚ်ဂှ် ဟီုသ္ဂးရဴဝွံလေဝ် “ယွံကောန်တၠတအ် အတိုၚ်မိၚ်လဝ်ဂှ် ဍာံပြရ၊ ဓရ်ဂမၠိုၚ်တဳလမၞုံပိုဉ်ကျာ်တြဲ မတွံလဝ်ရဴဝွံမ္ဂး လေပ်သ္ပကဵုအန္တရာယ် (ၛာန်မဂ်ဖိုလ်) အိုတ်ဂှ် အတိုၚ်တွံလဝ်ဂှ် အဲတီကေတ်ရ၊ ဓရ်ဂမၠိုၚ်ဂှ် တၞဟ်နသ္ပကဵုအန္တရာယ် (ၛာန်မဂ်ဖိုလ်) ကုညးသိပ်ဂၠိပ်ဂှ် ဟွံသၟဟ်အစောံရ” ရဴဝွံ တုပ်သၟဟ်ကိုပ်ကၠာတေံဟေၚ် ၜိုတ်အစောံနွံ ဇွိတ်သပေါတ်ကွေတ်မိစ္ဆာမယုတ်မာ ဗွဲမမှာရာတုဲ ဟီုသ္ဂးဗိုန်ဗိုန်ဗတ်ဗတ်ရ။
ခမဳဂမၠိုၚ်ဂှ်လေဝ် ပ္ဍဲအခိၚ်မဟွံသၟတ်အစောံ တၞဟ်နကဵုခမဳအရိဋ္ဌ မကေၚ်ဒှ်ပ္ဍဲဂကူဂစိုတ်ကၟာတ် ဗၠးတိတ်နူကွေတ်မိစ္ဆာမယုတ်မာဂှ် ပြာပ်အာဇရေၚ်တဳလမၞုံပိုဉ်ကျာ်တြဲတုဲ ဂရၚ်ပတီတိုန် ဟိုတ်ပရူပရာဝွံအိုတ်ရ။
ပ္ဍဲအခိင်ဂှ် ဟိုတ်နူဟိုတ်အရာဝွံ တဳလမၞုံပိုဉ်ကျာ်တြဲ ကဵုဂကောံခမဳ ကောံဓရီုတုဲ― “ယွံအရိဋ္ဌ ဓရ်ဂမၠိုၚ် တဳလမၞုံပိုဉ်ကျာ်တြဲ မတွံလဝ်ရဴဝွံမ္ဂး လေပ်သ္ပကဵုအန္တရာယ် (ၛာန်မဂ်ဖိုလ်) အိုတ်ဂှ် အတိုၚ်တွံလဝ်ဂှ် အဲတီကေတ်ရ၊ ဓရ်ဂမၠိုၚ်ဂှ် ဟွံသၟဟ်အစောံ တၞဟ်နသ္ပကဵုအန္တရာယ် (ၛာန်မဂ်ဖိုလ်) ကုညးသိပ်ဂၠိပ်ရ” ရဴဝွံ ကွေတ်မိစ္ဆာမာယုတ်မာ ကတဵုဒှ်ကၠုၚ် ကုတၠအဲရ ဟွံဂှ် ဍာံပြဟာ” ရဴဝွံ စၟဳစၟတ်သၟာန်သၟုက် ခမဳမၞုံယၟုအရိဋ္ဌ မကေၚ်ဒှ်ပ္ဍဲဂကူဂစိုတ်ကၟာတ်ရ။
ယွံကျာ်မၞုံပိုဉ် အတိုၚ်မိၚ်လဝ်ဂှ် ဍာံပြရ။ ဓရ်ဂမၠိုၚ် တဳလမၞုံပိုဉ်ကျာ်တြဲ မတွံလဝ်ရဴဝွံမ္ဂး လေပ်သ္ပကဵုအန္တရာယ် (ၛာန်မဂ်ဖိုလ်) အိုတ်ဂှ် အတိုၚ်တွံလဝ်ဂှ် ဂွံတီကေတ်ရ၊ ဓရ်ဂမၠိုၚ်ဂှ် တၞဟ်နသ္ပကဵုအန္တရာယ် (ၛာန်မဂ်ဖိုလ်) ကုညးသိပ်ဂၠိပ်ဂှ် ဟွံသၟဟ်အစောံရ” ရဴဝွံ (ဂရၚ်ပတီရ)။ ယွံတြုံမဒှ်လ္ၚုသၟး (နူမဂ်ဖိုလ်) အဲကျာ် ကေၚ်တွံလဝ်ဓရ်ရဴဝွံ ကုညးလဵုဂှ် တၠအဲတီရော? ယွံတြုံမဒှ်လ္ၚုသၟး (နူမဂ်ဖိုလ်) နကဵုဟိုတ်မဂၠိုၚ်ဂၠၚ် ဓရ်မလေပ်သ္ပကဵုအန္တရာယ်ဂမၠိုၚ်ဂှ် လေပ်သ္ပကဵုအန္တရာယ် (ၛာန်မဂ်ဖိုလ်) အိုတ်ရ ရဴဝွံ အဲတွံလဝ်ရ ဟွံသေၚ်ဟာ၊ ဓရ်ဂမၠိုၚ်ဂှ် သၟဟ်အစောမ်တၞဟ်နသ္ပကဵုအန္တရာယ် ကုခမဳမသိပ်ဂၠိပ်ဟေၚ်ရ ရဴဝွံ တွံလဝ်ရ ဟွံသေၚ်ဟာ။
ကာမဂုဏ်ဂမၠိုၚ်ဂှ် အရာသာယျေန်အောန်အိုတ်ရ၊ ဒဒိုခ်ဂၠိုၚ်အိုတ်ရ၊ ပွမဂွိၚ်စံၚ်တူဂၠိုၚ်အိုတ်ရ၊ ပ္ဍဲကာမဂုဏ်ဂမၠိုၚ်ဝွံ ဒုဟ်ဂၠိုၚ်ဂၠၚ်ရ ရဴဝွံ အဲကျာ်တွံလဝ်ရ ဟွံသေၚ်ဟာ။ ကာမဂုဏ်ဂမၠိုၚ် တုပ်သၟဟ်ကဵုဇုတ်ဟၟဲကဵုဖျုန်အိုတ်ရ ရဴဝွံ အဲကျာ်တွံလဝ်ရ ဟွံသေၚ်ဟာ ။ ပ ။ ကာမဂုဏ်ဂမၠိုၚ်ဂှ် တုပ်သၟဟ်ကဵုဖျုန်ကဠောံအိုတ်ရ ရဴဝွံ တွံလဝ်ရ ဟွံသေၚ်ဟာ။ ကာမဂုဏ်ဂမၠိုၚ်ဂှ် တုပ်သၟဟ်ကဵုပၟတ်မိန်ဩောချောဲအိုတ်ရ ရဴဝွံ တွံလဝ်ရ ဟွံသေၚ်ဟာ။ ကာမဂုဏ်ဂမၠိုၚ်ဂှ် တုပ်သၟဟ်ကဵုကတိုၚ် လ္ၚပၟတ်အိုတ်ရ ရဴဝွံ တွံလဝ်ရ ဟွံသေၚ်ဟာ။ ကာမဂုဏ်ဂမၠိုၚ်ဂှ် တုပ်သၟဟ်ကဵု လပအ်ညာတ်အိုတ်ရ ရဴဝွံ တွံလဝ်ရ ဟွံသေၚ်ဟာ။ ကာမဂုဏ်ဂမၠိုၚ်ဂှ် တုပ်သၟဟ်ကဵုဂြပ်ဂလေံအိုတ်ရ ရဴဝွံ တွံလဝ်ရ ဟွံသေၚ်ဟာ။ ကာမဂုဏ်ဂမၠိုၚ်ဂှ် တုပ်သၟဟ်ကဵုတၞံဆု မၞုံကဵုသတ်အိုတ်ရ ရဴဝွံ တွံလဝ်ရ ဟွံသေၚ်ဟာ။ ကာမဂုဏ်ဂမၠိုၚ်ဂှ် တုပ်သၟဟ်ကဵုဒနန်အိုတ်ရ ရဴဝွံ တွံလဝ်ရ ဟွံသေၚ်ဟာ။ ကာမဂုဏ်ဂမၠိုၚ်ဂှ် တုပ်သၟဟ်ကဵုဗၞုဟ်စရံၚ်အိုတ်ရ ရဴဝွံ တွံလဝ်ရဟွံသေၚ်ဟာ။ ကာမဂုဏ်ဂမၠိုၚ်ဂှ် တုပ်သၟဟ်ကဵုက္ဍိုပ်ဇြုံအိုတ်ရ ရဴဝွံ တွံလဝ်ရ ဟွံသေၚ်ဟာ။ ကာမဂုဏ်ဂမၠိုၚ်ဂှ် အရာသာယျေန်အောန်အိုတ်ရ၊ ဒဒိုခ်ဂၠိုၚ်အိုတ်ရ၊ ပွမဂွိၚ်စံၚ်တူဂၠိုၚ်အိုတ်ရ၊ ပ္ဍဲကာမဂုဏ်ဂမၠိုၚ်ဝွံ ဒုဟ်ဂၠိုၚ်ဂၠၚ်ရ ရဴဝွံ အဲကျာ်တွံလဝ်ရ ဟွံသေၚ်ဟာ။
ယွံတြုံမဒှ်လ္ၚုသၟး (နူမဂ်ဖိုလ်) သီုကဵုအဲတွံလဝ်သာ်ဂှ် နမဇကုစောဲလာံဂိုၚ်ကေတ် ဟွံဒးရးဂှ် ပိုဲညးဂမၠိုၚ်ဂှ်လေဝ် တၠအဲ စောတ်စောဲရသွံ၊ အလဵုဇကုဇကုလေဝ် ခါဲပၠာ်ပလီုပလာ်ရသွံ၊ ဓရ်အကုသိုလ်လေဝ် ကဵုဇၞော်မောဝ်ဗွဲမဂၠိုၚ်ရသွံ။ ယွံတြုံမဒှ်လ္ၚုသၟး (နူမဂ်ဖိုလ်) ကွေတ်မိစ္ဆာမယုတ်မာဂှ် ကြက်ဒှ်တဴ တၞဟ်နမသက္ကုဒတုဲမြမောဝ် တၞဟ်နဒှ်ဒဒိုခ် ကုတၠအဲ ဗွဲမလအ်လ ကာဖာရ။ ယွံတြုံမလ္ၚုသၟး (နူမဂ်ဖိုလ်) (ပွတၠအဲသ္ပဒး) ဝွံ ကုညးဟွံလျုၚ်ဇြုၚ်သ္ဍိုက်ဂမၠိုၚ်ဏီ တၞဟ်နပွမကဵုလျုၚ်ဇြုၚ်သ္ဍိုက်ကီု ။ ပ ။ ဟီုဂရိုဟ်တုဲ ။ ပ ။ တွံကဵုဂလာန်ဓရ်တုဲမ္ဂး―
ယွံခမဳတအ် ဒှ်သာ်ဂှ်မ္ဂး သၚ် ဩဝ်သ္ပဥက္ခေပနဳယကမ် ဟိုတ်ပွမဟွံသၠးကၠေံ ကွေတ်မယုတ်မာ မဟွံမွဲကဵုပွမပြဘိုဂ်မွဲစွံကေုာံသၚ် ကုခမဳအရိဋ္ဌ မကေၚ်ဒှ်ပ္ဍဲဂကူဂစိုတ်ကၟာတ်ညိ ရဴဝွံ သ္ဂးကဵုခမဳဂမၠိုၚ်ရ။
ယွံခမဳတအ် ရဴဝွံ ဒးသ္ပရ၊ ဗွဲကိုပ်ကၠာ ဒးစောဒနာ ခမဳအရိဋ္ဌရ၊ စောဒနာတုဲ ပ္ဍဲကြဴ ဒးကဵုဗှ်ဗၞုဟ်ရ၊ ကဵုဗှ်ဗၞုဟ်တုဲပ္ဍဲကြဴ ဒးပတိုန်အာပတ်ရ၊ ပတိုန်အာပတ်တုဲပ္ဍဲကြဴ ခမဳ စဳကၠးဆိုက်ဗ္ဒက် ပ္ဍဲဝိနယ်သိက္ခာပိုဒ်တုဲ မၞုံကဵုအစောံသတ္တိဂှ် သ္ဒးကဵုသၚ်တီရ။
၆၆။ “ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကွေတ်မိစ္ဆာမယုတ်မာ ရဴဝွံမ္ဂး ‘ဓရ်ဂမၠိုၚ် တဳလမၞုံပိုဉ်ကျာ်တြဲ မတွံလဝ် ရဴဝွံမ္ဂး လေပ်သ္ပကဵု အန္တရာယ် (ၛာန်မဂ်ဖိုလ်) အိုတ်ဂှ် အတိုၚ်တွံလဝ်ဂှ် အဲတီကေတ်ရ၊ ဓရ်ဂမၠိုၚ်ဂှ် ဟွံသၟဟ်အစောမ် တၞဟ်နသ္ပကဵုအန္တရာယ် (ၛာန်မဂ်ဖိုလ်) ကုညးသိပ်ဂၠိပ်ရ’ ဂှ် ကတဵုဒှ် ကုခမဳအရိဋ္ဌ မကေၚ်ဒှ် ပ္ဍဲဂကူဂစိုတ်ကၟာတ်ရ၊ ခမဳအရိဋ္ဌဂှ် ဟွံသၠးကၠေံကွေတ်မိစ္ဆာဂှ်ရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး သၚ်သ္ပဥက္ခေပနဳယကမ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာ မဟွံမွဲကဵုပွမပြဘိုဂ်မွဲစွံကေုာံသၚ် ကုခမဳအရိဋ္ဌ မကေၚ်ဒှ်ဂကူဂစိုတ်ကၟာတ်ရ၊ ဣဝွံတုန် ပွကဵုတီရောၚ်။
ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကွေတ်မိစ္ဆာမယုတ်မာ ရဴဝွံမ္ဂး ‘ဓရ်ဂမၠိုၚ် တဳလမၞုံပိုဉ်ကျာ်တြဲ မတွံလဝ် ရဴဝွံမ္ဂး လေပ်သ္ပကဵု အန္တရာယ် (ၛာန်မဂ်ဖိုလ်) အိုတ်ဂှ် အတိုၚ်တွံလဝ်ဂှ် အဲတီကေတ်ရ၊ ဓရ်ဂမၠိုၚ်ဂှ် ဟွံသၟဟ်အစောမ် တၞဟ်နသ္ပကဵုအန္တရာယ် (ၛာန်မဂ်ဖိုလ်) ကုညးသိပ်ဂၠိပ်ရ’ ဂှ် ကတဵုဒှ် ကုခမဳအရိဋ္ဌ မကေၚ်ဒှ် ပ္ဍဲဂကူဂစိုတ်ကၟာတ်ရ၊ ခမဳအရိဋ္ဌဂှ် ဟွံသၠးကၠေံကွေတ်မိစ္ဆာဂှ်ရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး သၚ်သ္ပဥက္ခေပနဳယကမ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာ မဟွံမွဲကဵုပွမပြဘိုဂ်မွဲစွံကေုာံသၚ် ကုခမဳအရိဋ္ဌ မကေၚ်ဒှ်ဂကူဂစိုတ်ကၟာတ်ရ၊ ယြဴကုတဳလပိုဉ်မွဲ သ္ဍိုက်မၠိုက် ပွမသ္ပဥက္ခေပနဳယကမ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာ ကုခမဳအရိဋ္ဌ မကေၚ်ဒှ် ပ္ဍဲဂကူဂစိုတ်ကၟာတ်ရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
မရနုက်ကဵုၜါဝါလေဝ် ဟီုသ္ဂးဟိုတ်ဂှ်ရ ။ ပ ။ မရနုက်ကဵုပိဝါလေဝ် ဟီုသ္ဂးဟိုတ်ဂှ်ရ။ ယွံတဳလပိုဉ်တအ် သၚ် ဩဝ်ကလၚ်ပၚ်မှိၚ် (ဂလာန်) အဲဍိက်ညိ၊ ကွေတ်မိစ္ဆာမယုတ်မာ ရဴဝွံမ္ဂး ‘ဓရ်ဂမၠိုၚ် တဳလမၞုံပိုဉ်ကျာ်တြဲ မတွံလဝ် ရဴဝွံမ္ဂး လေပ်သ္ပကဵု အန္တရာယ် (ၛာန်မဂ်ဖိုလ်) အိုတ်ဂှ် အတိုၚ်တွံလဝ်ဂှ် အဲတီကေတ်ရ၊ ဓရ်ဂမၠိုၚ်ဂှ် ဟွံသၟဟ်အစောမ် တၞဟ်နသ္ပကဵုအန္တရာယ် (ၛာန်မဂ်ဖိုလ်) ကုညးသိပ်ဂၠိပ်ရ’ ဂှ် ကတဵုဒှ် ကုခမဳအရိဋ္ဌ မကေၚ်ဒှ် ပ္ဍဲဂကူဂစိုတ်ကၟာတ်ရ၊ ခမဳအရိဋ္ဌဂှ် ဟွံသၠးကၠေံကွေတ်မိစ္ဆာဂှ်ရ၊ ကမ်မၞုံကဵုအခိၚ်မဗဗွဲ ကုသၚ် ယဝ်ဒှ်မ္ဂး သၚ်သ္ပဥက္ခေပနဳယကမ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာ မဟွံမွဲကဵုပွမပြဘိုဂ်မွဲစွံကေုာံသၚ် ကုခမဳအရိဋ္ဌ မကေၚ်ဒှ်ဂကူဂစိုတ်ကၟာတ်ရ၊ ယြဴကုတဳလပိုဉ်မွဲ သ္ဍိုက်မၠိုက် ပွမသ္ပဥက္ခေပနဳယကမ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာ ကုခမဳအရိဋ္ဌ မကေၚ်ဒှ် ပ္ဍဲဂကူဂစိုတ်ကၟာတ်ရ၊ တဳလပိုဉ်ဂှ် သ္ဒးဒၟံၚ်သ္ၚိတ်သ္ၚိတ်ရ၊ ယြဴကုတဳလပိုဉ်မွဲ ဟွံမွဲကဵုပွမသ္ဍိုက်မၠိုက်ရ၊ တဳလပိုဉ်ဂှ် သ္ဒးဟီုတိုန်ရ။
သၚ် ဂပ်ဝ်သ္ပဥက္ခေပနဳယကမ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာ မဟွံမွဲကဵုပွမပြဘိုဂ်မွဲစွံကေုာံသၚ် ကုခမဳအရိဋ္ဌ မကေၚ်ဒှ်ပ္ဍဲဂကူဂစိုတ်ကၟာတ်တုဲရ၊ ကုသၚ်ဂှ် မၞုံကဵုပွမသ္ဍိုက်မၠိုက်ရ၊ ဟိုတ်ဂှ်ရ ဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရ၊ နမဒၟံၚ်ကၞပ်သ္ၚောံသ္ၚိတ်ဇြရဴဝွံ ဂွံတီကေတ် ဒဒှ်မသ္ဍိုက်မၠိုက်ဂှ်ရ” ရဴဝွံ (သ္ဒးကဵုတီရ ရဴဝွံ သ္ဂးရ)။
ယွံခမဳတအ် “ဂပ်ဝ်သ္ပဥက္ခေပနဳယကမ် ဟိုတ်ပွမဟွံသၠးကၠေံ ကွေတ်မိစ္ဆာမယုတ်မာ မဟွံမွဲကဵုပွမပြဘိုဂ်မွဲစွံကေုာံသၚ် ကုခမဳအရိဋ္ဌ မကေၚ်ဒှ်ပ္ဍဲဂကူဂစိုတ်ကၟာတ်တုဲရ” ရဴဝွံ ဘာအဆက်အဆက်လေဝ် ဒးဟီုလဴပတီအိုတ်ရ ရဴဝွံ (သ္ဂးရ)။
